Muğam Mərkəzində “Baku Summer Jazz Days” festivalının açılışı olub
Tarix: 12.06.2019 | Saat: 00:30:00 | E-mail | Çapa göndər


Beynəlxalq Muğam Mərkəzi çoxsaylı musiqi layihələri həyata keçirir. Bu sıradan muğam-caz, etno-caz layihələri də tamaşaçı rəğbəti qazanaraq diqqət çəkir.
Trend-in məlumatına görə, Bakıda hər il ənənəvi olaraq keçirilən Bakı Beynəlxalq Caz Festivalı da məhz Muğam Mərkəzin səhnəsindən tamaşaçılarla görüşə gəlir.
Bu dəfə isə Beynəlxalq Muğam Mərkəzi “Baku Summer Jazz Days” Festivalına ev sahibliyi edir.
10-15 iyun 2019-cu il tarixlərində paytaxtımızda üçüncü dəfə “Baku Summer Jazz Days” Festivalı keçirilir. İyun ayının 10-da Beynəlxalq Muğam Mərkəzində festivalı dünyaca məşhur trubaçalan, bəstəkar, şoumen Erik Truffaz açdı. Həmin gün cazmen öz kvarteti ilə birlikdə çıxış etdi.
8 yaşından səhnədə olan musiqiçi, həm də bəstəkar kimi orijinal əsərlərin müəllifidir. O caz-rokdan dram-n-beysə kimi janrları qarışdırmaqla, elektron səs effektlərini tətbiq etməklə tamaşaçı qarşısına yeni musiqi ilə çıxaraq təkrarolunmaz kompozisiyaları ilə onları valeh edir. Bənzərsiz əsərlərini dəyərləndirən əsas məqam isə Erik Truffazın özünəməxsus tanınan çalğı üslubudur.
Bakının caz ənənəsinə özünəməxsus rəng qatan bu çoxşaxəli beynəlxalq layihə “Premier Art Management” Prodüser Mərkəzinin təşəbbüsü və Azərbaycan Respublikası Mədəniyyət Nazirliyinin dəstəyi ilə həyata keçirilir. Gənc olmasına baxmayaraq, festival artıq dinləyicilərin rəğbətini qazanaraq öz pərəstişkarlarını tapmağa müvəffəq olub.
“Baku Summer Jazz Days” Festivalı çərçivəsində konsertlər Beynəlxalq Muğam Mərkəzində, həmçinin şəhərimizin açıq meydançalarında və xiyabanlarında keçiriləcək.
Tədbirdə Azərbaycanın caz ustadları ilə yanaşı, Rusiya, İsrail, Fransa, Gürcüstan və İsveçrənin musiqiçiləri də iştirak edirlər.
Biletləri ASAN xidmət mərkəzlərindən, şəhərin bütün kassalarından, Gənclik Mall və 28 Mall ticarət mərkəzlərindən həmçinin www.iticket.az. saytından əldə etmək olar.
Festivalın növbəti konserti Beynəlxalq Muğam Mərkəzdə 12 iyun tarixində reallaşacaq. Həmin gün BMM-in səhnəsində Adam Ben Ezra triosu (İsrail) çıxış edəcək.
İnformasiya dəstəyi - Trend.az, Day.az, Milli.az, Azernews.az




 
Bölməyə aid digər xəbərlər
23.10.2019
“Vaqif“ tamaşası Opera və Balet Teatrında
22.10.2019
Mədəni İrsin Qorunması, İnkişafı və Bərpası üzrə Dövlət Xidmətinin regional idarələri yaradılacaq
22.10.2019
“Haqq mənəm, haqq məndədir”: “Nəsimi ili” çərçivəsində daha bir konsert olacaq
22.10.2019
Azər Paşa Nemətov yenidən Azərbaycan Teatr Xadimləri İttifaqının sədri seçilib
22.10.2019
Folklor Festivalının seçim turunda Masallının “Halay” folklor və “Masallı” rəqs qrupu da çıxış edib

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10925

1 Mitinqi yox, Türk Şurasının nailiyyətini təbliğ edin...
2 “Polşada yeni müstəvidə və daha innovativ fəaliyyətə başlayırıq”
3 SON DƏQİQƏ: Ərdoğan və Putin razılaşdı - Türkiyə tarixi diplomatik qələbə qazandı...
4 Gələn il əmək pensiyaları bir daha artırılacaq
5 Lənkəranda gənclər üçün yeni layihənin icrasına başlanıb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info