Masallıda Orduya yaz çağırışı
Tarix: 15.04.2019 | Saat: 13:49:00 | E-mail | Çapa göndər


Yolunuz aydın, xidmətiniz uğurlu olsun


Azərbaycan Respublikası Prezidentinin sərəncamı ilə ölkədə Orduya yaz çağırışı başlanmışdır. Çağırışçılar bu günü səbirsizliklə gözləyirdilər. Aprel ayı onların həyatında önəmli bir məqama çevriləcək. Aprel döyüşlərinin üçüncü ildönümüdür. Məhz həmin güm ordumuz nəinki düşmənin təxribatının qarşısını almış, onlara sarsıdıcı zərbəılər endirərək bir neçə strateji yüksəkliyi ələ keçirmişlər. Torpaqlarımızın geri qaytarılmasında ilk uğurlu addım atılmışdı. Bu qələbə ordumuza öz gücünə, düşmənin tezliklə torpaqlarımızdan qovacağına inam yaratmışdır. Odur ki, bu gün SHXCDX Masallı rayon şöbəsinin həyətinə toplaşan gənclərin üzündə təlaş, narahatlıq yox, sevinc, fərəh var. Rayonun ayrı-ayrı kəndlərindən orduya yola düşən çağırışçıların yolu burada birləşir. Təbii ki, valideynləri, yaxınları, dostları da onları yola salmağa, uğurlu ordu həyatı arzulamağa gəliblər. Meydan izdihamlıdır. Gənclər deyib-gülür, ordu həyatı iləbağlı eşidib bildikləri lətifələrdən də söyləyirlər.
Bir neçə gənclə tanış oluruq. Hümmət Şəmiyev Köçəklidən, Elçin Şahbazov isə Təklədəndir. Onlar bir neçə saat əvvəl tanış olublar. Hər iki gənc xoş ovqatdadır. Kənddən, valideynlərinizdən, dostlardan ayrılmağınıza darıxmırsız sualına eyni cavab alıram: Doğma ölkəmizdəyik. Fərqi yoxdur hansı rayonda, hansı hissədə xidmət edəcəyik. Bu günü səbirsizliklə gözləyirdik.
İbrahim Muradov isə dağlar oğludur. Zuvandda dünyaya gəlib, boya-başa çatıb. Vüqarını dağların ucalığından alan İbrahimin cavabı isə fərqli oldu: Düşmən məkrli olsa da biz cəsurluğumuzla ona lazımlı cavab verəcəyik.
Şıxlarlı Elvin, Musaküçədən Kənan Zakir oğlu da bu niyyətlə orduya yola düşürlər. SHXÇDX Masallı şöbəsinin həqiqi hərbi xidmətə çağırış bölməsinin rəisi mayor Ceyhun Həsənovun komandası ilə çağırışçılar sıraya düzülürlər. Səfərbərlik və hərbi xidmətə çağırış üzrə Dövlət xidməti Masallı rayon şöbəsinin rəisi, polkovnik-leytenant Vəli Rzayev gənclərə tövsiyələr verir. Deyir ki, düşmən qorxaqdır. Ona qarşı amansız olun. Bu amansızlıq Mübariz kimi qəhrəmanların şüarı oldu. Ermənilər bu gün də Mübarizin cəsurluğunu, şücaətini unuda bilmirlər. Hansı hissədə olsanız Vətənin keşiyində ayıq-sayıq dayanın. Hərbi sirləri öyrənin, silahlardan düzgün istifadə edin. Masallının adını hər yerdəuca tutun, hər yerdə nümunə göstərin. Həmişə xoş sorağınız gəlsin. Uğurlu ordu həyatı arzulayıram.
Gənclər avtobuslara oturub yola düşürlər. Analar, dostlar avtobusun dalınca su səpirlər. Su aydınlıqdır. Orduya yola düşən gənclərin yolu su kimi pak və aydın olsun.

Əlihüseyn Şükürov
Həsənağa Əliyev





 
Bölməyə aid digər xəbərlər
16.07.2019
Azərbaycan Xalça Muzeyinə “Milli” statusu verilib
15.07.2019
Şamaxıda vikipediyaçıların üçüncü Vikidüşərgəsi baş tutdu
15.07.2019
İyulun 17-də Ay tutulması baş verəcək
14.07.2019
Sabahın hava proqnozu açıqlanıb
14.07.2019
Naftalanda 200 yerlik körpələr evi-uşaq bağçası üçün yeni bina tikilir

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10827

1 Rostovun tarixinə düşən azərbaycanlı qız
2 “4-cü qrupa hazırlaşan hər bir abituriyentin arzusu həkim olmaqdır”
3 Mehriban Əliyeva Yalçın Rzazadə ilə bağlı tapşırıq verdi
4 Nə “Qurani-Kərim“, nə “İncil“, nə də “Tövrat“ insanları savaşa çağırır
5 Dünya brendi olmağı hədəfləyən azərbaycanlı gənc


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info