İbrahim Gülşəni Bərdəinin Misirdəki məqbərəsi təmir olunacaq
Tarix: 01.07.2019 | Saat: 14:36:00 | E-mail | Çapa göndər


Misirdə böyük azərbaycanlı alim İbrahim Gülşəni Bərdəinin məqbərəsinin təmirə başlanılması ilə bağlı tədbir keçirilib. “Vətənpərvər” - Azərbaycanın Misirdəki Diaspor Təşkilatları Birliyinin sədri, tədqiqatçı-alim Seymur Nəsirov tədbirdə çıxış edərək İslam dünyasında tanınmış azərbaycanlı alim İbrahim Gülşəninin həyat və fəaliyyətindən, elmi araşdırmalarının əhəmiyyətindən danışıb. S.Nəsirov bildirib ki, ömrünün 30 ilini Misirdə keçirən və orada vəfat edən alim 1426-cı ildə Azərbaycanın Bərdə rayonunda anadan olub. 1485-ci ildə Misirə gələn Gülşəni qısa müddət ərzində yerli xalqın böyük rəğbət və ehtiramını qazanıb. O, məqbərənin təmirinə verilən dəstəyə görə Misir dövlətinə və bu işdə iştirak edən beynəlxalq fondlara dərin minnətdarlığını bildirib. Qeyd edib ki, bu, olduqca əhəmiyyətli və sevindirici bir hadisədir.
Tədqiqatçı Seymur Nəsirov Azərbaycanla bağlı apardığı araşdırmalar əsnasında İbrahim Gülşəni haqqında da məlumata rast gəlib və onun Qahirədə dəfn olunduğunu biləndən sonra məqbərəsini tapıb. Misirin İrsi Qoruma Nazirliyindən öyrənib ki, Qahirə şəhərinin əl-Dərb əl-Əhmər rayonunda yerləşən məqbərənin təmirə ehtiyacı var və bu səbəbdən o, bağlıdır. Gülşəniyyə təriqəti, Xəlvətiyyə təriqətinin bir qolu olduğu üçün Seymur Nəsirov dəfələrlə Misirdə Xəlvətiyyə təriqətinin məşhur şeyxləri ilə görüşüb və məqbərənin təmir edilməsi və yenidən ziyarətə açılması üçün Misir hökumətinə müraciət ünvanlamalarını xahiş edib. Müraciətlərdən sonra bu məqbərənin təmir olunmasına dair qərar qəbul edilib və Misir dövlətinin dəstəyi ilə təmir işlərinə başlanılıb.
Xatırladaq ki, Seymur Nəsirov 20 ildən çoxdur ərəb mənbələrində Azərbaycanla bağlı tədqiqatlar aparır, 250-dən çox azərbaycanlı alim haqqında iki kitabın, Misirlə Azərbaycan arasında tarixi və mədəni əlaqələrlə bağlı onlarla məqalənin müəllifidir.

Fuad Hüseynzadə




 
Bölməyə aid digər xəbərlər
26.02.2020
“Üç nöqtə” adlı radiotamaşa təqdim olunub
25.02.2020
“CinemaPlus” kinoteatrında “Bayi toplantısı”nın premyeradan öncə nümayişi keçirilib
24.02.2020
“The Jakarta Post”: Gözəl Bakı – məhəbbət və əfsanələr şəhəri
24.02.2020
“CinemaPlus”da Xocalıya həsr olunmuş filmin pulsuz nümayişi keçiriləcək
24.02.2020
“Sona Amal yaradıcılığı publisistikada” adlı kitab nəşr edilib

Şərh əlavə olunmayıb

    ,    
Anar MİRİYEV
Ağasəf Babayev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11455

1 “Qarabağda Ermənistanin heç biri tarixi irsi yoxdur” mövzusunda konfrans keçirilib
2 Tural İsmayılov: “İtaliya Azərbaycanın ərazi bütövlüyünü, münaqişənin ədalətli və beynəlxalq hüquq əsasında həllini dəstəkləyir”
3 Ağstafada Xocalı soyqırımının 28-ci ildönümü qeyd olunub
4 “Gənclərin vətənpərvər, savadlı, yüksək mənəvi dəyərlərə, tərbiyəyə malik olması dövlətin gələcəyi üçün önəmlidir”
5 Azərbaycanın birinci xanımı Mehriban Əliyeva İtaliyanın Kuirinale Sarayı ilə tanış olub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info