Paşinyanın reytinqi 53 faizə enib
Tarix: 11.07.2019 | Saat: 14:57:00 | E-mail | Çapa göndər


Sinqapurun idarəetmə fəlsəfəsinin əsasları olan meritokratiya, praqmatizm və dürüstlük bu gün yeni erməni liderinin prinsipləri olub. Məsələ bundadır ki, Nikol Paşinyan Sinqapur prezidenti Halima Yakob ilə görüşdə belə bir iddialı çıxışla yadda qalıb.
Ermənilərin «1in.am» saytı Paşinyanın çıxışındakı «səmimiyyətə» şübhə etməsə də, onun hakimiyyətdə olduğu müddətdə effektiv idarəetmədən danışmaq üçün kifayət qədər əsas olmadığını bildirir. Məsələ bundadır ki, Ermənistanda baş nazirin reytinqi ilə bağlı sosioloji sorğular da son günlər narahatlıq doğurmaqdadır. Belə ki, ölkədəki Beynəlxalq Respublika İnstitutu da Paşinyan barədə səsləndirilən bəzi optimist ifadələrə baxmayaraq, ölkədə ictimai narahatlıqların mövcud olduğunu və bunun hər an alovlana biləcəyini istisna etmir. Nikolun son dövrlər reytinqinin 72 -dən 53 faizə düşməsi artıq bir çox nüanslardan xəbər verməkdədir. Saytın yazdığına görə, hazırda hökumətin bənzər xüsusiyyətlərə sahib olduğunu qəbul etsək belə, bunun yalnız bir nəfərlə - baş nazir Nikol Paşinyanla bağlı olduğunu görəcəyik. Yəni belə bir təəssürat yaranır ki, inqilabı təkbaşına həyata keçirən Paşinyan bu gün hakimiyyəti də təkbaşına idarə edir. Bunu başqa sözlə ifadə etsək, klassik mənada bu gün Paşinyanın heç bir komandası yoxdur. Hazırda həm hökumət, həm də parlament yalnız hakimiyyəti, «super baş nazir» sistemini gizlətməyə çalışan bir maskadır. Doğrudur, inqilab dövründə Paşinyanla çiyin-çiyinə addımlayaraq, onun etibarına layiq görülən şəxslər bu gün erməni hakimiyyətində təmsil olunsalar da Paşinyanın Sinqapurda səsləndirdiyi meritokrat prinsipinə o qədər də uyğun gəlmirlər. Çünki meritokrat prinsipi, həm də ümumi bir baxışdır. Lakin unutmaq lazım deyil ki, ümumi bir baxışdan məhrum olan hazırkı hökumət nümayəndələrini hələ ki, “inqilabın xatirələri” birləşdirməkdədir. Bundan əlavə, Nikol Paşinyan inqilabi hakimiyyətin praqmatik olmadığını unudur. Əslində, bunu təkcə Ermənistanın deyil, digər inqilabi dövlətlərin də təcrübəsində görmək olar. Praqmatizm xüsusi bir proqramı, gündəmi, fəaliyyət sistemini əhatə edir. Lakin Paşinyanın hakimiyyətdə olduğu müddətdə ölkədə praqmatizmin hər hansı bir əlaməti müşahidə edilibmi? Təbii ki, yox! Lakin bütün bunlara baxmayaraq, cəmiyyət hələ də Nikol Paşinyana güvənməkdədir. Amma bunun sonsuzluğu hələ ki, şübhə altındadır.
Ağasəf Babayev




 
Bölməyə aid digər xəbərlər
18.07.2019
Xalqımızın əxlaqi və mənəvi dəyərlərinə zidd olan mühacirlər...
09.07.2019
Əli Kərimli xaricdən göstəriş aldığını etiraf etdi...
03.07.2019
Erməni ekspert: “Ermənistan iqtisadiyyatı dəhşətli vəziyyətdədir”
02.07.2019
Paşinyan hökuməti əhalinin gözləntilərini doğrulda bilmədi
01.07.2019
Ölkədəki sabitlik xaricdə məskunlaşan “jurnalistlər”in xoşuna gəlmir

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10835

1 “4-cü qrupa hazırlaşan hər bir abituriyentin arzusu həkim olmaqdır”
2 Pirdovus Abakarova: “İmtahan suallarının asan və ya çətin olması abituriyentin hazırlıq səviyyəsindən asılıdır”
3 ADPU-nun tələbəsi Nərmin Qəhrəmanlı: “Mənim üçün “könüllü” olmaq iş, komanda ilə işləmək təcrübəsi, dostluq, yeni mühit deməkdir”
4 Dünya brendi olmağı hədəfləyən azərbaycanlı gənc
5 “Ali Radada Azərbaycanpərəst deputatların olması bizim gələcək fəaliyyətimizə müsbət təsir edəcək”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info