Milli Aviasiya Akademiyasının tələbələrinə sertifikatlar verildi
Tarix: 12.02.2019 | Saat: 16:54:00 | E-mail | Çapa göndər


AMEA-nın Mərkəzi Elmi Kitabxanasında artıq 3-cü ildir ki, vikipediya üzrə təlimlər keçirilir. Bu dövr ərzində vili-könüllülərdən ibarət 40-dan artıq qrup ödənişsiz əsaslarla təlimlərdə iştirak edib, maariflənmə imkanından bəhrələnib. Sevindirici haldır ki, Mərkəzi Elmi Kitabxananın təşkil etdiyi təlimlərin günü-gündən səmərəsi artır. Kitabxananın “Vikipediya Metodik Mərkəzi” tərəfindən keçirilmiş təlimlərin bu dəfəki iştirakçıları Milli Aviasiya Akademiyasının tələbələri olub. Bir aylıq təlim müddəti ərzində keçirilən “Vikipediyada məqalələrin yaradılması və redaktəsi” adlı təlim kursunu uğurla başa vuran könüllülər sertifikatla təltif olunublar.
Mərkəzi Elmi Kitabxananın Sərbəst Elektron Resurslar şöbəsinin müdiri Elnur Eltük iştirakçılara müraciət edərək, təlimlərdə alınan biliklərin davamlı tətbiqinə səsləyib, viki-könüllülərə uğurlar arzulayıb və müxtəlif dilli vikipediyalarda Azərbaycanın tarixini, mədəniyyətini, görkəmli şəxslərini daha çox elmi mənbələrə əsaslanaraq işıqlandırmağa səsləyib.
Kitabxananın bölmə rəhbəri Günay Məmmədova onu da bildirib ki, Mərkəzi Elmi Kitabxananın "Vikipediya Metodik Mərkəzi” nin könülləri təlimlərdən sonra bir peşəkar təlimçi kimi də yetişirlər.
"Milli Aviasiya Akademiyasının tələbələri qısa müddət ərzində texnika və aviasiya mövzuları üzrə Vikipediyada 200-dən artıq məqalə yerləşdirərək Vikipediyaya öz töhfələrini veriblər”, - deyə Günay Məmmədova qeyd edib.
Təlimlər yeni iştirakçılar üçün davam edir. Təlimçilər – SER şöbəsinin Təlimlər üzrə bölmə rəhbəri Günay Məmmədova, mütəxəssislər Rəcəb Həsənbəyov və Nuray Tanrıverdiyeva tərəfindən aparılır.
Vikipediyanın Azərbaycan dilində olan bölməsində hazırda 143 min 351 məqalə var. Son illərdə bu virtual ensiklopediyada ana dilimizdə məqalələrin yaradılmasında böyük fəallıq müşahidə olunur. Belə ki, sayı 700-ü aşmış fəal iştirakçıların çalışmaları nəticəsində Azərbaycan dillində Vikipediya ümumi siyahıda 50-ci pilləyə qalxıb.
MEK-in “Sərbəst elektron resuslarla iş” şöbəsinin əməkdaşları tərəfindən vikipediya elektron ensiklopediyasının Azərbaycanda kütləviləşdirilməsi istiqamətində işlər davam etdirilir. Mərkəzdə vikipediya ilə bağlı görüşlər və tədbirlər müntəzəm təşkil edilir. Qeyd edək ki, təlimlər tam ödənişsiz keçirilir. Təlimlərdə iştirak etmək arzusunda olan şəxslər aşağıdakı ünvana müraciət edə bilərlər:
Əlaqə:055-375-59-34
e-mail: vikitelim@gmail.com

Fuad




 
Bölməyə aid digər xəbərlər
22.08.2019
Bakı Ali Neft Məktəbinə qəbul planı 100 faiz dolub
22.08.2019
Bakalavrların nəzərinə: qeydiyyatın başa çatmasına bir gün qalıb
21.08.2019
Macarıstanda doktorantura təhsili almaq mənim arzum idi
21.08.2019
Bakıda iki sinfin bütün məzunları ali məktəbə qəbul olub
21.08.2019
Direktorların işə qəbulu üzrə müsahibə mərhələsi başlayıb

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10868

1 Azərbaycana qarşı casusluq edən 128 nəfər aşkar edilib
2 Bakıdan avtobusla Naxçıvana gedənlərə şad xəbər
3 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
4 “Stokholmda Rəssamlıq qalereyası açmaq planım var”
5 Türkiyədən Naxçıvana uçuşlar yeni hava dəhlizi vasitəsilə həyata keçirilir


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info