Ermənilər İrina Rodninanın adının məktəbdən götürülməsinə qərar veriblər
Tarix: 08.05.2019 | Saat: 14:34:00 | E-mail | Çapa göndər


Ermənistanın paytaxtı Yerevanın Ağsaqqallar Şurasının qərarı ilə Rusiyanın məşhur idmançısı, fiqurlu konkisürmə üzrə dəfələrlə Olimpiya çempionu olmuş, Dövlət Dumasının deputatı İrina Rodninanın adını daşıyan məktəb bundan sonra sadəcə fiqurlu konkisürmə və xokkey məktəbi adlanacaq.
AZƏRTAC erməni KİV-lərinə istinadla xəbər verir ki, bu barədə Ermənistan paytaxtı meriyasının mətbuat katibi A.Karapetyan məlumat verib.
Ermənilərin rusiyalı Olimpiya çempionuna qəzəbinin səbəbi onun Dövlət Dumasının digər deputatları ilə birlikdə Xocalı soyqırımının 27-ci ildönümü münasibətilə Bakıda keçirilən ümumxalq yürüşündə iştirak etməsidir. İrina Rodninanın “Moskva-Bakı” portalında müsahibəsində erməniləri Xocalı soyqırımından ibrət dərsi götürməyə çağırması “əzabkeş xalqın” rəhbərlərində ciddi təşviş doğurmuşdu. Hətta Ermənistan parlamentinin spikeri Ararat Mirzoyan Moskvada Rusiya Federasiya Şurasının plenar iclasındakı çıxışında bildirmişdi ki, Ermənistan-Rusiya parlamentlərarası komissiyasının üzvlərinin Bakıda keçirilən ümumxalq yürüşündə iştirakı ermənilərin “milli ləyaqətini” təhqir edib. Hələ mart ayında ermənilərin bu ittihamlarına cavab verən İrina Rodnina deyib ki, əslində, söhbət onun adını daşıyan məktəbdən yox, Rusiyanın pulu ilə tikilmiş buz meydançasından gedir. O əlavə edib ki, Bakıda da uşaq idmanını inkişaf etdirmək üçün səylər göstərəcək. Olimpiya çempionu vurğulayıb: “Onların (ermənilərin-AZƏRTAC) özləri bilər, mən əlimdən gələni etmişəm. Gəmini necə adlandırsan, o, elə də üzəcək”. İrina Rodninanın adını daşıyan məktəb 2015-ci ildə açılıb. Orada rusiyalı xokkey və fiqurlu konkisürmə ustaları məşqlər keçirlər.




 
Bölməyə aid digər xəbərlər
21.05.2019
Ötən il Türkiyədə 1 milyon 300 minə yaxın uşaq doğulub
20.05.2019
“Paşinyan Ermənistanı total diktaturaya doğru aparır”
20.05.2019
Türkiyədə genişmiqyaslı antiterror əməliyyatı keçirilib
20.05.2019
Yerevanda Paşinyanın tərəfdarları məhkəmə binalarını blokadaya alıb
20.05.2019
Marneulidə keçirilən seçkilərdə azərbaycanlı namizəd qalib gəlib

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10784

1 “İş yerlərində təhlükəsiz əmək şəraiti yaratmaq lazımdır”
2 “Ukraynanın ictimai-siyasi həyatında fəal iştirak edirik”
3 General-mayor Tərlan bəy Əliyarbəyovun nəvəsi: “Babam öz istedadını milli hərbi kadrların yetişməsinə sərf edib”
4 Üç müharibə iştirakçısı olan general-mayor
5 Şuranın dəstəyilə 13 saylı orta məktəbdə “Diaspor dərsi” keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info