Vladimir Solovyov: “Ermənistan Ukrayna ssenarisi ilə gedir“
Tarix: 06.03.2019 | Saat: 17:29:00 | E-mail | Çapa göndər


“Bu, Ermənistan üçün kədərli sonluqla yekunlaşa bilər”

Şübhəsiz ki, əsl müstəqilliyi olmayan dövlət demokratik ola bilməz. Dövlətin mövcudluğu xalqın demokratik hüquqlarının formalaşmasına və təminatına əsas verir. Məhz bu halda dövlət öz idarəçilik funksiyasını demokratiyanın tələbləri ilə yerinə yetirir. Maraqlıdır ki, «ArmenianReport» saytında Ermənistanın bu gününü özündə əks etdirən «Cəza -demokratiya əlaməti deyil» adlı yazını oxuyarkən «Paşinyan demokratiyası»nın hələ ki, yuxarıda sadaladığımız məziyyətlərdən xeyli uzaq olduğunu görürük. Əslində bu, erməni yazarın da gəldiyi qənaətdir: «Ermənistanda «məxməri inqilab» yolu ilə hakimiyyət dəyişikliy bizdə böyük ümidlər doğurmuşdu. Ancaq indi etiraf edilməlidir ki, ölkədə inqilabdan sonrakı gedişat məyusluq yaratmaqdadır. Bunun ilk mənfi simptomları, hələ Respublikaçılar Partiyası nümayəndələrinin onlara qarşı aparılan təhdidlərdən şikayət etməyə başladıqdan sonra ortaya çıxdı. Təbii ki, bu da əsassız deyilmiş. Elə bir neçə müddət bundan əvvəl erməni fəal Narek Malyana qarşı törədilən cinayət artıq ölkənin gələcək inkişafı barədə bir çox nüanslardan xəbər verməkdədir. Sabiq universitet tələbəsi, təhsil aldığı ali məktəbdən qovulduqdan sonra «Restart» təşəbbüs qrupu yaradan David Petrosyan və onun tərəfdarlarının kimlərəsə qarşı ədalətsizlik etməsinə nə ad vermək olar? Sual olunur, «demokratik ölkə»də (?) bir qrup gəncin zorakılıq yolunu seçməyə qərar vermək hüququ varmı? Onların vaxtilə «məxməri inqilaba» qatılaraq Paşinyanın ətrafında olmaları istisna edilməsə də, indi heç kim onlara hər hansı bir şəxsə qarşı zorakılıq həyata keçirmək haqqı vermir.

“Bu gün ölkədə mütəxəssis qıtlığının olması göz önündədir. Səriştəli mütəxəssislərin əksəriyyəti, geri dönməmək şərtilə, ölkəni artıq tərk ediblər”

Ermənistanda inqilab kimə qarşısa haqsızlıq etmək, onu susdurmaq üçün həyata keçirilmədi. Bu gün Ermənistanda əvvəlki hökumət tərəfdarlarının hüquqlarını məhdudlaşdırmaq üçün qanunlar tətbiq etmək barədə fikirlər səsləndirilir. Doğrudanmı, bu lazımdır? Bəlkə də lazımdır. Çünki, əks halda, yaxın zamanlarda ölkə üçün repressiyalar və intiqam “hovuzuna” atılmaq riski artacaq. Bundan başqa, erməni spesifikliyini də anlamaq lazımdır. Bu gün ölkədə mütəxəssis qıtlığının olması göz önündədir. Səriştəli mütəxəssislərin əksəriyyəti, geri dönməmək şərtilə, ölkəni artıq tərk ediblər. Baş nazir Paşinyanın bu sahədə «aclıq» çəkdiyini iddia edən bəzi erməni ekpertlər də, haradasa, haqlıdırlar. Maraqlıdır ki, onların əksəriyyəti dünya təcrübəsinə istinadən, bir çox Avropa ölkələrində baş verən inqilabdan sonra sabiqlərə “qapının göstərildiyini” nümunə kimi önə çəkirlər. Erməni yazarın təbirincə, əslində, bu da çıxış yolu deyil. Onun fikrincə, siyasi rəqiblərə hörmət sivilizasiyalı, demokratik bir cəmiyyətin mühüm əsaslarından biri olmalıdır. Amma Ermənistanda bütün bunlara əməl olunurmu?
«Ermənistanda yaşanan hadisələr göstərir ki, bu ölkədə də Ukrayna texnologiyalarından istifadə olunur». Qeyd edək ki, bu fikirləri martın 5-də rusiyalı telejurnalist Vladimir Solovyov "Vesti FM" radiosunun "Tam əlaqə" proqramında səsləndirib . O, Ermənistanın da Ukrayna ssenarisi ilə getdiyi barədə xəbərdarlıq edib. Maraqlıdır ki, erməni cəmiyyətinin sağlam qüvvələrinə müraciət edən Solovyov onları ölkə gənclərinin Ukrayna metodlarından istifadə etməməsi üçün yardımçı olmağa çağırıb. Onun fikrincə, bu, Ermənistan üçün kədərli sonluqla yekunlaşa bilər.
Ağasəf Babayev




 
Bölməyə aid digər xəbərlər
22.07.2020
Ermənistanda ilin sonuna qədər iqtisadi tənəzzül qaçılmazdır
29.06.2020
“Azərbaycanın olmadığı yerdə Türkiyə, Türkiyənin də olmadığı yerdə Azərbaycan var” - bu bizlərin şüarıdır…”
22.06.2020
“Keşişlər kilsəni erməni quldur dəstələrini silahlandıran cəbbəxanaya çevirmişdilər”
11.06.2020
“ Tibb sənayesinin inkişafı artıq milli təhlükəsizliyin bir atributuna çevrilməkdədir”
02.06.2020
“Tez bir zamanda mükəmməl təhsil sisteminə malik dövlətlərdən biri olacağıq”

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11585

1 Dr. Səttar Yaqubov: Koronovirusla mübarizə aparan Mərkəzi Gömrük Hospitalının tibb personalının sağlamlığının qorunması bizim əsas vəzifə borcumuzdur
2 Statistika sahəsində hesabatlılığın səmərəliliyi artacaq, məlumatlardan istifadə imkanları sadələşəcək
3 Gürcüstanın turizm gəlirləri 80 faiz azalacaq
4 Leyla Abdullayeva: Ermənistan bəzi Yaxın Şərq ölkələrindəki erməni əsilli əhalinin Azərbaycanın beynəlxalq tanınmış Dağlıq Qarabağ və ətraf bölgələrində qanunsuz məskunlaşdırılması cəhdlərinə əl atır
5 Turizm Agentliyi sahibkarlara müraciət edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info