Yaponiya televiziyasında Naxçıvan, İmadəddin Nəsimi və Cəlil Məmmədquluzadə barədə veriliş yayımlanıb
Tarix: 04.06.2019 | Saat: 09:31:00 | E-mail | Çapa göndər



Yaponiyanın “World Investors TV” internet televiziyasında Azərbaycanın ayrılmaz tərkib hissəsi olan Naxçıvan Muxtar Respublikasının 95 illiyi, böyük Azərbaycan mütəfəkkirləri İmadəddin Nəsiminin anadan olmasının 650 və Cəlil Məmmədquluzadənin 150 illiyi ilə əlaqədar xüsusi veriliş yayımlanıb.

AZƏRTAC xəbər verir ki, verilişdə aparıcı Kazuyasu İşida, Azərbaycan-Yaponiya Dostluq Mərkəzinin sədri, Dünya Azərbaycanlılarını Əlaqələndirmə Şurasının üzvü Xəlil Kələntər, Müasir İslam Araşdırmaları Mərkəzinin direktoru, professor Akira Matsunaqa və AZƏRTAC-ın Yaponiyadakı xüsusi müxbiri Vüqar Ağayev Azərbaycanın dövlətçilik tarixi, müstəqilliyinin bərpasından sonra qazanılan uğurlar, ölkəmizin ayrılmaz tərkib hissəsi olan Naxçıvan Muxtar Respublikası, ədəbiyyat tariximizdə xüsusi yer tutan böyük mütəfəkkirlər İmadəddin Nəsimi və Cəlil Məmmədquluzadə haqqında yapon dinləyicilərə ətraflı məlumat veriblər.
Verilişdə müstəqilliyinin bərpasından sonra Azərbaycanın üzləşdiyi çətinliklərdən, o cümlədən Ermənistanın ölkəmizə qarşı apardığı işğalçılıq siyasətindən bəhs olunub. Qeyd edilib ki, Azərbaycan xalqının ümummilli lideri Heydər Əliyevin hakimiyyətə qayıdışından sonra ölkəmiz inkişaf mərhələsinə qədəm qoyub. Qeyd edilib ki, bu gün Prezident İlham Əliyevin ardıcıl və düşünülmüş siyasəti nəticəsində Azərbaycan böyük uğurlara imza atır. Ölkəmiz böyük beynəlxalq tədbirlərin, idman və musiqi yarışlarının keçirildiyi mühüm mərkəzə çevrilib.
Verilişdə, həmçinin Azərbaycanın ayrılmaz tərkib hissəsi olan və cari ildə yaradılmasının 95 illiyi qeyd edilən Naxçıvan Muxtar Respublikası barədə ətraflı danışılıb. Qeyd edilib ki, Azərbaycanın ən qədim ərazilərindən olan, “Şərqin qapısı” adlandırılan Naxçıvan dünya sivilizasiyalarının mərkəzlərindəndir. Azərbaycan xalqı bu diyarda qədim tarixə malik zəngin mədəniyyət yaradıb.
Bildirilib ki, Naxçıvanın muxtariyyəti dövlətçilik ənənələrinin davamı olaraq meydana gəlib. Verilişdə həm aparıcı Kazuyasu İşida, həm də professor Akira Matsunaqa şəxsən səfər etdikləri Naxçıvanın müasir inkişafı, turizm imkanları ilə fərqləndiyini yapon dinləyicilərin diqqətinə çatdırıblar. Bildiriblər ki, Ermənistan tərəfindən blokadaya alınmasına baxmayaraq, Naxçıvan gündən-günə daha sürətlə inkişaf edir.
Böyük Azərbaycan şairi İmadəddin Nəsiminin həyatı və yaradıcılığı haqqında da geniş məlumatın verildiyi verilişdə bildirilib ki, bu böyük mütəfəkkirin anadan olmasının 650 illiyi ilə əlaqədar 2019-cu il Prezident İlham Əliyev tərəfindən Azərbaycanda “Nəsimi ili” elan edilib. Bu, yalnız Azərbaycanda deyil, eyni zamanda, bütün dünyada böyük şairin zəngin yaradıcılığına diqqətin artmasına səbəb olub. Yubileylə əlaqədar müxtəlif tədbirlər, elmi konfranslar, sərgilər təşkil edilir, yeni məqalələr yazılır. Bildirilib ki, Azərbaycan xalqının çoxəsrlik ənənələrə malik bədii və fəlsəfi fikrində dərin iz qoymuş İ.Nəsiminin zəngin yaradıcılıq irsi bu gün də insanların mənəvi-əxlaqi kamilləşməsində mühüm rol oynayır. Şairin yaradıcılığı Şərq xalqlarının mədəni sərvətlər xəzinəsində özünəməxsus yer tutur. Nəsimi yaradıcılığına Yaponiyada da böyük marağın olduğunu qeyd edən professor A.Matsunaqa “Gündoğar ölkı”də son illər nəşr olunmuş “Türk dünyası” və “Azərbaycanı öyrənmək üçün 67 məqalə” kitablarında yapon oxuculara bu böyük şairin yaradıcılığı barədə məlumatların çatdırıldığını bildirib.
İştirakçılar, həmçinin cari ildə Azərbaycan ədəbiyyatının görkəmli nümayəndəsi, böyük yazıçı, dramaturq, publisist və ictimai xadim Cəlil Məmmədquluzadənin anadan olmasının 150 illiyinin tamam olmasından danışıblar. Qeyd edilib ki, C.Məmmədquluzadə Azərbaycan ədəbiyyatının yeni mərhələyə yüksəlməsində müstəsna rol oynayan, bütöv bir ədəbi məktəb formalaşdıran qüdrətli şəxsiyyət idi. Yalnız Azərbaycanda deyil, dünyanın bir çox ölkələrində yaxşı tanınan bu yazıçı həyat həqiqətlərini, ictimai mühiti hərtərəfli əks etdirən və bədii-estetik dəyər daşıyıcısına çevrilən rəngarəng obrazlar qalereyası yaradıb. C.Məmmədquluzadənin meydana gətirdiyi qiymətli dram və nəsr əsərləri, parlaq publisistika dərin humanist məzmuna malik olub, özündə milli və ümumbəşəri dəyərləri əks etdirib. Azərbaycanda və onun hüdudlarından kənarda geniş yayılaraq milli oyanışa, yeniləşmə hərəkatına yol açan və azadlıq ideyalarının inkişafına güclü təsir göstərən “Molla Nəsrəddin” jurnalı məhz C.Məmmədquluzadənin və onun həmfikirlərinin zəngin əməyinin məhsuludur.
Professor A.Matsunaqa Yaponiyada son illər Azərbaycanla bağlı nəşr edilən kitablarda C.Məmmədquluzadə yaradıcılığına, “Molla Nəsrəddin” jurnalına xüsusi diqqət yetirildiyini vurğulayıb. Bildirib ki, hələ o vaxtlar C.Məmmədquluzadə Azərbaycan ilə Yaponiya arasında əlaqələrin qurulmasına xüsusi diqqət yetirib, jurnalın səhifələrində Yaponiya mövzusuna həmişə yer ayırıb.
Veriliş boyunca Azərbaycan, Naxçıvan Muxtar Respublikası haqqında videomateriallar və fotolar nümayiş olunub.




