UNEC TEC konfransı: İnnovasiya və sahibkarlıq XXI əsrin açarıdır
Tarix: 14.05.2019 | Saat: 16:23:00 | E-mail | Çapa göndər


Azərbaycan Dövlət İqtisad Universitetinin (UNEC) Tələbə Elmi Cəmiyyətinin (TEC) təşkilatçılığı ilə Ümummilli lider Heydər Əliyevin anadan olmasının 96-cı ildönümünə həsr olunan “İnnovasiya və sahibkarlıq XXI əsrin açarıdır” mövzusunda konfrans keçirilib. “Boulevard Hotel Baku”da təşkil olunan elmi konfransda təhsil nazirinin müavini Firudin Qurbanov, gənclər və idman nazirinin müavini İntiqam Babayev, tələbə təşkilatlarının rəhbərləri, ölkə ali təhsil müəssisələrinin TEC sədrləri iştirak ediblər.
UNEC-in Elm və innovasiyalar üzrə prorektoru, professor Sakit Yaqubov Ümummilli lider Heydər Əliyevin rəhbərliyi ilə Azərbaycanın əldə etdiyi uğurlardan söz açıb. Heydər Əliyevin gənclərin yüksək ixtisaslı və peşəkar kadrlar kimi hazırlanmasına ciddi önəm verdiyini diqqətə çatdıran S.Yaqubov bu siyasətin Prezident İlham Əliyev tərəfindən uğurla davam etdirildiyini bildirib. Ölkə başçısının elm və təhsil sahəsindəki müvafiq fərman və sərəncamlarından irəli gələn dövlət proqramlarının icrasına uyğun olaraq, son illərdə UNEC-də iqtisad elminin və təhsilinin inkişafı istiqamətində kompleks tədbirlərin həyata keçirildiyini vurğulayan S.Yaqubov UNEC-də müəllim və tələbələrin elmi fəaliyyətinin daha da artırılması istiqamətində həyata keçirilən tədbirlərə toxunub. UNEC-in pedaqoji heyətinin nüfuzlu elmi bazalara daxil olan jurnallarda məqalələrinin sayının nəzərəçarpacaq dərəcədə artdığını qeyd edib.
Nazir müavini İntiqam Babayev Ulu öndərin zəngin həyat və fəaliyyətinin hər zaman gənclər arasında təbliğ və tədqiq edilməsinin zərurliyini vurğulayaraq, elmi konfrasın keçirilməsinin bu baxımdan böyük əhəmiyyət kəsb etdiyini bildirib. İ.Babayev Prezident İlham Əliyevin rəhbərliyi ilə aparılan yeni hədəflərə və çağırışlara hesablanan dövlət siyasətinin tərkibində insan kapitalının önə çəkildiyini, gənclərin bilikli və savadlı olması məqsədilə uğurlu addımların atıldığını qeyd edib. Azərbaycanda gənclərin məşğulluğunun dəstəklənməsi, onlar arasında sahibkarlığın təşviq edilməsi istiqamətində görülən işlərə toxunan İ.Babayev UNEC ilə nazirlik arasında həyata keçirilən layihələrdən söz açıb. UNEC tələbələrinin bilik və bacarıqları həm ölkədə, həm də beynəlxalq miqyasda rəqabətədavamlı mütəxəssislər olacaqlarından əminliyini ifadə edib.
Təhsil nazirinin müavini Firudin Qurbanov Azərbaycan gəncliyinin ölkədə gedən bütün proseslərdə fəal iştirak etdiyini bildirib. Hər bir dövlətin gücünün onun intellektual potensialında olduğunu, bunun isə elm və təhsilin hesabına formalaşdığını diqqətə çatdıran F.Qurbanov əmək bazarının tələbinə uyğun mütəxəssis kimi yetişmək üçün fundamental biliklərə yiyələnməyin vacibliyini qeyd edib.
Konfransda UNEC “Emprik tədqiqatlar mərkəzi”nin rəhbəri, “Beynəlxalq iqtisadiyyat” məktəbi üzrə TEC elmi rəhbəri Xətai Alıyev “Uğurun açarı: Tədqiqat marağından elmin zirvəsinə”, TEC sədri Nərmin Heydərova “Tələbə Elmi Cəmiyyətinin bu günü” mövzularında çıxış ediblər. Konfransda respublika gənclərinin elmi potensialının artırılması və universitetlərində fəaliyyət göstərən TEC-lərin işinin təkmilləşdirilməsi və düzgün koordinasiyası məqsədilə UNEC TEC tərəfindən Azərbaycan Tələbə Elmi Cəmiyyəti Alyansının (ATECA) yaradılması təklifi irəli sürülüb. Konfrans bölmə iclasları ilə öz işini davam etdirib.

Anar




 
Bölməyə aid digər xəbərlər
19.05.2019
V Respublika fənn müsabiqələrinin ilk mərhələsi keçirilib
19.05.2019
II və III ixtisas qruplarının abituriyentləri üçün keçirilən qəbul imtahanı başa çatıb
19.05.2019
Şəkidə ali məktəblərə qəbul imtahanları dörd mərkəzdə aparılıb
19.05.2019
Şimal bölgəsinin 1500-ə yaxın məzunu biliyini Xaçmaz şəhərində yaradılan imtahan mərkəzlərində sınayıb
19.05.2019
Bu gün II və III ixtisas qrupları üzrə qəbul imtahanı keçirilir

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10782

1 “Ukraynanın ictimai-siyasi həyatında fəal iştirak edirik”
2 General-mayor Tərlan bəy Əliyarbəyovun nəvəsi: “Babam öz istedadını milli hərbi kadrların yetişməsinə sərf edib”
3 “İş yerlərində təhlükəsiz əmək şəraiti yaratmaq lazımdır”
4 Dünya rəssamları arasında yer alan azərbaycanlı
5 AzMİU-da İmadəddin Nəsiminin 650 illik yubileyi qeyd olunub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info