Britaniyanın Newcastle və Birmingham Universitetlərinin professor və müəllimləri İİTKM-in fəaliyyəti ilə tanış olublar
Tarix: 05.07.2019 | Saat: 14:30:00 | E-mail | Çapa göndər


İqtisadi İslahatların Təhlili və Kommunikasiya Mərkəzində (İİTKM) qonaq olan Nyukasl Universitetinin doktorları Paul Riçter, Fiona Uaythörst, həmçinin, Birminqam Universitetinin professoru Simon Douna İİTKM tərəfindən həyata keçirilən layihələr barədə ətraflı məlumatlar təqdim edilib.
İİTKM-in department rəhbəri Rəşad Hüseynov, menecerlər Faiq Qasımlı, Nərmin Kazımlı, Ayxan Qədəşov, Oruc Dursunzadə həyata keçirilən layihələr barədə təqdimatlar nümayiş ediblər.
İqtisadi İslahatların Təhlili və Kommunikasiya Mərkəzinin əməkdaşları Azexport Portalı, Azərbaycanın Rəqəmsal Ticarət Qovşağı, EnterpriseAzerbaijan portalının rəqəmsal iqtisadiyyatın inkişafında oynadığı rolun vacibliyini xüsusi vurğulayıblar. Bildirilib ki, ölkə başçısının tapşırıqları əsasında reallaşdırılan bu layihələr Azərbaycanın e-ticarət, e-kommersiya və e-ödəniş sisteminin inkişafı üçün yeni zəmin rolunu oynayıb. Həmçinin aparılan islahatlar nəticəsində yaradılan yeni elektron imkanlar nəticəsində ölkədən qeyri-neft ixracı sadələşib, rəqəmsallaşıb və ixracın coğrafiyası genişlənib.
Bildirilib ki, məhz bu layihələrin uğurlu icrası və Rəqəmsal Ticarət Qovşağının yaradılması ilə Azərbaycan dünyada qeyri-rezidentlərə e-rezidentliyi təqdim edən ikinci, m-rezidentliyi təqdim edən ilk ölkədir.
Əlavə olaraq bildirilib ki, Azərbaycanda 2016-ci ildən bəri Strateji Yol Xəritələrinin uğurlu icrası həyata keçirilir. 11 istiqamət üzrə icra olunan strateji yol xəritələrinə uyğun olaraq həyata keçirilən məqsədyönlü tədbirlər nəticəsində makroiqtisadi sabitlik qorunub saxlanılıb, qeyri-neft sahələrinin və bütövlükdə regionların tarazlı inkişafı sürətlənib, əhalinin sosial rifahı davamlı olaraq yaxşılaşıb. Bu islahatlar nəticəsində Azərbaycan Dünya Bankının nüfuzlu “Doing Business” 2019 hesabatında “Ən islahatçı ölkə kimi” qiymətləndirlib və 190 ölkə arasında 32 pillə irəliləyərək, 57-ci pillədən 25-ci yerə yüksəlib.
Daha sonra qonaqlar İqtisadi İslahatların Təhlili və Kommunikasiya Mərkəzində fəaliyyət göstərən "Bir Pəncərə" İxraca Dəstək Mərkəzi ilə tanış olublar. Mərkəzin meneceri Nicat Hacızadə qonaqlara ətraflı məlumat təqdim edərək bildirib ki, burada ixracatçı sahibkarlar üçün bütün müvafiq şərait yaradılıb. Sahibkarlar ixrac etdikləri məhsullara baytarlıq və fitosanitar, keyfiyyət, mənşə, vəhşi fauna və yabanı flora növlərinin ixracı üçün sertifikatları "Bir Pəncərə"dən alırlar. Eyni zamanda mədəni sərvətin mühafizəsi şəhadətnaməsi və dini ədəbiyyatın ixracına razılığı da buradan almaq olar.
Qonaqlara təqdim edilən layihələrin iqtisadi inkişafın müxtəlif sahələrini əhatə etməsi, həmcinin coxfunksiyalı olması böyük marağa səbəb olub. Newcastle Universitetinin doktorları Paul Riçter, Fiona Uaythörstə, həmçinin, Birminqam Universitetinin professoru Simon Doun tərəfindən əlavə edib ki, İİTKM-in icra etdiyi layihələr ümumilikdə Azərbaycanın qlobal rəqəmsal iqtisadiyyata effektiv inteqrasiyasına gətirib çıxaracaqdır ki, bu da ölkənin üzun müddətli perspektivdə davamlı sosial-iqtisadi inkişafının təmin edilməsinə və sosial rifahın daha da yaxşılaşmasına gətirib çıxaracaqdır. Eyni zamanda, qonaqlar icra edilən bəzi layihələrin daha da təkmilləşdirilməsi istiqamətində görülə biləcək işlərlə bağlı Britaniya təcrübəsini İİTKM-in əməkdaşları ilə bölüşüblər. Qonaqlar ölkədə biznes mühitinin yaxşılaşdırılması istiqamətində müvafiq komissiyanın yaradılmasını və bu istiqamətdə görülən işləri digər inkişaf etməkdə olan ölkələrə nümunə ola biləcəyini vurğulayıblar.

Anar




 
Bölməyə aid digər xəbərlər
29.01.2020
Bu ilin əvvəlində Bakıya 100 yeni elektrik taksisi gətiriləcək
29.01.2020
Azərbaycanla Türkiyə dəmir yolları yeni razılaşma imzalayıb
29.01.2020
Azərbaycan neftinin bir barreli 63,95 dollara satılır
28.01.2020
Mərkəzi Bank 100 milyon manat cəlb edəcək
28.01.2020
“USE” MMC və AİRA arasında əməkdaşlıq memorandumu imzalanıb

Şərh əlavə olunmayıb

    ,    
Fuad HÜSEYNZADƏ
Tural Tağıyev
Ağasəf Babayev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11440

1 Çalışacağıq ki, futbol pərəstişkarları məmnun qalsınlar
2 Turizm şirkətlərinə mülki məsuliyyət sığortası tətbiq ediləcək
3 Ermənistanda sosial narazılıq artır: fermerlərin kütləvi mitinqi bütün ölkəyə yayılır
4 ABŞ “doğum turizmi”nə qarşı mübarizə aparmaq qərarına gəlib
5 Ehsan Zahidov: “Salyanda polisin qıza təcavüz etməsi barədə məlumat tamamilə əsassız və uydurmadır“


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info