“Kaspersky Lab”: Azərbaycanlı uşaqlar ən çox əyləncəli multimedianı seçir
Tarix: 04.06.2019 | Saat: 13:12:00 | E-mail | Çapa göndər


“Kaspersky Lab” şirkəti 2019-cu ilin ilk dörd ayı ərzində azərbaycanlı uşaqların ən çox ziyarət etdiyi saytları təhlil edib və belə bir nəticəyə gəlib ki, azyaşlılar ən çox əyləncəli multimedianı seçir. Anonim tərtib olunmuş statistikaya görə, ziyarətlərin demək olar ki, yarısı məhz bu istifadəçilərin payına düşür (44%). İnternet-kommunikasiya resurslarına giriş 31% göstərici ilə ikinci pillədədir. Üçüncü yerdə isə cəmi 6%-lə kompüter oyunları olan saytlar qərarlaşıb.
Azərbaycanın azyaşlı istifadəçilərinin digər resurslara marağı nisbətən azdır. Belə ki, 2019-cu ilin yanvar-aprel aylarında uşaqların şəbəkə fəallığının təxminən 5%-i xəbər saytlarının, 4%-i onlayn alış-veriş saytlarının, 1%-i isə böyüklər üçün nəzərdə tutulmuş resursların (qumar, spirtli içkilər, silah, narkotik maddələr, zorakılıq və s) payına düşür. Pornoqrafik saytlara giriş isə nisbətən yüksəkdir - 2%.
Son 12 ay ərzində, yəni 2018-ci ilin may ayından 2019-cu ilin may ayına qədər MDB ərazisində uşaqlar rusdilli sosial şəbəkələr arasında əsasən “Vkontakte”, “Instagram”, “Skype” proqramlarına, ingilis dilli şəbəkələr arasında isə “Facebook”, “Twitter” və “Pinterest” proqramlarına axtarış veriblər. Multimediya resursları arasında lider “YouTube” kanalı olaraq qalır, həmçinin “Spotify” və “Netflix” resursları da uşaqlar tərəfindən fəal istifadə olunur. Filmlər və seriallar arasında axtarış sətirində əsasən “Taxt-tac oyunları”, “Qisasçılar”, “O”, “Riverdeyl”, cizgi filmləri arasında “Smeşariki”, “Qrafiti Folz”, “Əjdahanı necə əhilləşdirmək-3” axtarışa verilib. İngilis dilində musiqi axtarışlarında lider mügənni Billi Aylişdir.
Uşaqlar elektron ticarət portallarından ən çox “AliExpress”, “Avito”, “Ozon”, “Yula”dan, ingilis dilində isə həmçinin “Amazon” və “eBay”dan istifadə edib. “Minecraft”, “Tanklar Online”, “Roblox” və “Fortnite” isə azyaşlıların ən sevimli oyunları olaraq qalır.
“Müşahidələrimiz göstərir ki, oyunlar və sosial şəbəkələr aktiv şəkildə mobil platformalara keçir. “TikTok” servisi məşhurlaşır, uşaqlar virtual ünsiyyəti məhdudlaşdırmamaq üçün kompüterdən deyil, mobil qurğulardan istifadəyə üstünlük verirlər. Lakin, film seyr etmək və musiqi dinləmək onlar üçün böyük ekran və daha dəqiq görüntüyə görə stasionar kompüterlərdə daha rahatdır”, - deyə “Kaspersky Lab” şirkətinin kontent təhlili şöbəsinin rəhbəri Konstantin İqnatyev bildirib.
Uşaqları internet təhlükələrindən qorumağa “Kaspersky Safe Kids” həlli yardım edir. “Kaspersky Lab”ın bu məhsulu bir çox aktual kibertəhlükələri tapır və məhdudlaşdırır. Bundan başqa, bu həll vasitəsi ilə valideynlər uşaqlarının sosial şəbəkələrdəki hərəkətlərindən, dost siyahısındakı dəyişikliklərdən, eləcə də real vaxt rejimində uşaqlarının yerini öyrənə bilərlər.





 
Bölməyə aid digər xəbərlər
28.11.2020
Şəhid ailələri və müharibə əlilləri ilə bağlı yeni tədbirlər planı hazırlanıb
27.11.2020
Ailə planlaşdırılması mövzuları dərsliklərə daxil ediləcək
27.11.2020
Məişət zorakılığından zərər çəkənlər müvəqqəti sığınacaqla təmin ediləcək
27.11.2020
Anasız böyümüşəm, anam Vətənimdir...
27.11.2020
Qızları Allahverdi Bağırovun Ağdamdakı məzarını ziyarət edib – VİDEO

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 12006

1 Kinorejissor Rasim Ocaqovun xatirəsi anılıb
2 İşğaldan azad edilən rayonlarda turizm necə təşkil olunacaq? - Agentlik açıqladı
3 Minsk qrupu uzunmüddətli və dayanıqlı həll üzrə danışıqlara kömək göstərməlidir - Almaniya səfiri
4 Bu il xarici ölkələrə səfər edən Azərbaycan vətəndaşlarının sayı açıqlanıb
5 Azıx mağarasına aid arxeoloji tapıntılar Bakıya gətirildi


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info