Çavuşoğlu Avropaya meydan oxudu: “Aralıq dənizinin şərqində 3 gəmimiz var, dördüncünü də göndərəcəyik”
Tarix: 16.07.2019 | Saat: 13:44:00 | E-mail | Çapa göndər


Türkiyəyə qarşı qəbul edilən sanksiyaların həyata keçirilməsinin mümkün olmadığını özləri də yaxşı bilir

“Türkiyənin Aralıq dənizinin şərqində karbohidrogen ehtiyatlarının axtarışına dair kəşfiyyat-qazma işləri ilə bağlı Avropa İttifaqının (Aİ) Xarici Əlaqələr Şurasının qərarları rəsmi Ankara üçün heç bir əhəmiyyət daşımır. Türkiyə bölgədəki fəaliyyətini davam etdirəcək”. Türkiyə tərəfi Aİ-nin Xarici Əlaqələr Şurasının mövzu ilə bağlı qərarına kəskin şəkildə etirazını bildirib. Bu barədə Türkiyə Xarici İşlər Nazirliyi məlumat yayıb. Bildirilir ki, Kipr adasının türk icması adanın bütün sərvətləri və imkanlarından bərabər pay almaq hüququna malikdir. Məlumatda Kipr adasına dair tarixi proseslər, eləcə də mövcud siyasi vəziyyət barədə ətraflı məlumat verilir və diqqətə çatdırılır ki, Türkiyə həm özünün, həm də Şimali Kiprin hüquqlarını indiyədək olduğu kimi, bundan sonra da qorumaqda davam edəcək. Qeyd edək ki, Aİ Kiprin xüsusi iqtisadi zonasında qazma işlərinin aparılmasına görə Türkiyəyə qarşı sanksiyalar tətbiq edib . Bu barədə Avropa İttifaqına üzv ölkələrin xarici işlər nazirlərinin iclasının yükunları üzrə qəbul edilən bəyanatda deyilir. Bəyanatda bildirilir: "Türkiyənin qanunsuz qazma işlərini davam etdirməsi və yeni fəaliyyəti fonunda Şura Hərtərəfli Hava Nəqliyyatı haqqında Sazişin imzalanması üzrə danışıqların dayandırılması, o cümlədən Assosiasiya Şurasının və Aİ və Türkiyə arasında yüksək səviyyəli dialoq üzrə gələcək iclasların keçirilməməsi barədə qərar qəbul edib". Bundan əlavə, Aİ Ankaraya qarşı məhdudlaşdırıcı tədbirlər də tətbiq edir: "Şura Avropa Komissiyasının 2020-ci il üçün Türkiyəyə maliyyə dəstəyinin azaldılması barədə təklifini təqdir edir, həmçinin Avropa İnvestisiya Bankına Türkiyədəki kredit fəaliyyətini yenidən nəzərdən keçirməyə dəvət edir". Həmçinin Aİ Şurası vurğulayır ki, Brüssel Ankaraya qarşı yeni sanksiyalar hazırlamağa davam edəcək: "Şura bu məsələ ilə məşğul olmağa davam edir və Ai Şurasının 20 iyun tarixli yekunlarına uyğun olaraq Ali nümayəndəyə (Aİ-nin xarici işlər və təhlükəsizlik siyasəti üzrə ali nümayəndəsi Federika Mogerini) və Avropa Komissiyasına Türkiyənin Şərqi Aralıq dənizində davam edən qazma fəaliyyəti fonunda məqsədli tədbirlərin variantları üzərində işi davam etdirməyi təklif edir. Şura hadisələrin gedişini diqqətlə izləyəcək və zərurət yaranarsa, bu məsələyə qayıdacaq". Bu sanksiyalara daha bir cavab Türkiyənin xarici işlər naziri Mövlud Çavuşoğlundan gəlib. Anadolu Agentliyi bildirir ki, Çavuşoğlu deyib: “Türkiyəyə qarşı qəbul edilən sanksiyaların həyata keçirilməsinin mümkün olmadığını özləri də yaxşı bilir. Türkiyəyə qarşı belə addımlar atarsanız, biz də fəaliyyətimizi daha da genişləndirərik. Aralıq dənizinin şərqində 3 gəmimiz var, dördüncünü də göndərəcəyik”.

Anar




 
Bölməyə aid digər xəbərlər
20.08.2019
Putin Rusiyadakı etiraz aksiyalarına münasibət bildirib
19.08.2019
Ermənistan parlamenti aparatında çalışan işçilər ixtisar edilir
19.08.2019
Keşiş Vartanın uydurduğu “Erməni Naxçıvanı“ mifini tarmar edən əsər
17.08.2019
Soçi aeroportunda işdən çıxarılan ermənilər millətlərarası ədavəti qızışdırırlar
16.08.2019
“Erməni xalqı inqilab əvəzinə mənasız hakimiyyət dəyişikliyi əldə edib”

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10861

1 750 mindən çox vətəndaşın pensiyasında artım olacaq
2 Sabahdan Türkiyə ilə Naxçıvan arasında birbaşa hava dəhlizi açılır
3 Azərbaycana qarşı casusluq edən 128 nəfər aşkar edilib
4 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
5 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info