Gürcü xəngəli
Tarix: 25.04.2019 | Saat: 00:54:00 | E-mail | Çapa göndər


Tərkibi:

İç üçün:
800 q can (mal) əti
600 q qoyun əti
5 diş sarımsaq
2 baş soğan
1 dəstə keşniş
1 dəstə cəfəri
200-350 ml ət suyu (bulyon)
nanə
qara, qırmızı istiot, zirə (hərəsindən 1 ç.q.), keşniş toxumu (2 ç.q.)
duz (təxminən 2 ç.q.)

Xəmir üçün:
1 kq un
2 yumurta
200-300 ml süd
50 ml bitki yağı
duz

Hazırlanması:
Unu ləyənə ələyib içinə 2 yumurta qırın. 1 ç.q. (üstsüz) duz, 1 st. süd (200 ml), 50 ml bitki yağı əlavə edib xəmir yoğurun. Əgər un artıq gəlibsə, süd, əksinə, xəmir çox sıyıq alınırsa, un əlavə edin. Bərk olmayan, elastik xəmir alınmalıdır. Masanın üstünə un səpin, iri kündə tutub xəmiri yoğurduğunuz ləyəni həmin kündənin üstünə çevirin. 40 dəqiqə saxlayın.
Qiyməni hazırlamaq üçün əti ət maşınından keçirə, yaxud da iti bıçaqla çox xırda doğraya bilərsiniz. Doğranmış əti qazana yığın. Soğanı çox xırda doğrayın. Ətlə qarışdırın.
Ədviyyatları və duzu qarışdırıb ətə əlavə edin. 5 diş sarımsağı xırda doğrayıb ətə əlavə edin. Göyərtiləri də (keşniş, nanə, cəfəri) doğrayıb buraya qatın, əlinizlə əti yoğurun. 20 dəqiqə saxlayın. Sonra qiyməyə təxminən 200 ml bulyon əlavə edin. Unutmayın: ət suyundan sui-istifadə etmək olmaz, bulyon qiymənin içində qalmalıdır, ondan axıb getməməlidir, bu onunçün lazımdır ki, qiymə yumşaq olsun. Həmçinin, az bulyon əti quru edir
Xəmirdən bərabər ölçüdə kündələr tutun. Bunları yayın. Amma çox nazik olmasın. Axı qiymənin tərkibində ət suyu var, nazik olarsa, xəngəl bişən zaman yuxa cırıla bilər. Hər dairənin ortasına 1 x.q. qiymə qoyun. Sonra isə dairənin kənarından başlayaraq qatlaya-qatlaya büzün. Boğça alınmalıdır. Onun “boğaz”ını barmaqlarınızla yaxşı sıxın. Əgər «boğazı» çox uzun alınırsa, onu kəsmək də olar.
Masanın, yaxud sininin üstünə un səpib hazırladığınız xəngəlləri oraya düzün.
Suya duz töküb qaynamağa qoyun. Ət suyundan da istifadə edə bilərsiniz. Su qaynara düşən kimi xəngəllərin «boğaz»ından yapışıb bir-bir suya salın. Gürcü xəngəlinin qazanı böyük olmalıdır ki, suyu çox, xəngəli az olsun (rahat bişməsi üçün). Ehtiyatla taxta qaşıqla qarışdırın, xəngəllər cırılmasın. Xəngəllər suyun üzünə çıxandan sonra onları daha 15 dəqiqə qaynadın (əgər qiyməni doğramayıb, ət maşınından keçirmisinizsə, o zaman bu müddət 10 dəqiqə olacaq). Bişmiş xəngəlləri yastı boşqablara çəkin.
Xəngəl üçün sous da hazırlaya bilərsiniz. Ən yaxşı sous - əridilmiş kərə yağı ilə qara istiotun qarışığıdır. Bu zaman təzəcə döyülmüş dənəvər istiotdan istifadə etsəniz, daha ləzzətli olar.
Başqa bir sous xama və doğranmış göyərtinin qarışığıdır. Keşniş və reyhandan istifadə edə bilərsiniz. Bunun da üzərinə döyülmüş qara istiot səpin.
Həmçinin xəngəlləri iri buluda çəkə, ortasına kərə yağı qoya, cəfəri və reyhan doğrayıb səpə və mütləq qara istiot vura bilərsiniz.




 
Bölməyə aid digər xəbərlər
05.12.2019
Heyva dolması
30.11.2019
Kabak tatlısı necə bişirilir?
26.11.2019
Menemen necə bişirilir?
19.11.2019
Çoban qovurma
15.11.2019
‘‘İmam bayıldı’’ yemәyi necә hazırlanır?

Şərh əlavə olunmayıb

    ,    
Namiq Əliyev
Namiq Əliyev
Anar MİRİYEV
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11401

1 SOCAR-ın yeni vitse-prezidenti kollektivə təqdim olunub
2 Konstitusiya Məhkəməsi: Milli Məclisin buraxılması Konstitusiyaya uyğundur
3 “Başqa ölkələrdə “erkən seçki” olanda, müxalifət sevinir...”
4 Diaspor və ictimai təşkilatlar “Şəhid ailələrinə dəstək kampaniyası“na start verib
5 Prezident parlamenti buraxdı:növbədənkənar seçkilər 2020 ci il fevralın 9-na təyin edildi


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info