Rıza Tuna Turağay: “Bakı-Tbilisi-Qars dəmir yolunun fəaliyyətə başlaması ilə İpək Yolu yenidən canlanacaq”
Tarix: 04.07.2019 | Saat: 15:50:00 | E-mail | Çapa göndər


“Biz öz ticarət dəyərlərimizi ən yaxşı istifadə etməklə Avropaya ixracı artırmalıyıq. Biz birlikdə olduğumuz zaman, o qədər ümumi xüsusiyyətlərimiz var ki, dünyada önəmli bir güc halına gələcəyimizə inanıram”


Bu günlərdə Qazaxıstanın paytaxtı Nur-Sultan şəhərində Türkdilli Dövlətlərin Əməkdaşlıq Şurasına üzv olan ölkələrin iqtisadiyyat nazirlərinin 9-cu iclası keçirilib. Görüşdə Şura üzvü olan dövlətlər arasında ticari-iqtisadi əlaqələrin genişləndirilməsi, birgə iqtisadi layihələrin həyata keçirilməsi, enerji sahəsində əməkdaşlıq, ortaq sərmayə qoyuluşuna imkanlarına dair müzakirə aparılıb.
Türkiyənin Ticarət nazirinin müavini Rıza Tuna Turagay, tədbirdə çıxışı zamanı bildirib ki, Türk Şurasına üzv dövlətlərin bir-biri ilə ticarət əlaqələrində bəzi problem var və bunların aradan qaldırılması vacibdir.
Rıza Tuna Turağay üzv ölkələrin potensialının ən yaxşı şəkildə qiymətləndirilməsinin lazım olduğunu vurğulayıb: “Biz öz ticarət dəyərlərimizi ən yaxşı istifadə etməklə Asiyadan maksimum dərəcədə faydalanıb Avropaya ixracı artırmalıyıq. Biz birlikdə olduğumuz zaman, o qədər ümumi xüsusiyyətlərimiz var ki, dünyada önəmli bir güc halına gələcəyimizə inanıram”.
O, Bakı-Tbilisi-Qars dəmir yolunun fəaliyyətə başlaması ilə İpək Yolunun yenidən canlanacağını, üzv ölkələrin Çinin “Bir Kəmər Bir Yol” layihəsində ümumi dəhlizdə yer almasının gələcək üçün böyük bir imkan yaratdığını və bunun ən yaxşı şəkildə qiymətləndirilməsinin lazım olduğunu söyləyib.
Bu ilin may ayında Türk Ticarət və Sənaye Palatasının qurulmasının ticarət əlaqələrinin inkişafı üçün konkret bir addım olduğunu vurğulayan Turağay, Türk Şurası tərəfindən bu il Azərbaycanda bir iş forumu və Özbəkistanda bir investisiya forumu təşkil ediləcəyini, bu forumların ölkələr arasındakı əlaqələrin artırılması baxımından əhəmiyyətli olduğunu bildirib.
Turağay Azərbaycan və Qazaxıstan prezidentlərinin təklifinə əsasən, Birgə İnvestisiya Fondunun yaradılmasının əhəmiyyətli olduğunu deyib: “Birgə fondun yaradılması bizim dəstəklədiyimiz bir məsələdir. Biz onları qurmaq üçün institusional imkanlara baxmalıyıq, insan resursları, maliyyə davamlılığını dəyərləndirməliyik". O, qurulan bəzi fondların sonralar fəaliyyətsiz vəziyyətə gəldiyini vurğulayıb: “Gələcəkdə onun fəaliyyətini davam etdirmək, gəlirlər əldə etmək istəyiriksə addımlarımızı çox sağlam şəkildə atmalıyıq. Fondun necə fəaliyyət göstərəcəyini çox aydın şəkildə müəyyənləşdirmək lazımdır”.
Rıza Tuna Turağay, Türk Şurasına üzv olan ölkələr arasındakı ticarətin mövcud potensialdan çox az olduğunu vurğulayıb: “Biz 520 milyard dollarlıq ticarət həcmindən bəhs edirik. Ancaq ölkələrimizin öz aralarında həyata keçirdiyi ticarət həcmini topladığımızda, bu həcmin içərisindəki payın çox az olduğunu görürük. Bunu artırmağımız əsas hədəflərimizdən olmalıdır”.

Nigar Abdullayeva




 
Bölməyə aid digər xəbərlər
22.07.2019
Səttar Mehbalıyev: “Jurnalistlərin öz iradələrini azad şəkildə ifadə etmələri üçün bütün imkanlar yaradılıb”
22.07.2019
Siyasiləşmiş “media ekspertləri”: onlar kimin maraqlarına xidmət edirlər?
22.07.2019
KİV-lər Azərbaycanın dövlətçilik maraqlarını hər şeydən uca tuturlar
21.07.2019
Yanes Kosyançiç: Azərbaycanın beynəlxalq yarışların keçirilməsində böyük təcrübəsi var
21.07.2019
Azərbaycan XV Avropa Gənclər Yay Olimpiya Festivalının keçirilməsinə tam hazırdır

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10835

1 Pirdovus Abakarova: “İmtahan suallarının asan və ya çətin olması abituriyentin hazırlıq səviyyəsindən asılıdır”
2 ADPU-nun tələbəsi Nərmin Qəhrəmanlı: “Mənim üçün “könüllü” olmaq iş, komanda ilə işləmək təcrübəsi, dostluq, yeni mühit deməkdir”
3 “Ali Radada Azərbaycanpərəst deputatların olması bizim gələcək fəaliyyətimizə müsbət təsir edəcək”
4 “Ermənistana qarşı iqtisadi sanksiyalar tətbiq olunmalıdır”
5 Подготовка армянских «джавахкских» боевиков-сепаратистов против Грузии в оккупированным Карабахе уже идет полным ходом - FOTO


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info