Bələdiyyə seçkilərində qadın iştirakçılığı gücləndirilməlidir
Tarix: 04.06.2019 | Saat: 12:12:00 | E-mail | Çapa göndər


Maştağa qəsəbəsində “Dayanıqlı İnkişaf Məqsədlərinin Tətbiqi Vasitəsilə Gender Əsaslı Bələdiyyələrin Təşviqi” layihəsi çərçivəsində tədbir keçirilib


3 iyun 2019-cu il tarixdə Sabunçu rayonu Maştağa qəsəbəsində yerləşən 209 №-li tam orta məktəbdə Avropa İttifaqının maliyyələşdirdiyi, BMT-nin İnkişaf Proqramının qismən maliyyələşdirdiyi və icra etdiyi “Genderə həssas Dayanıqlı İnkişaf Məqsədlərinin Həyata Keçirilməsində Vətəndaş Cəmiyyətinin Rolunun Artırılması” proqramı üzrə “Qadınlar Bələdiyyələrin İnkişafı Uğrunda” İctimai Birliyi tərəfindən həyata keçirilən “Dayanıqlı İnkişaf Məqsədlərinin Tətbiqi Vasitəsilə Gender Əsaslı Bələdiyyələrin Təşviqi” layihəsi çərçivəsində tədbir keçirildi. Qeyd edək ki, layihənin əsas tərəfdaşı Azərbaycan Respublikası Ailə, Qadın və Uşaq Problemləri üzrə Dövlət Komitəsidir. Tədbiri giriş sözu ilə Sabunçu rayonu İcra Hakimiyyəti başçısının müavini Rəna Fərəcova açaraq, layihənin vacibliyi haqqında danışdı. O, öz çıxışında bildirdi ki, Sabunçu rayonunda Ramanı, Kürdəxanı və Zabrat qəsəbə bələdiyyələrinin rəhbərləri qadınlardır və onlarla geniş və faydalı əməkdaşlıq fəaliyyəti qurulub.
Daha sonra Ailə, Qadın və Uşaq Problemləri üzrə Dövlət Komitəsinin sədr müavini xanım Sədaqət Qəhrəmanova çıxış edərək tədbirin əsas məqsədinin 27 dekabr 2019-cu ildə keçiriləcək bələdiyyə seçkilərində qadın iştirakçılığının gücləndirilməsinin əhəmiyyəti haqqında danışdı. O qeyd etdi ki, gender bərabərliyinin təmin olunması məsələsi kişi və qadının bir yerdə müzakirələrin keçirilməsi, müxtəlif fikir yürütməsi və birgə çiyin-çiyinə fəaliyyət göstərməklə daha çox səmərə və nailiyyət əldə olunması üçün çox vacibdir.
“Qadınlar Bələdiyyələrin İnkişafı Uğrunda” İctimai Birliyinin sədri və “Dayanıqlı İnkişaf Məqsədlərinin Tətbiqi Vasitəsilə Gender Əsaslı Bələdiyyələrin Təşviqi” layihəsinin rəhbəri xanım Lyudmila Xəlilova geniş təqdimatla çıxış etdi və mövzu ətrafında danışdı. Dünya dövlətləri tərəfindən “İnkişaf Xəritəsi” kimi qəbul edilmiş 17 məqsəd, 169 hədəfdən ibarət Dayanıqlı İnkişaf Məqsədlərindən (DİM) 5-ci – “Gender bərabərliyinə nail olmaq, bütün qız və qadınları səlahiyyətləndirmək” məqsədi yerli özünü idarəetmə orqanlarında qadın təmsilçiliyinin vacibliyini göz önünə sərdiyinə diqqət çəkən Lyudmila xanım, Bələdiyyə orqanlarında zərif cinsin təmsilçilərinin azlığı və qərar qəbuletmə prosesində yaxından iştirakına mane olan məqamlara toxundu. Cəmiyyətdə bələdiyyə idarəçiliyi ilə bağlı məlumatsızlıq, qadınların siyasətdə iştirakının müəyyən çərçivəyə salınması, onların bələdiyyələrdə formal iştirakçılığı, bələdiyyə nümayəndələrinin bilik və bacarıqlarının yetərsizliyi və s. kimi maneə törədən amillərlə yanaşı, Qadınların yerli səviyyədə daha fəal iştirakını əsaslandıran 5 əsas – Cinsi bərabərlik, Nümayəndəlik demokratiyasının prinsiplərinə riayət, Maraqların fərqliliyi, İctimai siyasətə yeni baxış bucağı və İnsan resurslarından daha səmərəli istifadə arqumentlərinin də mövcudluğu qeyd edildi. Əlavə olaraq dünya təcrübəsində istifadə olunan “Gender Fokl Point” – “Gender bərabərliyinin təmin olunması və qadınların səlahiyyətlərinin gücləndirilməsi” anlayışını, onun tətbiq olunması haqqında da danışan layihə koordinatoru, gələcəkdə ölkəmizdə də tədbiq olunaraq əldə ediləcək nəticələrin müsbət istiqamətdə dəyişəcəyinə inandığını qeyd edti.
Milli Elmlər Akademiyasının şöbə müdiri, professor xanım Rəna Mirzəzadə Gender bərabərliyi sahəsində bələdiyyələrin rolunu önə çəkdi və “Bələdiyyə seçkilərində fəal iştirakçı olub səs verin ki, sabah bələdiyyələrdən nə isə tələb edə biləsiniz” ifadəsiylə öz çıxışını bitirdi.
Tədbirin növbəti məruzəçi qismində iştirak edən qonaqlarından həm Maştağa bələdiyyəsinin sədri İlqar Qurbanov, həm də Zabrat bələdiyyəsinin sədri Nailə Nəsirova göstərdikləri fəaliyyət və əldə etdikəri nailiyyətlər, həmçinin hələ də mövcud olan problemlərdən danışdı.
Ramana bələdiyyəsinin sədri İntizar Rzayeva isə qadınların bələdiyyə idarəetməsində iştirakının faydalılığını və qadın bələdiyyə üzvlərinin peşəkarlığı ilə yanaşı həm də bilik və bacarıqlarının inkişaf etdirilməsinə, artırılmasına ehtiyac olduğunu bildirdi. Çıxışını “cəmiyyətimizdə oğlan uşaqlarının düzgün tərbiyələndirilməsi” və “qadın bələdiyyə sədrindən həyat yoldaşı olmaz” düşüncəsindən uzaqlaşdırılmasının vacibliyini qeyd etməklə yekunlaşdıran İntizar Rzayeva, tədbir iştirakçılarını müqəddəs Ramazan Bayramı münasibətiylə təbrik edərək xoş arzularını çatdırdı.
Tədbirin sonunda, proqrama uyğun olaraq bələdiyyə seçkilərində və idarəçiliyində qadın iştirakçılığını gücləndirən tədbirləri və təklifləri müəyyənləşdirmək məqsədi ilə sorğu keçirildi və iştirakçılarla birgə xatirə fotosu çəkdirildi.




