Ermənistanda çörək, un və toyuq əti bahalaşıb
Tarix: 11.05.2019 | Saat: 18:45:00 | E-mail | Çapa göndər


Erməni ekspert Suren Parsyan: “Hökumət addımlar atmasa, ərzaq məhsullarının qiyməti artmaqda davam edəcək”


Ermənistanda bir sıra ərzaq məhsullarının bahalaşması davam edir. Erməni ekspert Suren Parsyan “Sputnik”ə açıqlamasında bildirib ki, hökumət tədbir görməsə, un, toyuq əti və bir sıra digər ərzaq məhsullarının daha da bahalaşmasının qarşısını almaq mümkün olmayacaq. Ermənistan Statistika Xidmətinin yaydığı məlumatda qeyd edilir ki, ötən ilin aprel ayı ilə müqayisədə bu ilin aprel ayında unun qiyməti 6,2 faiz, çörəyin qiyməti isə 5,3 faiz artıb. Undan hazırlanan digər məhsulların qiymətində də artım qeydə alınıb. Ən böyük artım isə toyuq ətində olab – 13,4 faiz. Suren Parsyan sayta dəyərləndirməsində bildirib ki, cari ilin yanar ayında gömrük tarfilərinin artırılması ilə bağlı olaraq toyuq ətinin qiymətində artım olacağı gözlənilən idi. Amma bu qədər artımın olması təkcə gömrük tarifləri ilə bağlı deyil: “Toyuq ətinin qiymətində qeydə alınan artımın qarışısını almaq olardı. Bunun üçün yerli istehsalı təşkil etmək lazım idi. Yerli istehsal olmadığı üçün ABŞ-dan toyuq əti idxal etməyə məcburuq. Unun qiymətində qeydə alınan artımla bağlı onu deyə bilərəm ki, bazarda olan bəzi oyunçular qiymət artımını təşkil edə bilərlər. Kənd təsərrüfatını inkişf etdirmək lazımdır ki, idxaldan asılı olmayaq. Buğda idxalını azaltmalı, yerli un istehsalını artırmalıyıq. Hökumət lazımi addımlar atmasa, ərzaq məhsullarının qiyməti artmaqda davam edəcək”. Ekspert hesab edir ki, un məhsullarının əksəriyyətində qeydə alınan artım ötən il kənd təsərrüfatında qeydə alınan mənfi nəticələrlə bağlıdır. Suren Parsyan bildirib ki, Kənd Təsərrüfatı Nazirliyinin strukturunun optimallaşdırılması ilə bağlı qərar doğru deyil. Bu qərar problemlərə operativ reaksiya verilməsinin qarşısını alıb. Xatırladaq ki, Ermənistan parlamenti mayın 8-də hökumətin strukturu ilə bağlı qanun layihəsini ikinci oxunuşda qəbul edib. Buna əsasən, Kənd təsərrüfatı və İqtisadi inkişaf və invetisiya nazirlikləri İqtisadiyyat Nazirliyində birləşdirilib.

Anar




 
Bölməyə aid digər xəbərlər
23.08.2019
Ermənistanı hərbi xərclərini artırmağa məcbur edən səbəb
22.08.2019
Levon Şirinyan: “Moskva İrəvanı saymır”
21.08.2019
“Ermənistandakı vəziyyət yaxşılığa doğru dəyişməyəcək“
21.08.2019
Erməni alimlər son 10 ilə aid tarix kitablarını yaza bilmirlər
20.08.2019
“Qolos Armenii”: “Paşinyan Ermənistanda söz azadlığını məhdudlaşdırır”

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10868

1 Bakıdan avtobusla Naxçıvana gedənlərə şad xəbər
2 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
3 “Stokholmda Rəssamlıq qalereyası açmaq planım var”
4 Prezident Kitabxanasında İrəvan xanları nəslinin nümayəndəsi Əmir Əli Sərdari İrəvani ilə görüş olub
5 Los Anceles sinaqoqunda Azərbaycanın tolerantlığına dair təqdimat keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info