PALITRA
  Gündəlik online qəzet
13.01.2018 | 14:05:00 | Sosial şəbəkədə paylaş:

“Serj Sərkisyan hazıkı hakimiyyətini saxlamağa, prezident vəzifəsindən getsə də baş nazir vəzifəsini tutmağa çalışır”. Ermənilərin “Lragir.am” saytına danışan erkspert Levon Şirinyan Ermənistandakı respublikacıların, guya Serı Sərkisyanın “əvəzedilməz” oldugunu iddia etmələrinə münasibət bildirib: “Təbii ki, tarixdə ömrünün sonuna qədər hakimiyyətdə olan siyasətçilər olub. Məsələn, Almaniyada Adenauer Hitlerdən sonra ölkəni dirçəltdi. Onlar bunu qanunları pozmadan ediblər. Bu, dövlətin institusional inkişafıdır. Bizdə isə tam fərqli hadisələr baş verir . Mən bunu Ermənistan üşün heç cürə institusional inkişaf kimi dəyərləndirə bilmərəm”.
Sayt əməkdaşının ölkədə aprel ayına qədər kataklizmin mümkünlüyü barədə sualı cavablandıran erməni ekspert deyir ki, bizdə kataklizm istənilən vaxt, özü də gözlənilməz şəkildə baş verə bilər: “Siz Aprel müharibəsini xatırlayırsınızmı? Onda hakimiyyət əhalini hər hansı bir müharibənin olmayacağına inandırmışdı. Lakin müharibə baş verdi. Bu gün eyni hadisələr daxili siyasətdə də ola bilər. İnsanlar hələ ki, Yeni ildə aldıqları ehtiyat azuqələrdən yararlandıqları üçün ökədəki qiymət artımını o qədər də hiss etmirlər. Uzağı 10 gündən sonra onlar bu bahalıgı tam hiss edəcəklər. Sonra Ermənistanda üsyanın baş verməsi qaçılmaz olacaq. Doğrudur, bu gün bəziləri ölkə əhalisinin süstlüyü barədə danışsa da, mən bunlara o qədər də inanmıram”.
Əməkdaşın erməni ekspertə ünvanladıgı növbəti sual Serj Sərkisyanın baş nazirin yoxlugu ərəfəsində keçirdiyi toplantı ilə baglı olsa da, əsas sual kimi, “Bu gün Ermənistanda inflyasiya ehtimalı varmı?”-deyə soruşur.
Levon Şirinyanın cavabı isə, “məgər Ermənistanda baş nazirin hər hansı bir səlahiyyəti varmı?”-olur: “Ermənistan avtoritar bir ölkədir, hər şey bir nəfər tərəfindən həll edilir. Bir daha xatırladım ki, bu gün Ermənistan institusional inkişaf etmir, ölkəni oliqarxlar, yalançı-intellektuallar, bəlkə hərbi liderlər idarə edirlər. Onlar hələ də ümidlidirlər. Başqa sözlə, prezident Serj Sərkisyan ölkədə heç bir “форс-мажор” (fəlakət) olmayacağı təqdirdə baş nazir olacaq. Hazırkı baş nazir Карен Карапетyanın sonrakı taleyi, bu gün, mənim üçün də müəmmalı olaraq qalır. Bir daha xatırladım ki, Ermənistan oliqarxik bir ölkə kimi daxili bir razılığa imza atıb. Hazırda oligarxik qruplar arasındakı fikir ayrılıqları ilk şəxsin yeri üçün deyil, kvotalar üçün baş verir. Bu gün Serj Sərkisyan da oligarxik qruplardan tamamilə razıdır,
Yadınızdadırsa, 97-ci ildə Levon Ter-Petrosyan hakimiyyəti oliqarxları təmin etmədiyi üçün onu hakimiyyətdən uzaqlaşdırdılar. Çünki, Levon Ter-Petrosyan onların tələblərini cavab verə bilmədi. Belə görünür ki, onlar Serj Sərkisyandan razıdırlar”-deyə Levon Şirinyan bildirib.
Ağasəf Babayev

Xəbər 37 dəfə oxundu

Ana səhifə