Masallıda “Xocalı faciəsi qan yaddaşımızdır” mövzusunda inşa müsabiqəsi keçirilib
Tarix: 15.02.2019 | Saat: 17:24:00 | E-mail | Çapa göndər


Masallı rayon Gənclər və İdman İdarəsi və Təhsil Şöbəsinin birgə təşkilatçılığı ilə Gənclər Mərkəzində “Xocalı faciəsi qan yaddaşımızdır mövzusunda inşa müsabiqəsi keçiridi. Tədbirdə əvvəlcə 26 fevral – Xocalı soyqırımı qurbanlarının əziz xatirəsi bir dəqiqəlik sükutla yad edildi. Masallı rayon Gənclər və İdman İdarəsinin rəisi Camal Manafov tədbirdə çıxış edərək Xocalı faciəsi barədə ətraflı məlumat verdi, xalqımızın tarixində ən qanlı hadisələrdən biri olan, ermənilər tərəfindən soydaşlarımıza qarşı törədilən bu cinayət hadisəsi zamanı dinc əhalinin xüsusi qəddarlıqla qətlə yetirildiyini, əsir götürülən insanların isə dəhşətli işgəncələrə, zülm və təhqirlərə məruz qaldıqlarını diqqətə çatdırdı. Xocalı haqqında həqiqətlərin dünya ictimaiyyətinin diqqətinə çatdırılması, bu faciənin xalqımıza qarşı soyqırımı aktı kimi tanınması üçün dövlətimizin bütün zəruri addımlar atdığını qeyd edən natiq bu sahədə məqsədyönlü fəaliyyətin xalqımızın ümummilli lideri Heydər Əliyevin Azərbaycanda siyasi hakimiyyətə qayıdışından sonra başlandığını, məhz onun təşəbbüsü ilə Xocalı soyqırımına siyasi-hüquqi qiymət verildiyini, 26 fevral tarixinin “Xocalı soyqırımı günü” elan edildiyini tədbir iştirakçılarının nəzərinə çatdırdı. Ölkə Prezidenti İlham Əliyevin inamla həyata keçirdiyi daxili və xarici siyasətin, erməni qəsbkarlığının ifşası üzrə yönəlmiş uğurlu addımların müsbət nəticələr verdiyini vurğulayan C.Manafov daha sonra bildirdi ki, Xocalı soyqırımı haqqında həqiqətlərin dünya ictimaiyyətinə çatdırılması, Azərbaycan xalqı və ümumən insanlıq əleyhinə yönəldilmiş son dərəcə ağır hərbi cinayətin beynəlxalq miqyasda siyasi-hüquqi qiymətini alması məsələsi dövlət siyasətinin mühüm istiqamətini təşkil edir. Tədbirdə Masallı rayon Təhsil Şöbəsinin metod kabinetin müdiri Bəybala Xəlilov qeyd etdi ki, Azərbaycan xalqı 200 il ərzində erməni millətçi-şovinistlərinin davamlı olaraq etnik təmizləmə, soyqırımı siyasətinə məruz qalıb. Azərbaycan xalqı tarixi torpaqlarından qovulub, qaçqına, məcburi köçkünə çevrilib və bütün bunlar ermənilər tərəfindən kütləvi qırğınlarla müşayiət olunub.
Sonda münsiflər heyəti tərəfindən qaliblər müəyyən edilib: VII-IX sinif şagirdləri arasında şəhər 5 saylı tam orta məktəbin IX sinif şagirdi Kazımova Mehriban Mehman qızı birinci yerə, R.Əzizov adına Yeddioymaq 1 nömrəli tam orta məktəbin IX sinif şagirdi Qasımova Hüsniyyə Mirtofiq qızı ikinci yerə, E.Əhədov adına Təzə Alvadı 1 nömrəli tam orta m məktəbin IX sinif şagirdi Həbişzadə Səma Pərviz qızı üçüncü yerə layiq görülmüşlər. Fərqləndiyinə görə isə şəhər 5 saylı tam orta məktəbin VII sinif şagirdi Məmmədova Günül Cəlal qızı diplomla mekafatlandırıldı .
X-XI sinif şagirdləri arasında Bala Kolatan kənd tam orta məktəbin XI sinif şagirdi Ağayeva Aynur Niyaz qızı birinci yerə, Qızılağac kənd 2 nömrəli tam orta məktəbin X sinif şagirdi Nərimanova Aytən Mayis qızı ikinci yerə, Ə.İbadova adına Tüklə kənd tam orta məktəbinin X sinif şagirdi Ağayeva Samiyə Həbib qızı üçüncü yerə layiq görülmüşlər. Fərqləndiyinə görə isə Qəriblər kənd tam orta məktəbinin X sinif şagirdi Əmənov Təyyar Fərman oğlu, “Dəfinə” məktəb liseyinin XI sinif şagirdi Əşrəfova Aydan Alxasqızı diplomlarala mekafatlandırıldı. Müsabiqədə qalib gəlmiş bütün şagirdlər Rayon Gənclər və İdman İdarəsi tərəfindən diplomla təltif olunmuşlar.

Əlihüseyn Şükürov
Masallı




 
Bölməyə aid digər xəbərlər
19.08.2019
Masallı rayonunda gənc könüllülərə sertifikatlar təqdim edilib
19.08.2019
Daxili İşlər naziri Daxili Qoşunların paytaxtda yerləşən “N” saylı hərbi hissəsində olub
19.08.2019
Baş Prokurorluq, DİN və Vergilər Nazirliyi “Relaks” istirahət mərkəzi ilə bağlı birgə məlumat yaydı
19.08.2019
Rusiyada yaşayan məşhur vəkil Ələkbər Qarayev Kanal 5-in qonağı olub.
19.08.2019
Ölkəmizdə vahid məktəbli forması 2020-2021-ci tədris ilindən tətbiq ediləcək

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10861

1 750 mindən çox vətəndaşın pensiyasında artım olacaq
2 Sabahdan Türkiyə ilə Naxçıvan arasında birbaşa hava dəhlizi açılır
3 Azərbaycana qarşı casusluq edən 128 nəfər aşkar edilib
4 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
5 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info