Beynəlxalq sərgi-forumda ölkəmizin İKT sahəsindəki yenilikləri təqdim olunur
Tarix: 09.04.2019 | Saat: 15:18:00 | E-mail | Çapa göndər


Azərbaycan nümayəndə heyəti Belarus Respublikasının Minsk şəhərində 26-cı telekommunikasiya, rabitə, təhlükəsizlik və informasiya texnologiyaları üzrə ixtisaslaşdırılmış beynəlxalq “TİBO-2019” sərgi-forumunda iştirak edir. Nəqliyyat, rabitə və yüksək texnologiyalar nazirinin müavini Elmir Vəlizadənin rəhbərlik etdiyi nümayəndə heyətinin tərkibinə dövlət qurumlarının və özəl şirkətlərin 15-ə yaxın təmsilçisi daxildir.
Nəqliyyat, Rabitə və Yüksək Texnologiyalar Nazirliyinin tabeliyində fəaliyyət göstərən “Aztelekom”, “Baktelekom”, Dövlət Radiotezliklər İdarəsi, Məlumat Hesablama Mərkəzi, “AzInTelecom”, “Azərmarka”, Yüksək Texnologiyalar Parkının nümayəndələri sərgi-foruma qatılıblar.
Forumda 16 ölkədən 100 şirkətin nümayəndəsi iştirak edir. Forumun açılış mərasimində Belarus Respublikasının Prezidenti Aleksandr Lukaşenkonun adından salamlama məktubu oxunub. Daha sonra Belarusun rabitə və informasiyalaşdırma naziri Konstantin Şulqan ölkəsində İKT sahəsində həyata keçirilən işlərdən danışıb. Açılış mərasimində Rusiya Federasiyasının rəqəmli inkişaf, rabitə və kütləvi media naziri Konstantin Noskov, Regional Rabitə Birliyinin icraçı direktoru Nuriddin Muhiddinov və Beynəlxalq Telekommunikasiya İttifaqının MDB ölkələri üzrə regional bölməsinin rəhbəri Kirill Oparin də çıxış edib. Azərbaycan Respublikasının Nəqliyyat, rabitə və yüksək texnologiyalar naziri Ramin Quluzadənin adından oxunan məktubda qeyd olunub ki, milli sənaye sərgilərində qarşılıqlı olaraq iştirak etmək Azərbaycan Respublikası ilə Belarus Respublikası arasındakı dostluq münasibətlərinin, eləcə də ölkələrimizin sahə üzrə nazirliklərinin səmərəli biznes tərəfdaşlığının gerçək nümunəsidir. “TİBO” beynəlxalq və dövlət qurumlarının nümayəndələri, aparıcı beynəlxalq şirkətlər, yüksək səviyyəli və çox profilli mütəxəssislər üçün illik görüş yeridir. İnformasiya və ən yaxşı təcrübə mübadiləsi, yeni texnologiyaların, xüsusi həllərin təqdim edilməsi və işgüzar əlaqələrin qurulması bu tədbirin uğurlarıdır” – deyə məktubda vurğulanıb. Forum çərçivəsində Ümumdünya Radiorabitə Konfransına hazırlıq üzrə radiospektr sahəsində yol xəritəsi istiqamətində gedən müzakirələrdə Azərbaycan təmsilçiləri də iştirak edirlər. Seminarlarda gələcəkdə nəzərdə tutulmuş perspektiv texnoloji transformasiyanın ölkəmizdə inkişafına dəstək verilməsi üçün strateji hazırlıq məsələləri müzakirə olunub. “TİBO-2019” sərgi-forumunda Azərbaycan Milli Pavilyonla təmsil olunur. Pavilyonda ölkəmizin informasiya-kommunikasiya texnologiyaları (İKT) sahəsində əldə etdiyi nailiyyətlər nümayiş etdirilir. Qeyd edək ki, ölkəmiz artıq 7 ildir ki, bu sərgi-forumda Milli Pavilyonla iştirak edir və nümayəndə heyəti ilə təmsil olunur. 26-cı dəfə təşkil olunan "TIBO-2019" ixtisaslaşmış sərgisi Müstəqil Dövlətlər Birliyi və Baltikyanı ölkələrin ən böyük İKT tədbirlərindən biri hesab olunur. Sərgiyə bu gün təşkil olunan VİP-tur çərçivəsində rəsmi şəxslər Azərbaycan Milli Pavilyonuna baş çəkib, ölkəmizin İKT sahəsində əldə etdiyi yeniliklərlə tanış olublar. Sərgi öz işini aprelin 12-dək davam etdirəcək.

Anar




 
Bölməyə aid digər xəbərlər
16.10.2019
Prezident: Qeyri-neft sənayemizin 15 faizdən çox artması dünya miqyasında rekord göstərici hesab oluna bilər
16.10.2019
31 min 351 ailənin yaşadığı çoxmənzilli binaların istismarına icazə verilib
16.10.2019
Şəmkirdə “KOB Dostu” fəaliyyətə başlayıb
16.10.2019
Azərbaycanın dəniz yataqlarından 1,090 milyard ton neft hasil olunub
16.10.2019
Torların yığışdırılması üçün bütün su hövzələrində aksiyalara başlanıb

Şərh əlavə olunmayıb

    ,    
Namiq Əliyev
Fuad HÜSEYNZADƏ
Namiq Əliyev
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10917

1 Aşqabadda Azərbaycan və Türkmənistan prezidentlərinin görüşü olub
2 Bakıda Rus Kitab Evinin açılmasının 10 illik yubileyi qeyd olunub
3 Aşqabadda MDB Dövlət Başçıları Şurasının geniş tərkibdə iclası keçirilib
4 “Xoşbəxtlikdən, Azərbaycanın qolu sayılmadı“
5 Vasim Məmmədəliyev vəfat edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info