Dini konfessiya rəhbərlərinə “Azərbaycan Xalq Cümhuriyyətinin 100 illiyi (1918-2018)“ yubiley medalı təqdim olunub
Tarix: 12.07.2019 | Saat: 13:00:00 | E-mail | Çapa göndər


İyulun 12-də Prezident İlham Əliyevin Sərəncamı ilə "Azərbaycan Xalq Cümhuriyyətinin 100 illiyi (1918-2018)" yubiley medalı ilə təltif
edilmiş din xadimlərinə medalların Azərbaycan Respublikasının Dini
Qurumlarla İş üzrə Dövlət Komitəsində (DQİDK) təqdimetmə mərasimi
keçirilib.

Tədbirdə Rus Pravoslav Kilsəsinin Bakı-Azərbaycan Yeparxiyasının
arxiyepiskopu Aleksandr İşein, Bakı şəhəri Dağ yəhudilər dini icmasının
sədri Milix Yevdayev, Azərbaycan Respublikasının Alban-Udi Xristian dini
icmasının sədri Robert Mobili və Roma-Katolik Kilsəsinin Azərbaycandakı
ordinarisi Vladimir Fekete iştirak ediblər.
Dini Qurumlarla İş üzrə Dövlət Komitəsinin sədri Mübariz Qurbanlı çıxış
edərək "Azərbaycan Xalq Cümhuriyyətinin 100 illiyi (1918-2018)" yubiley
medalının əhəmiyyətindən danışıb. Komitə sədri qeyd edib ki, dövlət
başçısının adıçəkilən medalın təsis edilməsi haqqında Sərəncamı
Prezident İlham Əliyevin şanlı keçmişimizə, dövlətçilik tariximizə
verdiyi yüksək dəyərin göstəricisidir.
Azərbaycan Xalq Cümhuriyyətinin (AXC) yaradılmasının tariximizin şərəfli
səhifəsi olduğunu diqqətə çatdıran Dövlət Komitəsinin sədri bildirib ki,
ölkə Prezidentinin imzaladığı müvafiq Sərəncama əsasən ötən il AXC-nin
100 illik yubileyi böyük təntənə ilə qeyd olundu. Mübariz Qurbanlı onu
da vurğulayıb ki, Xalq Cümhuriyyəti 23 ay yaşamasına baxmayaraq,
ölkəmizdə dini sahənin inkişafına da xüsusi qayğı ilə yanaşıb,
xalqımızın vicdan azadlığının təmin edilməsi məqsədilə mütərəqqi
addımlar atılıb.
Sonra medallar din xadimlərinə təqdim olunub.
Rus Pravoslav Kilsəsinin Bakı-Azərbaycan Yeparxiyasının arxiyepiskopu
Aleksandr İşein, Bakı şəhəri Dağ yəhudilər dini icmasının sədri Milix
Yevdayev, Azərbaycan Respublikasının Alban-Udi Xristian dini icmasının
sədri Robert Mobili və Roma-Katolik Kilsəsinin Azərbaycandakı ordinarisi
Vladimir Fekete təltifə görə Prezident İlham Əliyevə minnətdarlıqlarını
bildiriblər.
Tural




 
Bölməyə aid digər xəbərlər
19.01.2020
XX əsrdə ikinci dəfə öz müstəqil inkişaf yolunu seçən Azərbaycan istəklərini qurbanlar bahasına gerçəkləşdirdi
18.01.2020
Prezident İlham Əliyev: Azərbaycanın vahid və dayanıqlı dünyada rolu
18.01.2020
Ermənistan silkələndi: Ard-arda iki zəlzələ
18.01.2020
Bakıda yeznə qayınanası tərəfindən döyülüb
17.01.2020
İstirahət günlərinin hava proqnozu - Yağış, qar...

Şərh əlavə olunmayıb

    ,    
Fuad HÜSEYNZADƏ
Tural Tağıyev
Ağasəf Babayev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11434

1 Mələk Səfərova “Caspi art 9” Uluslararası Sanat Yarışmasında “Grand Pri“ qazandı
2 “Azərbaycanla Avropa arasında körpü olmağı hədəfləyirik”
3 Ermənilərin “Arsax” yalanı
4 Vüsal Qasımlı: “Azərbaycan dünyanın ən islahatçı və sabit ölkələri sırasındadır”
5 Görkəmli neftçi-alim və geoloq, akademik Xoşbəxt Yusifzadənin 90 illik yubileyi münasibətilə mərasim keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info