Armen Aşotyan: “Ermənistan əhalisinin əksəriyyəti ölkənin doğru yolda olduğuna inanmır”
Tarix: 12.07.2019 | Saat: 17:10:00 | E-mail | Çapa göndər


“Bu gün xalqa verdiyi vədlər hesabına hakimiyyət yiyələnən Paşinyan,
hələ ki xalq üçün heç nə etmyəib”. Ermənistan Respublikaçılar Partiyasının sədr müavini Armen Aşotyanın bu fikirlərinə diqqət çəkən “ArmenianReport” saytı onu uğursuz partiya nümayəndəsi kimi yalançılıqda ittiham edir.
Xatırladaq ki, Aşotyan özünün şəxsi «Facebook» səhifəsində ABŞ Beynəlxalq İnkişaf Agentliyi tərəfindən maliyyələşdirilən Beynəlxalq Respublika İnstitutunun ölkədə keçirdiyi son sorğusunun nəticələrinə inamsızlıq nümayiş etdirib. Beləliklə, Aşotyanın sözlərinə görə, institutun sosioloji sorğusuna dair məlumatlar ictimaiyyətin hakimiyyətə olan inamının azalmasını və narazılığın açıq şəkildə artmasını göstərir. Sayt yazır ki, bu gün Ermənistan əhalisinin təqribən 60 faizi ölkənin düz yolda olduğuna inanmır. Sayt bunun ötən ilin oktyabrında keçirilən rəy sorğusu ilə müqayisədə təqribən 12 faiz azaldığını etiraf etsə də, Respublikaçılar Partiyası nümayəndəsini haqlı saymır. Sayt yazır: “Maraqlısı budur ki, bu gün artıq hakimiyyəti itirmiş sabiqlər hələ də nəyəsə ümid edirlər. Belə görünür ki, onların çökmə tarixi respublikaçılar üçün elə də bir nəticə verməyib. Əslində, Aşotyan və onun partiyadaşlarının davranışları böyük zənginliyə sahib olub lakin əldə etdikləri kapitalın idarə olunmaması səbəbindən onu itirərək darvaza ağzında dayanıb fürsət gözləyənlərin davranışına bənzəyir. Lakin bunlar əbəsdir. Aşotyan niyə axı vaxtilə təmsil olunduğu əvvəlki hakimiyyətin Kreml qarşısında diz çökdüyünü unudur. Bu gün Paşinyana irad tutan Respublikaçılar Partiyasının rəhbəri, sabiq Ermənistan rəhbəri Serj Sarkisyan da hakimiyyətə gəlmək üçün İrəvanın Avropaya inteqrasiyasına yol açacağını bildirmişdi. Lakin sonradan xalqa verdiyi vədi unudan Sarkisyan Ermənistanı Avropa əvəzinə Kremlin Gömrük İttifaqına sürüklədi. Ölkədə baş tutan «məxməri inqilab»a dəyər verməməyə cəhd edən Aşotyanın bunu sadəcə «xalq sadəlövhlüyü” kimi qələmə verməsi də gülüncdür. Mövcud hökuməti tənqid etməyə çalışan Respublikaçıların erməni xalqı üçün artıq heç bir önəm kəsb etmədiyini yazan sayt onların ümidli gözləntilərinə rəğmən artıq tarixin arxivinə gömüldüklərini bildirir.
Ağasəf Babayev




 
Bölməyə aid digər xəbərlər
23.10.2019
Peskov Cefrinin bəyanatına münasibət bildirib
23.10.2019
Türkiyə və Rusiya hərbçiləri Suriyada birgə patrul xidməti aparacaqlar
22.10.2019
Soçidə Rusiya və Türkiyə prezidentlərinin görüşü keçirilir
22.10.2019
Ermənistanda müəllimlər də işsizlər cərgəsinə qoşulublar
22.10.2019
Castin Rouz “Türk Hava Yolları”nın 2019-cu il “Açıq Qolf Turniri”ndə tarix yazmaq istəyir

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10923

1 Mitinqi yox, Türk Şurasının nailiyyətini təbliğ edin...
2 “Polşada yeni müstəvidə və daha innovativ fəaliyyətə başlayırıq”
3 Prezident: Gələn ilin büdcəsi həm sosial, həm investisiya yönümlü olmalıdır
4 Gələn il əmək pensiyaları bir daha artırılacaq
5 70 saylı Masallı şəhər və 71 saylı Masallı kənd seçki dairələrində seminarlar keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info