Ağdamda şəhid Rövşən Şərifov və Əlvan Bəxtiyarovun xatirəsi anılıb
Tarix: 06.07.2019 | Saat: 19:47:00 | E-mail | Çapa göndər



Ağdam rayonunun Mahrızlı kəndindəki Rahib Məmmədov adına Döyüş Şöhrəti Muzeyində respublikamızın ərazi bütövlüyü uğrunda döyüşlərdə şəhid olmuş Rövşən Şərifov və Əlvan Bəxtiyarovun xatirəsi anılıb.

AZƏRTAC-ın bölgə müxbiri xəbər verir ki, şəhidlərin ailə üzvlərinin, döyüş yoldaşlarının, mədəniyyət işçilərinin, Mahrızlı kənd tam orta məktəbin müəllim və şagirdlərinin iştirak etdiyi tədbirdə əvvəlcə Azərbaycanın müstəqilliyi və ərazi bütövlüyü uğrunda canından keçən Vətən övladlarının xatirəsi bir dəqiqəlik sükutla yad edilib.
Mərasimdə Döyüş Şöhrəti Muzeyinin direktoru Sahib Məmmədov, Tarix-Diyarşünaslıq Muzeyinin direktoru Ülvi Qədirov, Zəngişalı kənd mədəniyyət evinin direktoru Fikrət Əliyev, şəhidlərin ailə üzvləri və döyüş yoldaşları çıxış edərək, onların mənalı həyat və qəhrəmanlıqla dolu döyüş yolundan danışıblar.
Məlumat verilib ki, Əlvan Şəfa oğlu Bəxtiyarov 1973-cü il sentyabrın 30-da Ağdam rayonunun Mahrızlı kəndində anadan olub. 1991-ci ildə orta məktəbi əla qiymətlərlə bitirərək, Ağdam təmir-tikinti sahəsində mühasib işləməyə başlayıb. 1992-ci ilin aprelində hərbi xidmətə çağırılıb. Azərbaycanın Milli Qəhrəmanı Şirin Mirzəyevin təşkil etdiyi taborda xidmətə başlayan Əlvan öz nizam-intizamı ilə fərqlənib və çavuş rütbəsi alıb. Ağdam, Əsgəran, Ağdərə istiqamətində gedən döyüşlərdə iştirak edib, yoldaşları ilə birgə işğalçıların bir neçə texnikasını və onlarla canlı qüvvəsini məhv edib. 1993-cü il iyunun 6-da Ağdam rayonunun Maqsudlu kəndi uğrunda gedən döyüşlərdə düşmənin minaatandan açdığı atəş nəticəsində şəhid olub. Mahrızlı kənd qəbiristanlığında dəfn edilib.
Rövşən Rüfət oğlu Şərifov 1973-cü il noyabrın 25-də Ağdamın Seyidli kəndində anadan olsa da, Zəngişalı kəndində boya-başa çatıb. 1992-ci ildə ordu sıralarına çağırılan R.Məmmədov Şelli, Qaradağlı, Muğanlı, Bağbanlar kəndləri uğrunda gedən döyüşlərdə iştirak edib. 1993-cü il iyunun 5-də düşmənin Şelli kəndinə hücumunun qarşısını alarkən snayper gülləsinə tuş gələrək, həlak olub. Mahrızlı kənd qəbiristanlığında torpağa tapşırılıb.
Mərasim iştirakçıları sonra hər iki şəhidin Döyüş Şöhrəti Muzeyində saxlanılan fotolarına və şəxsi əşyalarına baxıb, video-slayd izləyiblər. Məktəblilər kompozisiya nümayiş etdirib, şəhidlərə həsr olunan şeirlər səsləndiriblər.
Sonda tədbirin hazırlanmasında iştirak edənlərə fəxri fərmanlar təqdim olunub.




 
Bölməyə aid digər xəbərlər
27.02.2020
Miqrasiya könüllüləri Xocalıya ədalət kampaniyasına dəstək nümayiş etdiriblər
26.02.2020
Bəzi təşkilatlar blanklarında gerbdən istifadə edə bilməyəcək
26.02.2020
Masallıda Xocalı soyqırımının 28-ci ildönümü anıldı
26.02.2020
Quba, Qusar və Xızı rayonlarının ərazisinə qar yağıb
26.02.2020
Qoruyucu maskalardan düzgün istifadə qaydaları açıqlandı

Şərh əlavə olunmayıb

    ,    
Anar MİRİYEV
Ağasəf Babayev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11458

1 Ağstafada Xocalı soyqırımının 28-ci ildönümü qeyd olunub
2 Tural İsmayılov: “İtaliya Azərbaycanın ərazi bütövlüyünü, münaqişənin ədalətli və beynəlxalq hüquq əsasında həllini dəstəkləyir”
3 Masallıda Xocalı soyqırımının 28-ci ildönümü anıldı
4 Hakan Şükür: “Peşmanam” – Video
5 Avar Xəngəli – beləsini hələ görməmişdiniz-VIDEO


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info