Regionlarda kooperativ təsərrüfatların yaradılması - Sabirabadda layihə
Tarix: 05.07.2019 | Saat: 14:18:00 | E-mail | Çapa göndər


Azərbaycan Respublikası Prezidenti Yanında QHT-lərə Dövlət Dəstəyi Şurasının maliyyə yardımı ilə "İdrak" Elmin İnkişafına Dəstək İctimai Birliyi "Kənd təsərrüfatının inkişafında kooperativ təsərrüfatların rolu, yaradılması və faydaları" layihəsi çərçivəsində Sabirabad rayonunda ictimai müzakirə keçirib.
İctimai müzakirə Sabirabad şəhər Gənclər evinin akt zalında baş tutub.
Təşkilatın sədri və layihə rəhbəri Mirintiqam Həsənov tədbiri giriş sözu ilə açaraq iştirakçılara layihə haqqında geniş məlumat verib. M.Həsənov qeyd edib ki, layihənin keçirilməsində əsas məqsəd kənd təsərrüfatının inkişafında kooperativ təsərrüfatların rolu, onun yaradılması və faydaları barədə əhalinin maarifləndirilməsi, onların hüquqi biliklər əldə etməsi və imkanların reallaşdırılmasına yardım etməkdir.
Layihənin eksperti Aqil Babayev öz çıxışında “Kooperasiya” anlayışına münasibət bildirərək qeyd edib ki, Beynəlxalq Kooperativ Alyansının bu anlayışa verdiyi izahat belədir”. Kooperativ cəmiyyət üzvlərinin özlərinin iqtisadi, sosial və mədəni ehtiyaclarını qarşılamaq üçün demokratik nəzarətin təmin olunduğu müştərək müəssisə yaratmaq vasitəsi ilə könüllü birləşdikləri müstəqil assosiasiyadır. Daha sonra ekspert, istehsal və kənd təsərrüfatı kooperativlərinin üstünlükləri, çətinlikləri mövzusunda çıxış edərək, fermerlərin qruplar şəklində formalaşaraq fəaliyyət göstərməsinin, mövcud resurs və potensiallardan birgə istifadənin səmərəliliyi artıracağını, bazar rəqabətinə davamlılığı möhkəmləndirəcəyini qeyd edib.
Layihənin digər eksperti Fərid Vəlizadə kooperativ təsərrüfatların mövcud vəziyyətindən danışaraq bildirib ki, kənd təsərrüfatı kooperativlərinin fəaliyyəti üçün ilkin hüquqi baza mövcud olsa da, aqrar sahədə kooperasiya zəif inkişaf edib. Fermerlərin fərdiçiliyə üstünlük verməsi, kooperasiya hərəkatı üçün istehsalçıların təşəbbüskarlıq göstərməməsi, iqtisadi mexanizimlərin birgə təsərrüfatçılıq formasını yetərincə stimullaşdırmaması və bu sahədə pilot layihələrin həyata keçirilməməsi, torpaqların xırda hissələrə bölünərək pərakəndə yerləşməsi, kooperasiya barədə bilgilərin azlığı və onun üstünlüklərinin geniş təbliğ olunmaması aqrar informasiya sisteminin zəif qurulması kənd təsərrüfatı kooperativlərinin inkişafını ləngidib.
Daha sonra təqdim olunan layihə ətrafında müzakirələr keçirilib və iştirakçıları maraqlandıran suallar cavablandırılıb.




 
Bölməyə aid digər xəbərlər
21.02.2020
Teplovoz maşinistləri üçün ixtisasartırma təliminə start verilib
21.02.2020
Mərkəzi Seçki Komissiyasının iclası keçirilib
20.02.2020
IDEA təşkilatının “Bizim həyət” layihəsinə Yevlax şəhəri də qoşulub
20.02.2020
Masallıda “Dini radikalizmlə mübarizədə ictimaiyyətin rolu“ mövzusunda seminar-treninq keçirilib
20.02.2020
Astara rayonunda 2019-cu ilin nəticələri müzakirə olunub

Şərh əlavə olunmayıb

    ,    
Anar MİRİYEV
Ağasəf Babayev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11453

1 Paşinyanın “tərəqqi” dediyi bank sektoru çökür
2 “Qarabağda Ermənistanin heç biri tarixi irsi yoxdur” mövzusunda konfrans keçirilib
3 Masallı Rayon İcra Hakimiyyətinin başçısının Təzəkənd kəndi ərazisində səyyar görüş-qəbulu keçirilib
4 Sahibkarlara xidmət sahəsində unikal model
5 “Qan ver! Ürəklər döyünsün!“ devizi altında qanvermə aksiyası keçiriləcək


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info