Azərbaycan üçün ən önəmlisi maraqlarımızın tam şəkildə əks olunduğu sazişin əldə olunmasıdır
Tarix: 15.07.2019 | Saat: 21:07:00 | E-mail | Çapa göndər


Azərbaycan xarici siyasətində Avropa İttifaqı (Aİ) ilə münasibətlərə böyük önəm verir. Ölkəmiz Avropa İttifaqının bir çox proqramlarında fəal iştirak edir və mühüm tərəfdaş kimi qəbul olunur. Xüsusi vurğulamaq lazımdır ki, Azərbaycanın geostrateji mövqeyi Avropa İttifaqına üzv olan dövlətlərin ölkəyə marağını daha da artırır.
Avropa İttifaqı Şurasının prezidenti Donald Tuskun Bakıya səfəri və Prezident İlham Əliyevlə görüşü Azərbaycan-Avropa İttifaqı münasibətlərinə bir daha öz müsbət töhfəsini verdi. Təsadüfi deyil ki, Azərbaycanı çox nadir ölkə kimi səciyyələndirən Avropa İttifaqının rəhbəri ölkəmizin həm Şərq, həm də Qərblə əlaqələrini yüksək qiymətləndirir.
Tam əminliklə demək olar ki, bu gün Avropa İttifaqının Azərbaycanla münasibətləri uğurla inkişaf edir. Tərəflər arasında keçirilən çoxsaylı görüşlər gələcək əməkdaşlığa hesablanıb. Bu da istər Azərbaycanın, istərsə də Avropanın maraqlarına tam uyğundur.
Xarici İşlər Nazirliyinin Mətbuat xidmətinin rəhbəri Leyla Abdullayeva "PREZİDENT. Müstəqillik. Təhlükəsizlik. Rifah" videolayihəsi çərçivəsində Trend-ə bildirib ki, Azərbaycanla Avropa İttifaqı arasında intensivləşən münasibətlərdən danışarkən ikitərəfli yüksək səviyyəli səfərlər mübadiləsinə də xüsusi yer ayrılmalıdır: "Bu, çox önəmlidir. Çünki bu kimi səfərlərin reallaşması tərəfdaşlığın və əməkdaşlığın daha da irəli aparılmasına xüsusi töhfə verir. Bu səfərlərdən biri məhz bu həftə - Avropa İttifaqı Şurasının prezidenti Donald Tuskun ölkəmizə səfəri çərçivəsində reallaşıb".
L.Abdullayeva qeyd edib ki, Avropa İttifaqı ilə Azərbaycan arasında yeni saziş üzrə aparılan danışıqlar da öz səmərəli nəticəsini verəcək: "Bu xüsusda qeyd etmək istərdim ki, Azərbaycan üçün ən önəmlisi bizim maraqlarımızın tam şəkildə əks olunduğu bir sazişin əldə olunmasıdır. Bu baxımdan, vaxt amili önəmli deyil, ən vacib məqam həmin sazişin mahiyyətidir. Təbii ki, danışıqlarda sazişin böyük hissəsi razılaşdırılıb və yaxın gələcəkdə hər iki tərəfin maraqlarına cavab verən bir sazişin imzalanacağına ümid edirik".




 
Bölməyə aid digər xəbərlər
19.08.2019
“Ulduzu barışmayan” AXCP-ReAl
19.08.2019
Gürcüstanla Dövlət sərhədinin delimitasiyası və demarkasiyası üzrə dövlət komissiyalarının ekspertlərinin işçi görüşü olub
19.08.2019
Koreyada “Azərbaycan dərsi” keçirilib
19.08.2019
Mir Şahin Gəncə teraktı ilə bağlı - şok VİDEO yaydı
19.08.2019
Dövlətin təhlükəsizliyi və milli maraqlar hər şeydən üstün olmalıdır

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10861

1 750 mindən çox vətəndaşın pensiyasında artım olacaq
2 Sabahdan Türkiyə ilə Naxçıvan arasında birbaşa hava dəhlizi açılır
3 Azərbaycana qarşı casusluq edən 128 nəfər aşkar edilib
4 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
5 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info