ABŞ-ın təhdidinə Türkiyədən cavab
Tarix: 10.07.2019 | Saat: 15:00:00 | E-mail | Çapa göndər


Türkiyə Xarici İşlər Nazirliyinin rəsmi nümayəndəsi Hami Aksoy Birləşmiş Ştatlara müraciət edərək ikitərəfli münasibətlərə zərər vura biləcək addımlardan çəkinməyə çağırıb. Anadolu Agentliyi xəbər verir ki, bu müraciət ABŞ Dövlət Departamentinin Mətbuat Xidmətinin rəhbəri Morqan Ortequsun Rusiya istehsalı olan S-400 zenit-raket komplekslərinin Türkiyəyə gətiriləcəyi təqdirdə Ankaranı mənfi nəticələr gözləyəcəyi barədə şərhindən sonra səsləndirilib. “İyulun 9-da ABŞ Dövlət Departamenti mətbuat katibinin S-400 komplekslərinə dair səsləndirdiyi bəyanat G20 sammitində prezidentlərimiz arasında aparılan danışıqların ruhuna uyğun gəlmir. Biz ABŞ-ı ikitərəfli münasibətlərə xələl gətirə biləcək addımlardan çəkinməyə çağırırıq” - Türkiyə XİN-in bəyanatında belə deyilir. Hami Aksoy, həmçinin Türkiyəni S-400 zenit raket komplekslərini almağa vadar edən müəyyən səbəblərin mövcudluğunu da xatırladıb. “ABŞ Prezidenti Donald Tramp G20 sammitinin gedişində bu məsələdə Türkiyə ilə ədalətli davranılmadığı faktını təsdiqləyib” - deyə xarici siyasət idarəsinin nümayəndəsi əlavə edib. O, eyni zamanda Şimali Atlantika Alyansının iştirakı ilə S-400 komplekslərinin F-35 təyyarələrinə zərər vuracağı barədə Birləşmiş Ştatların narahatlığının müzakirə olunacağı işçi qrupunun yaradılması barədə Türkiyənin təklifinə ABŞ-ın hələ də reaksiya vermədiyini vurğulayıb. Rusiyanın ən yeni hava hücumundan müdafiə sistemlərindən biri olan S-400 zenit-raket kompleksləri alınması Türkiyə və ABŞ arasında qalmaqala səbəb olub. Birləşmiş Ştatlar Türkiyədən bu sövdələşməni dayandırmağı və əvəzində ABŞ istehsalı olan “Patriot” zenit-raket komplekslərini satın almağı tələb edib. Əks-halda F-35 qırıcı təyyarələrinin Türkiyəyə satışının dayandırılacağını istisna etməyib.

Anar




 
Bölməyə aid digər xəbərlər
24.02.2020
Rus auditorlar Türkiyə üzərində uçuş reallaşdıracaqlar
23.02.2020
Rustavidə Xocalı soyqırımı qurbanlarının xatirəsi anılıb
23.02.2020
Hulusi Akar vǝ Sergey Şoyqu arasında telefon danışığı olub
21.02.2020
“Paşinyan beynəlxalq aləmdə Ermənistanı rüsvay edir”
21.02.2020
Moskvada 2,5 mindən artıq şəxs koronavirus şübhəsi ilə karantinə götürülüb

Şərh əlavə olunmayıb

    ,    
Anar MİRİYEV
Ağasəf Babayev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11454

1 “Qarabağda Ermənistanin heç biri tarixi irsi yoxdur” mövzusunda konfrans keçirilib
2 Tural İsmayılov: “İtaliya Azərbaycanın ərazi bütövlüyünü, münaqişənin ədalətli və beynəlxalq hüquq əsasında həllini dəstəkləyir”
3 “Bu ilin “Könüllü ili” elan olunması gənclərin inkişafı üçün böyük təkandır”
4 Altı il ərzində Ermənistanın dövlət borcu iki dəfə artıb
5 “Gənclərin vətənpərvər, savadlı, yüksək mənəvi dəyərlərə, tərbiyəyə malik olması dövlətin gələcəyi üçün önəmlidir”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info