İran qazının Ermənistan vasitəsilə Gürcüstana tranziti qeyri-mümkündür
Tarix: 23.03.2019 | Saat: 19:03:00 | E-mail | Çapa göndər


İran qazının Ermənistan vasitəsilə Gürcüstana tranziti ilə bağlı fərziyyənin praktiki olaraq həyata keçirilməsi üçün əsas yoxdur.
Bunu Trend-ə Rusiya Elmlər Akademiyasının Y.M.Primakov adına Dünya İqtisadiyyatı və Beynəlxalq Münasibətlər İnstitutunun Postsovet Araşdırmaları Mərkəzinin eksperti Fərhad İbrahimov erməni KİV-in məlumatlarını şərh edərkən deyib.
Onun sözlərinə görə, İrandan Ermənistan vasitəsilə Gürcüstana boru kəmərinin tikintisi layihəsinin reallaşdırılması çox böyük maliyyə vəsaiti tələb edir ki, İran tərəfi də bunu çətin ki öz üzərinə götürsün:
"İranın belə böyük vəsait sərf edəcəyinə şübhə edirəm, çünki sanksiyalar səbəbindən indi rəsmi Tehran özü fəal şəkildə investisiya axtarır. Ermənistan və Gürcüstan isə belə böyük maliyyə imkanlarına malik deyil. Aydındır ki, Nikol Paşinyan Gürcüstanın Azərbaycandan qaz idxalını azaldacağına ümid edərək öz layihəsinə rəsmi Tbilisini cəlb etmək istəyir. Lakin bu məqamda bir neçə məsələ ortaya çıxır. Birincisi, Gürcüstan Azərbaycandan qaz tədarükünə çox bağlıdır və qazı kifayət qədər sərfəli şərtlərlə alır. Buna görə də çətin ki Tbilisi alternativ mənbələr axtarsın. Buna görə də əminliklə demək olar ki, İrandan Ermənistan vasitəsilə Gürcüstana qaz tədarükü haqqında təşəbbüslər elə söz yığını olaraq qalacaq".
Politoloq qeyd edib ki, indi Ermənistan qeyri-müəyyən vəziyyətdədir, bu da N.Paşinyanın apardığı xaotik xarici siyasətlə əlaqəlidir: "O, bir tərəfdən öz elektoratına göstərmək üçün Rusiya ilə münasibətləri yoluna qoymağa çalışır, digər tərəfdən isə məqsədə çatmaq üçün Qərb ölkələrinin dəstəyinə ümid edir. Lakin bu ona müyəssər olmayacaq, çünki bəyanat səsləndirməkdən başqa əməldə heç nə yoxdur. İndi Paşinyan daha aşağı qiymətlə qaz almaq ümidi ilə İrandan kömək istəyir. İranlılar isə cari iqtisadi şəraitdə aşağı qiymətə qaz satmaq istəmirlər".
F.İbrahimov əlavə edib ki, iqtisadi məsələləri müzakirə etməzdən əvvəl siyasi məqamlara da baxmaq lazımdır: "Tehranda Ermənistanda baş verən hadisələri, o cümlədən Paşinyanın bəyanatlarını diqqətlə izləyirlər. Sirr deyil ki, Ermənistanın baş naziri ətrafına Qərb yönümlü insanları yığıb. Və iranlıların düşüncəsində Paşinyan Qərb tərəfdarıdır, deməli, siyasi fiqur kimi o, etibarlı deyil. Ermənistanda İran yönümlü qüvvələr yoxdur və Yerevanla Tehran arasındakı razılaşmalar ilk imkanda itib batacaq".
Ekspertin fikrincə, bu fakt İran tərəfini qətiyyən qane etmir.




 
Bölməyə aid digər xəbərlər
21.07.2019
Yanes Kosyançiç: Azərbaycanın beynəlxalq yarışların keçirilməsində böyük təcrübəsi var
21.07.2019
Azərbaycan XV Avropa Gənclər Yay Olimpiya Festivalının keçirilməsinə tam hazırdır
21.07.2019
Milli mətbuat Qarabağ münaqişəsi ilə bağlı həqiqətlərin dünyaya çatdırılmasında, düşmənə qarşı informasiya müharibəsində mühüm rol oynayır
20.07.2019
“Paşinyan hakimiyyətinin zəiflədilməsi prosesinin sürətlənməsi ehtimalı qaçınılmazdır”
20.07.2019
Mediamız Azərbaycan həqiqətlərinin dünyaya çatdırılmasında xüsusi rol oynayıb

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10835

1 “4-cü qrupa hazırlaşan hər bir abituriyentin arzusu həkim olmaqdır”
2 Pirdovus Abakarova: “İmtahan suallarının asan və ya çətin olması abituriyentin hazırlıq səviyyəsindən asılıdır”
3 ADPU-nun tələbəsi Nərmin Qəhrəmanlı: “Mənim üçün “könüllü” olmaq iş, komanda ilə işləmək təcrübəsi, dostluq, yeni mühit deməkdir”
4 Dünya brendi olmağı hədəfləyən azərbaycanlı gənc
5 “Ali Radada Azərbaycanpərəst deputatların olması bizim gələcək fəaliyyətimizə müsbət təsir edəcək”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info