 
Bölməyə aid digər xəbərlər
06.12.2019
Xaçmazda baş vermiş avtoqəza zamanı ölənlərdən ikisinin kimliyi məlum olub
06.12.2019
ABŞ-da hərbi aviabazada baş vermiş atışma zamanı ölənlərin sayı 4-ə çatıb
06.12.2019
Yeni Delhidə havanın çirklənməsi təhlükəli səviyyəyə çatıb
06.12.2019
Prezident Şamaxıda “ASAN Həyat“ kompleksinin açılışında iştirak edib
06.12.2019
Azərbaycan Prezidenti: Biz Şamaxının tarixi simasını qorumaqla onu müasirləşdiririk

Şərh əlavə olunmayıb

    ,    
Namiq Əliyev
Namiq Əliyev
Anar MİRİYEV
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11400

1 SOCAR-ın yeni vitse-prezidenti kollektivə təqdim olunub
2 Prezident əhalinin sosial müdafiəsinin yaxşılaşdırılması ilə bağlı sərəncam imzaladı
3 Elmar Qasımov 8 illik uğur sirlərini açıqladı
4 Konstitusiya Məhkəməsi: Milli Məclisin buraxılması Konstitusiyaya uyğundur
5 Prezident Administrasiyasında yeni şöbə müdiri təyin edildi


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info