Azərbaycanda gimnastikanın inkişafı Mehriban Əliyevanın adı ilə bağlıdır
Tarix: 15.03.2019 | Saat: 17:59:00 | E-mail | Çapa göndər


Birinci vitse-prezident Mehriban Əliyevanın Azərbaycan Gimnastika Federasiyasının prezidenti seçilməsi ilə ölkədə bu idman növü inkişaf etməyə başladı. Bunu Trend-ə açıqlamasında Azərbaycan Gimnastika Federasiyasının baş katibi Nurlana Məmmədzadə deyib. N.Məmmədzadə qeyd edib: "Birinci vitse-prezident Mehriban Əliyeva 2002-ci ildə Azərbaycan Gimnastika Federasiyasının prezidenti seçildi. Bu dövrdən etibarən ölkədə gimnastika inkişaf etməyə başladı. Bu gün federasiyamız Beynəlxalq Gimnastika Federasiyasının tanıdığı 6 gimnastika növünü uğurla inkişaf etdirir".
O bildirib ki, 2016-ci ildən başlayaraq Azərbaycan hər il gimnastikanın üç Olimpiya növü üzrə Dünya kubokları təşkil edir: "Hazırda Bakıda kişi və qadın idman gimnastikası üzrə Dünya Kuboku keçirilir. Turnir Tokio-2020 Yay Olimpiya Oyunlarına təsnifat xarakterli olması ilə fərqlənir. Bu yarışın əhəmiyyəti həm məşqçi və idmançılar, həm də təşkilatçılar üçün çox böyükdür". Cari turnirin digər Dünya kuboklarından fərqindən danışan federasiyanın baş katibi deyib ki, adi Dünya kuboklarında Beynəlxalq Gimnastika Federasiyasından yalnız bir texniki nümayəndə dəvət olunur. Bu il texniki nümayəndələrdən başqa, alətlər üzrə supervayzer funksiyasını yerinə yetirən hakimlər, eləcə də hakim-referentlər dəvət edilib”. N.Məmmədzadənin sözlərinə görə, yarışlar təsnifat xarakterli olduğu üçün iştirakçıların sayı çoxdur: “Ötənilki Dünya Kuboku ilə müqayisə etsək görərik ki, iştirakçı ölkələrin sayı iki dəfə artıb. Belə ki, bu il yarışda 41 ölkənin idmançıları iştirak edir”. Federasiyanın baş katibi, həmçinin gələcək yarışlar barədə danışıb. O qeyd edib ki, aprel ayında bədii gimnastika üzrə Dünya Kubokunun final mərhələsi keçiriləcək. Ondan əvvəl isə “AGF Junior Trophy” beynəlxalq turniri baş tutacaq:
“May ayında Bakıda bədii gimnastika və aerobika gimnastikası üzrə Avropa çempionatları keçiriləcək. İyul ayında Bakıda Avropa Gənclər Olimpiya Festivalı keçiriləcək. Bu tədbirdə gimnastikanın iki növü – kişi və qadın idman gimnastikası yer alıb. Bundan başqa, sentyabrda bizi bədii gimnastika üzrə dünya çempionatı gözləyir. Burada 55-dən çox ölkənin iştirakı planlaşdırılır. Bu çempionat da Olimpiya Oyunları üçün təsnifat xarakteri daşıyacaq”. Qeyd edək ki, Bakıda Milli Gimnastika Arenasında kişi və qadın idman gimnastikası üzrə FIG Dünya Kuboku çərçivəsində yarışların ikinci günü keçirilir. Martın 17-nə qədər davam edəcək yarışların ilk günündə təmsilçilərimizdən Murad Ağarzayev (sərbəst hərəkətlər), Nikita Simonov (halqalar) və Marina Nekrasova (dayaqlı tullanma, gimnastika tiri) final mərhələsinə vəsiqə qazanıblar.
Dördgünlük turnir Tokio-2020 Yay Olimpiya Oyunlarına vəsiqə qazanmaq istəyən gimnastlar üçün mühüm keçid rolunu oynayacaq. Belə ki, olimpiyadaya təsnifat xarakterli bu yarışda iştirak etmək üçün 41 ölkə qeydiyyatdan keçib. Medallar və lisenziya xalları uğrunda isə 121 kişi və 49 qadın idman gimnast mübarizə aparır.




 
Bölməyə aid digər xəbərlər
19.05.2019
Ermənistan silahlı qüvvələri atəşkəs rejimini 22 dəfə pozub
19.05.2019
Daşkəsəndə 217 nəfər ödənişli ictimai işlərə cəlb olunub
19.05.2019
Sabunçu rayonunda mənzildə baş verən yanğın bir nəfərin ölümünə səbəb olub
18.05.2019
Buzovna qəsəbəsində üçmərtəbəli ticarət mərkəzində yanğın baş verib
18.05.2019
90 nəfər əlilliyi olan şəxs istirahətə yola salınıb

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10782

1 “Ukraynanın ictimai-siyasi həyatında fəal iştirak edirik”
2 General-mayor Tərlan bəy Əliyarbəyovun nəvəsi: “Babam öz istedadını milli hərbi kadrların yetişməsinə sərf edib”
3 “İş yerlərində təhlükəsiz əmək şəraiti yaratmaq lazımdır”
4 Dünya rəssamları arasında yer alan azərbaycanlı
5 AzMİU-da İmadəddin Nəsiminin 650 illik yubileyi qeyd olunub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info