“ArmenianReport”: “Paşinyan hakimiyyəti Kremli qane etmir”
Tarix: 04.06.2019 | Saat: 19:19:00 | E-mail | Çapa göndər


“Biz artıq kiminlə dostluq edib-etməməyimizlə bağlı göstəriş verməyinizi istəmirik. Əks- təqdirdə, NATO-nun Ermənistandakı bazaları ölkəmizin ayaqda qalmasına kömək edəcək”

“Rusiya Ermənistana, onun Baş naziri Nikol Paşinyana qarşı hörmətsizlik nümayiş etdirməkdə davam edir. Baxmayaraq ki, hər iki lider dövlətlərarası münasibətlərdə çat olmadığını iddia etsələr də, bəzi nüansları gizlətmək artıq mümkün deyil. Üstəlik, Rusiyanın özü Paşinyanın siyasətindən narazılığını göstərmək üçün hər şeyi edir. Əlbəttə ki, bu da erməni cəmiyyətində Anti-Rusiya hisslərinin artmasına təkan verməkdədir”. “ArmenianReport” saytında yer alan bu fikirlərin haradan qaynaqlandığını anlamaq o qədər də çətin deyil. Belə ki, bir müddət bundan əvvəl Qazaxıstan paytaxtında Avrasiya İqtisadi İttifaqının beşinci ildönümü münasibətilə keçirilən tədbirdə Nikol Paşinyana qarşı göstərilən “hörmətsizliyi” ermənilər həzm edilə bilmir. Ermənistan mətbuatı həmin ərəfədə yazırdı ki, erməni baş nazir Paşinyanın Rusiya prezidenti Putinlə keçirəcəyi iki görüşdən biri məhz, Avrasiya İqtisadi İttifaqı sammiti çərçivəsində baş tutacaq. Amma Rusiya prezidentinin erməni baş nazir Nikol Paşinyanla ayaqüstü belə, söhbət etməyi özünə rəva bilməməsi ermənilərə möhkəm yer edib.
Saytın yazdığına görə, bu gün iki ölkə arasında yaşanan narazılığın başlıca günahkarı həmişə olduğu kimi, yenə də Kremldir: “…Bu gün Moskva Paşinyanın Ermənistanın suverenliyini gücləndirmək siyasətinə mane olur. Çünki Ermənistanın mövcud hökuməti artıq Rusiyanın ermənilərə daxili və xarici siyasətdə təlqin etdiyi fikirlərlə razılaşmaq niyyətində deyil”.
Saytın iddiasına görə, Kreml uzun müddət sübut edilmiş metod və üsullardan indi də Ermənistana qarşı istifadə etməkdə davam edir. Sayt yazır ki, Ermənistana satılacaq qazın qiymətinin yenidən nəzərdən keçiriləcəyi, ölkədə “beşinci kolon”un aktivləşdiriləcəyi ilə bağlı leqal və qeyri-leqal şəkildə verilən bəyanatlar erməni ictimaiyyətinə təhqirdir: “Bu gün Ermənistanda Kremlin göstərişlərinə «riayət etməyən» bir liderin hakimiyyətə gəlişi Kremli qane etmir. İrəvan artıq Koçaryan və Sarkisyanın vaxtında olduğu kimi, Kremlə itaət etmək niyyətində deyil. Biz artıq kiminlə dostluq edib-etməməyimizlə bağlı göstəriş verməyinizi istəmirik. Əks-təqdirdə, NATO-nun Ermənistandakı bazaları ölkəmizin ayaqda qalmasına kömək edəcək”.

Ağasəf Babayev




 
Bölməyə aid digər xəbərlər
20.08.2019
“Stokholmda Rəssamlıq qalereyası açmaq planım var”
10.08.2019
Radikallar dövlətin mənafelərini, vətəndaşların hüquqlarını qoruyan polisdən nə istəyirlər?
07.08.2019
AXC-Müsavatın hakimiyyət davası olmasaydı, torpaqlar əldən getməyəcəkdi
05.08.2019
“Azərbaycan dövlətini və xalqını xaricdə layiqincə təbliğ etməyə çalışıram”
01.08.2019
“Ermənistanda maaşları artırmaq üçün sabit maliyyə mənbələri yoxdur”

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10868

1 Azərbaycana qarşı casusluq edən 128 nəfər aşkar edilib
2 Bakıdan avtobusla Naxçıvana gedənlərə şad xəbər
3 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
4 “Stokholmda Rəssamlıq qalereyası açmaq planım var”
5 Türkiyədən Naxçıvana uçuşlar yeni hava dəhlizi vasitəsilə həyata keçirilir


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info