“Tələbə təqaüdümdən evə göndərməyə də pul çatır”
Tarix: 18.04.2019 | Saat: 16:47:00 | E-mail | Çapa göndər


Qüdrət Şəmilzadə: “Məqsədim yaxşı gəmi kapitanı olmaqdır”

Tələbənin hər ay aldığı təqaüd onun ehtiyaclarını ödəməyə kömək edir. Hər bir tələbə üçün təqaüddən əlavə pul isə necə deyərlər, göydəndüşmə olur. Artıq iki ildir ki, ASCO rəhbərliyi Azərbaycan Dövlət Dəniz Akademiyasının və onun nəzdindəki Azərbaycan Dənizçilik Kollecinin tələbələri üçün belə bir fürsət yaradıb. Semestrləri uğurla başa vuranlar Akademiya rəhbərliyinin təqdimatına əsasən ASCO-nun xüsusi təqaüdünə layiq görülürlər.
2018-2019-cu tədris ili üzrə payız semestrinin imtahan nəticələrinə əsasən Azərbaycan Dövlət Dəniz Akademiyasının 13, ADDA-nın tabeliyində olan Azərbaycan Dənizçilik Kollecinin isə 6 tələbəsi “Azərbaycan Xəzər Dəniz Gəmiçiliyi” QSC-nin təsis etdiyi xüsusi təqaüdə layiq görülüb.
Bu fürsətdən yararlanan tələbələrdən biri də Qüdrət Şəmilzadədir. O, hazırda ADDA-nın “Gəmi sürücülüyü” fakültəsinin “Dəniz Naviqasiyası” ixtisası üzrə 2-ci kursunda təhsil alır. Qüdrətin müvəffəqiyyət göstəricisi 95,871 baldır.

- Qüdrət, söhbətimizə səni tanımaqla başlayaq

- Ailəm 1993-cü ildə Kəlbəcər rayonundan məcburi köçkün düşüb. Elə o vaxtdan valideynlərim Goranboy rayonunda məskunlaşıblar. Mən də 1999-cu ildə orada dünyaya gəlmişəm. Orta təhsilimi də elə kəndimizdəki tam orta məktəbdə əlaçı kimi bitirmişəm.

- Deməli, elə o vaxtdan təhsilə böyük marağın olub?

- Bəli, elədir. Uşaqlıqdan başa düşürdüm ki, dərslərimi vaxtında və yaxşı oxusam, ali məktəbə daha asan qəbul ola bilərəm.

- Asan oldu?

- Çox rahat oldu. 590 bal topladım.

- Niyə məhz Dəniz Akademiyasında oxumaq istədin?

- Ümumiyyətlə, səyahəti çox sevirəm. Yaşımın az olmasına baxmayaraq artıq Azərbaycanın bir çox yerlərində olmuşam. Amma həmişə dəniz səyahəti arzusunda idim. İstəyirdim, Xəzər sahilində yerləşən ölkələrə də gedim. Atamın dostları arasında bizim Akademiyanı bitirənlər var idi. Onlar bizə gələndə dənizçilik, gəmi və gəmi kapitanının işi haqqında həvəslə danışırdılar. Həmin söhbətlər məndə gəmiçiliyə maraq yaradırdı. Qəbul imtahanının nəticələrini biləndən sonra tam əmin idim ki, məhz Azərbaycan Dövlət Dəniz Akademiyasında təhsil alacağam. “Dəniz naviqasiyası” ixtisasını seçdim. Seçimimdən çox razıyam.

- İlk təcrübəyə nə vaxt getdin?

- Keçən il yayda ASCO-nun Dəniz Nəqliyyat Donanmasının “Naxçıvan” gəmisində oldum. Gəmi heyəti bizi maraqlandıran bütün suallara cavab verir, təcrübə toplamağamız üçün əllərindən gələni edirdi. Ümidvaram ki, növbəti illərdə də təcrübəli dənizçilərdən hələ çox məqamları öyrənəcəyəm. Məqsədim yaxşı gəmi kapitanı olmaqdır. İnanıram ki, alınacaq.

- Bildiyim qədər əlaçı təqaüdü alırsan?

- Bəli, əlaçı təqaüdü ilə yanaşı, ASCO-nun Akademiyamız və Kollecimiz üçün təsis etdiyi xüsusi təqaüdə də layiq görülmüşəm. İki ildir, bu təqaüddən yararlanıram.

- Sirr deyilsə, pulunu hara xərcləyirsən?

- ADDA-da oxumaq iqtisadi cəhətdən çox sərfəlidir. Akademiyamızın yataqxanasında qalıram. Buna görə heç bir ödəniş etmirik. Səhər və günorta yeməyimiz də pulsuzdur. Yəni, yeməyə elə də çox pulumuz çıxmır. Aldığım təqaüdü əsasən ixtisasım üçün lazım olan əlavə dərs vəsaitlərinə, ya da avadanlığa xərcləyirəm. Demək olar ki, hər dəfə evə göndərməyə də pul çatır.

- Necə düşünürsən, əlaçı “sükanını” belə saxlaya biləcəksən?

- Əlbəttə ki, bu mənim dərsə yanaşmağımdan və məsuliyyətimdən asılıdır. Ümid edirəm ki, öhdəsindən gələcəyəm.

Tural




 
Bölməyə aid digər xəbərlər
27.01.2020
Taleh Mahmudov: “Yeni seçiləcək deputatlar islahatlara uyğun olaraq ölkənin inkişafına təkan verəcəklər”
25.01.2020
Ehsan Zahidov: “Salyanda polisin qıza təcavüz etməsi barədə məlumat tamamilə əsassız və uydurmadır“
25.01.2020
“Nəticələr məni qane etmir, edə də bilməz”
23.01.2020
Multikulturalizmin tarixən Azərbaycan üçün həyat tərzi olduğunu söyləyən Prezident İlham Əliyev tamamilə haqlıdır
22.01.2020
“Bədən kütlə indeksi 18,5-dən aşağı olarsa, bu insanlar çox arıq hesab edilir”

Şərh əlavə olunmayıb

    ,    
Fuad HÜSEYNZADƏ
Tural Tağıyev
Ağasəf Babayev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11440

1 Çalışacağıq ki, futbol pərəstişkarları məmnun qalsınlar
2 Turizm şirkətlərinə mülki məsuliyyət sığortası tətbiq ediləcək
3 Ermənistanda sosial narazılıq artır: fermerlərin kütləvi mitinqi bütün ölkəyə yayılır
4 ABŞ “doğum turizmi”nə qarşı mübarizə aparmaq qərarına gəlib
5 Ehsan Zahidov: “Salyanda polisin qıza təcavüz etməsi barədə məlumat tamamilə əsassız və uydurmadır“


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info