Əkbər Qoşalı: “Dövlət xalqa yaxın olduğu qədər, onun hisslərinə, duyğularına da yaxın olur”
Tarix: 01.05.2019 | Saat: 13:30:00 | E-mail | Çapa göndər


“Aprel ayının son günü Azərbaycan Prezidentinin sədrliyi ilə Nazirlər Kabinetinin ilin birinci rübünün yekunlarına və qarşıda duran vəzifələrə həsr olunan iclası keçirildi. Yeni ayın ilk günündən bu iclasın geniş əks-sədasını görmək, bir vətəndaş, bir yazar olaraq şəxsən mənimçün xoşdur”. Bu fikirləri Milli QHT Forumu İdarə Heyətinin üzvü Əkbər Qoşalı bildirib. O deyib ki, bu iclasdakı hesabat xarakterli çıxışlarda, dövlət başçısının “Bizim siyasətimizin mərkəzində Azərbaycan vətəndaşı dayanır: “Biz Azərbaycan vətəndaşının rifahı üçün əlimizdən gələni edirik” sözlərinə uyğun atılan addımları, əldə edilmiş sonucları, qarşıya qoyulmuş yeni vəzifələri və əlbəttə, o vəzifələrə uyğun potenasilın mövcudluğunu, çalışma əzmini, yüksək siyasi iradəni bir daha gördük; ümidvaram, toplantı qarşı günlərdə də, diqqət mərkəzində olacaq. Təsbitlərlə, müəyyənləşdirmələrlə süslənmiş, habelə dövlət başçısının bilavasitə səsləndirdiyi iradlarla müşayiət olunan toplantının özü, yeni çağırışlar, təxirəsalınmaz vəzifələrlə mükalimə mövzusudur. Məmurlar nöqsanlara qarşı hüquqi (dövləti!) məsuliyyətlə, ictimai fikri qidalandıran insanlar dövlətçilik şüuru ilə, vətənpərvirliklə xəlqi duyğuları müstəvi üzərində maddiləşdirməklə ümumi işə töhfə verməlidir.
Əlbəttə, bu iclas, orada irəli sürülmüş fikirlər, dinlənilən hesabatlar, iqtisadçılar, politoloqlar tərəfindən incələnir, təhlil olunur və olunmalıdır da; mən isə, bu yazıda bir qədər fərqli məqam¬lara toxun¬maq istərdim.
Bizim Ana Yasamızda birinci maddə, birinci cümlədə yazılıb: “Azərbaycan Respublikasında dövlət hakimiyyətinin yeganə mənbəyi Azərbaycan xalqıdır”. “İstiqlal” ordenli Xalq şairi, rəhmətlik Vaqif Səmədoğlusa bir şeirində “…Millət, dövlət zirvəsindən, İnsana enmək vaxtıdır.” deyə yazırdı. Nə gizlədim, dövlət başçısının Nazirlər Kabinetinin iclasındakı nitqi, özəlliklə, (təkrar edirəm)“Bizim siyasətimizin mərkəzində Azərbaycan xalqı dayanır” kəlamı mənə bu iki qiymətli sözü xatırlatdı. Biri ( -Əsas qanunumuzun ilk müddəası olaraq! - ) hüquqi təfəkkürün, o biri duyğu dolu poetik təfəkkürün məhsulu olaraq, sanki )“Bizim siyasətimizin mərkəzində Azərbaycan vətəndaşı dayanır” kəlamının (əgər belə demək olarsa) fikir qonşularıdır!”
Onun fikrincə, dövlət xalqa yaxın olduğu qədər, onun hisslərinə, duyğularına da yaxın olur: “Bu yaxınlıq, daha doğrusu, iç-içəlik (dövlətin xalqın qəlbindən Günəş kimi doğması!) dövlət başçısının sözlərində çiçəkləyir, ətir saçır.
Fikir necə doğulur, nitq necə səmimiyyət saçır, sözlər necə xəlqiləşir? – Hind mütəfəkkiri, dövlət xadimi Mahatama Qandinin ellərə bəlli sxemini (formulunu) xatırlasaq, duyğular-düşüncəyə, düşüncələr fikirlərə, fikirlər hərəkətə, hərəkətlər xarakterə, xarakter taleyə çevrilir. Mən dövlətimizin sosialyönümlü siyasətini, siyasətin mərkəzinə məhz vətəndaşı almasını bir də bu sxemlə qəbul edirəm. Və şükranlığımı bildirirəm: dövlətimə, dövlət başçıma, xalqıma, xalqı düşünən hər kəsə! – Xarakterlilik cəmiyyətin vicdanıdır! Ümummilli Lider deyirdi: “Xalqın, Vətənin taleyi hər bir insanın taleyinə çevrilməlidir!”. Öz taleyini dövlətin taleyi ilə birləşdirmək tarixin unutmayacağı məqamdır”.

Fuad




 
Bölməyə aid digər xəbərlər
21.05.2019
Azərbaycan təhsil sistemində idarəetmə texnologiyalarının tətbiqi zəruridir
21.05.2019
“Mxitaryan, axı sən nə istəyirsən?”
20.05.2019
Cüzeppe Kaniliya: Azərbaycan İtaliya üçün olduqca vacib ölkədir
20.05.2019
Ramin Əhmədov: ”Azərbaycanda mükəmməl sosial təminat sistemi qurulub”
20.05.2019
Millət vəkili Azər Badamov: “Hədəf neftdən asılı olmayan güclü iqtisadiyyat formalaşdırmaqdır”

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10784

1 “İş yerlərində təhlükəsiz əmək şəraiti yaratmaq lazımdır”
2 “Ukraynanın ictimai-siyasi həyatında fəal iştirak edirik”
3 General-mayor Tərlan bəy Əliyarbəyovun nəvəsi: “Babam öz istedadını milli hərbi kadrların yetişməsinə sərf edib”
4 Üç müharibə iştirakçısı olan general-mayor
5 Şuranın dəstəyilə 13 saylı orta məktəbdə “Diaspor dərsi” keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info