 
Bölməyə aid digər xəbərlər
15.11.2019
Xalq Cəbhəsində Azərbaycan cəmiyyətinin ən tör-töküntü təbəqəsi toplaşmışdı
15.11.2019
Məktəb psixoloqları üçün seminar keçirilib
15.11.2019
Bakıda Milli Qəhrəman Albert Aqarunovun heykəlinin rəsmi açılışı olub
15.11.2019
Səfərbərlik və Hərbi Xidmətə Çağırış üzrə Dövlət Xidmətinin rəhbərliyi Masallı və Cəlilabadda vətəndaşları qəbul edib
15.11.2019
Bakının Türkan qəsəbəsində sakinlərin problemləri dinlənilib

Şərh əlavə olunmayıb

    ,    
Namiq Əliyev
Anar MİRİYEV
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10943

1 Prezident icra başçılarını qəbul edib: “Elə işləməlisiniz ki, xalq sizdən razı olsun”
2 Bölgə müəllimləri yeni layihələr reallaşdırırlar
3 Bakıda rusiyalı şairə Yekaterina Xlebnikovanın ilk dəfə yaradıcılıq gecəsi keçirilib
4 Prof. Aziz Sancar’dan Özbekistan’a çikarma: Hayalim Türk Birliğini görmek
5 Masallının Əmirtürbə kəndində şəhid Səfərəli Alışovun adı əbədiləşdirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info