Azərbaycanın qadın rəssamlarının əsərləri Polşada sərgilənib
Tarix: 09.07.2019 | Saat: 05:59:00 | E-mail | Çapa göndər



Polşanın Pruşkuv şəhərində Azərbaycanın qadın rəssamlarının əsərlərindən ibarət sərgi keçirilib.

AZƏRTAC xəbər verir ki, sərgi “Sönməz məşəl” Mədəni Əlaqələr İctimai Birliyinin Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə həyata keçirdiyi “Azərbaycan rənglərinin ahəngi” adlı layihə çərçivəsində təşkil olunub.
Pruşkuv Şəhər Mədəniyyət və İdman Sarayının rəsm qalereyasında təşkil edilən sərgidə rəssamlardan Nərminə Vəliyeva, Səidə Kəbirlinskaya, Nurgül Əliyeva, Zəhra Məmmədzadə, Əzizə Sadıqova, Leyla Babayeva, Şura Zeynal, Zəhra İldırımzadə və Leyli Musayevanın əsərləri nümayiş olunub.
Rəsmi açılış mərasimində Polşada fəaliyyət göstərən “Fundacja Pokolenia Pokoleniom” qeyri-hökumət təşkilatının sədri Barbara Texmoşenski sərgi haqqında məlumat verib.
Azərbaycanın Polşadakı səfiri Həsən Həsənov iki ölkə arasındakı əlaqələrdən söhbət açıb, belə bir mədəniyyət tədbirinin Pruşkuv şəhərində keçirilməsinin təsadüfi olmadığını deyib. O, Bakının Xəzər rayonu ilə Polşanın həmin rayonunun qardaşlaşmış şəhərlər kimi sıx əlaqə saxladığını bildirib, habelə ölkəmizdə rəngkarlıq sənətinin qədim tarixini, nümayiş olunan sərgidə isə müasir Azərbaycan rəssamlarının əsərləri ilə tanış olmaq imkanı yaradıldığını qeyd edib.
“Sönməz məşəl” Mədəni Əlaqələr İctimai Birliyinin sədri, Azərbaycan Dillər Universitetinin dosenti Şəhla Nağıyeva tədbirdə çıxış edərək sərginin təşkilinə Azərbaycan dövlətinin verdiyi dəstəyi, belə mədəniyyət tədbirlərinin xalqlar arasında körpü rolu oynadığını diqqətə çatdırıb.
Tanınmış rəssam Nərminə Vəliyeva sərgilənən rəsm əsərlərinin məziyyətləri, Polşada Azərbaycan rəssamlarının əsərlərinə göstərilən diqqət və maraq barədə danışıb.
Tədbirdə çıxış edən Pruşkuv şəhərinin rəsmiləri bu cür mədəniyyət tədbirlərinin əhəmiyyətindən danışıblar.
Sonra tədbir iştirakçıları Azərbaycanın qadın rəssamlarının əsərləri ilə yaxından tanış olublar. Qonaqlara Azərbaycanın turizm imkanlarını əks etdirən çoxsaylı kitab və broşür paylanıb. Onlar Bakıda polyak memarların inşa etdiyi binalara həsr edilmiş stendə, eləcə də həmin mövzuda kitablara böyük maraq göstəriblər. Sərginin tamaşaçıları ölkəmizin Polşadakı səfirliyi tərəfindən təqdim edilən Azərbaycan paxlavası və nar şirəsinə qonaq edilib.
“Sönməz məşəl” Mədəni Əlaqələr İctimai Birliyinin sədri Şəhla Nağıyeva bildirib ki, sərginin keçirilməsində məqsəd Azərbaycanın turizm imkanlarını təbliğ etmək, şəhər sakinlərinə bu barədə ətraflı məlumat vermək olub. Ona görə də sərgiyə gələn qonaqlara Heydər Əliyev Fondunun Azərbaycan tarixi və mədəniyyəti mövzusunda nəşrləri, Dövlət Turizm Agentliyinin ölkəmizin turizm imkanlarına dair buklet, kitab və broşürləri, eləcə də Bakıda fəaliyyət göstərmiş polyak əsilli memarlar haqqında kitablar hədiyyə verilib.
Qeyd edək ki, “Sönməz məşəl” Mədəni Əlaqələr İctimai Birliyi oxşar mədəniyyət tədbirlərini Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının yardımı ilə bundan əvvəl ABŞ, Avstraliya, İtaliya, Almaniya, Macarıstan və digər ölkələrdə təşkil edib.




 
Bölməyə aid digər xəbərlər
17.02.2020
Onlar səhnəyə “Bahar” gətirəcək
17.02.2020
“Hər anımız Vətən desin!” adlı şeir müsabiqəsi
17.02.2020
Qırğızıstanda həmyerlimiz beynəlxalq “Barış göyərçini” medalı ilə təltif edilib
16.02.2020
Azərbaycanlı türkoloq-alim Özbəkistanda beynəlxalq konfransda iştirak edib
16.02.2020
“Bəxtiyar Vahabzadə “XX əsrin Nizamisi, Füzulisi”dir”

Şərh əlavə olunmayıb

    ,    
Anar MİRİYEV
Ağasəf Babayev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11451

1 Azərbaycan sağlamlıq turizmi Estoniyada təqdim olunub
2 Professor Rauf Sultanov: “Ölkədə ekoloji vəziyyətlə bağlı geniş layihələr həyata keçirilir”
3 Demokratı Hikmət Hacızadə olan müxalifət...
4 “Azərbaycanın gələcəyi müasir, vətənpərvər və bilikli gənclərin əlindədir”
5 Sarayın ləzzətləri: mutancana


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info