“Hamı “Qarabağ”ı məğlub etmək istəyir”
Tarix: 16.03.2019 | Saat: 02:25:00 | E-mail | Çapa göndər



“Qarabağ”ın yarımmüdafiəçisi Riçard Almeyda Topaz Premyer Liqanın 21-ci turunda “Səbail”i 2:1 hesabı ilə məğlub etdikləri səfər oyunundan sonra jurnalistlərin suallarını cavablandırıb. Qol.az-ın məlumatına görə, braziliyalı milliləşdirilmiş futbolçu əvvəlcə qələbəni şərh edib.

-Razıyam, çətin oyun oldu. Ümumiyyətlə, çempionatda asan oyun yoxdur. Bu gün əsas komandanın əzmkarlığını qeyd edərdim. Əvvəlki formamızı bərpa etməyə başlayırıq. Bir məqsədimiz var: bütün oyunlarda qələbə qazanmaq. Bugünkü matça gəlincə, ilk qolu biz vursaq da, rəqib hesabı bərabərləşdirdi. İkinci hissədə daha çox qol imkanımız oldu. Xarakter göstərdik. Xal itirə bilməzdik. Bu gün qazandığımız 3 xala görə sevincliyik.

- Artıq qarşıda 1 dövrə qalıb. Ümidiniz varmı ki, mövsümün sonunda “Neftçi”ni qabaqlaya biləcəksiniz?

- Əlbəttə, futboldur. Hər şey ola bilər. Həm “Neftçi”, həm də “Qarabağ” yaxşı komandadır. Bu gün onlar bizdən öndədirlər. Bu da normal haldır.

- Bu mövsüm “Qarabağ” “Səbail”, “Zirə” kimi komandalarla oyunlarda çox əziyyət çəkir. Bu, nə ilə bağlıdır?

- Komandalar çox artırıblar, heyətlərinə yaxşı futbolçular qatıblar. Ona görə oyunlar çətin keçir. Nəzərə alaq ki, biz ardıcıl 5 il çempion olmuşuq. Bu səbəbdən bütün komandalar bizi məğlub etmək istəyirlər.

- Mahir Mədətovun bu qədər qol fürsətini boşa verməsi barədə nə deyə bilərsiniz?
- Hər bir futbolçunun çətin dövrləri olur. Ona dəstək olmaq lazımdır. Amma Mahir öz üzərində işləyən futbolçudur. Həmişə məşqdən sonra qalıb, çalışır. Dəstək çox önəmlidir. Məsələn, Koutinyonu götürək, neçə oyun idi qol vurmurdu. Azarkeşlər ona dəstək oldu. Səhv etmirəmsə, son oyunda qol da vurdu. Əsas odur ki, komanda yoldaşlarının dəstəyini hiss etsin.

- “Səbail” dünyaca tanınmış futbolçu Maykl Esyeni heyətinə qatır. Bu gün oyunu da tribunadan izlədi. Buna münasibətiniz maraqlı olardı...

- Esyen kimi futbolçuların Azərbaycana gəlməsi çempionat üçün yaxşı reklam olar, Premyer Liqanın səviyyəsini qaldırar. Onun oyunlarını çox izləmişəm. Dəyər verdiyim futbolçulardan biridir. Çempionlar Liqasının qalibi olub. Bizim üçün də xoşdur ki, belə bir futbolçu Azərbaycana gəlib.
- Qarşıda milli komandanın oyunları var. Xorvatiya ilə səfər matçından nə gözləmək olar?
- Yeni baş məşqçinin başçılığı altında məşqə çıxacağıq. Oyun fəlsəfəsini biləcəyik. Əlbəttə ki, Xorvatiya çox güclü rəqibdir. Dünya çempionatının finalçısıdır. Amma gələcəyi görmək olmur. Biz də çalışacağıq ki, səfərdə yaxşı nəticə qazanaq.




 
Bölməyə aid digər xəbərlər
22.07.2019
“Cənub bölgəsi Azərbaycanda ən çox turist qəbul edən bölgə olacaq”
18.07.2019
Pirdovus Abakarova: “İmtahan suallarının asan və ya çətin olması abituriyentin hazırlıq səviyyəsindən asılıdır”
16.07.2019
ADPU-nun tələbəsi Nərmin Qəhrəmanlı: “Mənim üçün “könüllü” olmaq iş, komanda ilə işləmək təcrübəsi, dostluq, yeni mühit deməkdir”
16.07.2019
“Ali Radada Azərbaycanpərəst deputatların olması bizim gələcək fəaliyyətimizə müsbət təsir edəcək”
15.07.2019
“4-cü qrupa hazırlaşan hər bir abituriyentin arzusu həkim olmaqdır”

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10836

1 Pirdovus Abakarova: “İmtahan suallarının asan və ya çətin olması abituriyentin hazırlıq səviyyəsindən asılıdır”
2 Подготовка армянских «джавахкских» боевиков-сепаратистов против Грузии в оккупированным Карабахе уже идет полным ходом - FOTO
3 “Cənub bölgəsi Azərbaycanda ən çox turist qəbul edən bölgə olacaq”
4 “Rusiya Azərbaycanlıları İttifaqı gündəmə bəyanatla yox, əməli işlə gəlir”
5 Abituriyentlər, Azərbaycan Dövlət Pedaqoji Universitetini seçin!


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info