Yol polisi “Təmiz hava” aylığı çərçivəsində reydləri davam etdirir
Tarix: 13.08.2019 | Saat: 00:34:00 | E-mail | Çapa göndər



Daxili Işlər Nazirliyinin Baş Dövlət Yol Polisi İdarəsinin Yol Patrul Xidməti Alayının bütün stasionar postlarında “Təmiz hava” aylığı çərçivəsində reydlər keçirilir.

AZƏRTAC xəbər verir ki, Müşfiq, Saray və Qaradağ postlarında sürücülər arasında maarifləndirmə işinin aparılması və ətraf mühiti çirkləndirən, texniki cəhətdən nasaz olan nəqliyyat vasitələrinin aşkarlanması məqsədilə tədbirlər görülür. Yol Patrul Xidməti Alayının bütün stasionar postlarında tədbirlər ay ərzində davamlı olaraq keçirilir. Reyd zamanı texniki cəhətdən nasaz avtomobillərlə yük daşıyan, ətraf mühiti çirkləndirən avtomobillərə də rast gəlinib.
Qaradağ postunda saxlanılan “QAZ-31” markalı avtomobilin səsboğucusunun olmadığı aşkarlanıb. Polis əməkdaşları həmin sürücü barəsində tədbir görüb, ona törtədiyi əməlin təhlükəli tərəfləri izah olunub. Bildirilib ki, o, bununla ətraf mühitə ziyan vurur və avtomobili nasaz vəziyyətə salır. Bundan başqa, minik avtomobilinə vurduğu yük nəqliyyat vasitəsinin dayanıqlı olmasını pozur və əyləc sisteminə təsir edir. Bununla da o, kiçik bir manevr zamanı ağır qəza törədə bilər.
Saray postunda isə hər gün 15-20 sürücü barəsində tədbir görülür. Yol Patrul Xidməti Alayının 1-ci taqımının komandiri, mayor Ürfət Şükürov bildirib ki, hər gün 100-ə yaxın avtomobil saxlanılır və zəhərli qazların miqdarı yoxlanılır. Son vaxtlar normanı aşmayan, hətta normadan daha az zəhərli qaz ixrac edən nəqliyyat vasitələrinə rast gəlinir. Lakin normadan 2-3 dəfə çox zəhər ixrac edən nəqliyyat vasitələri də var ki, onların sürücülərinə dəfələrlə edilən xəbərdarlıqlar nəticə vermədiyi üçün yol polisi onları cərimələyir.
Müşfiq postunda keçirilən reyd zamanı texniki cəhətdən nasaz avtomobillər aşkarlanıb. Normaları aşmayan, avtomobilə vaxtında texniki qulluq göstərən sürücülərə də rast gəlinib. Yol polisi onlara təşəkkürünü bildirib, digər sürücülər arasında maarifləndirici söhbətlər aparmağa dəvət edib.
Yol polisinin təbliğat xarakterli tədbirləri avqustun sonunadək davam edəck. Baş Dövlət Yol Polisi İdarəsi bir daha sürücülərin diqqətinə çatdırır ki, avtomobili texniki cəhətdən nasaz halda idarə etməsinlər, belə nəqliyyat vasitələri ilə uzaq yola çıxmaq olduqca təhlükələdir. Unutmaq olmaz ki, zəhərli qazların miqdarı çox olduqda bu elə ilk növbədə sürücünün özünə, ailə üzvlərinə ziyan vurur.




 
Bölməyə aid digər xəbərlər
28.01.2020
AQTA Çindən Azərbaycana diri heyvan, heyvan mənşəli məhsullar və dəniz məhsullarının idxalına müvəqqəti məhdudiyyət qoyub
28.01.2020
Bakı-Sumqayıt yolunun genişləndirilməsi iyuna qədər başa çatacaq
28.01.2020
Yasamalda abadlaşdırılan növbəti həyət sakinlərin istifadəsinə verilib
28.01.2020
DİN sosial şəbəkə istifadəçilərinə xəbərdarlıq edib
27.01.2020
Xəstəliklərin qeydə alındığı ölkələrdən Azərbaycana diri quş və quş məhsullarının idxalına müvəqqəti məhdudiyyət qoyulub

Şərh əlavə olunmayıb

    ,    
Fuad HÜSEYNZADƏ
Tural Tağıyev
Ağasəf Babayev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11440

1 Çalışacağıq ki, futbol pərəstişkarları məmnun qalsınlar
2 Turizm şirkətlərinə mülki məsuliyyət sığortası tətbiq ediləcək
3 Ermənistanda sosial narazılıq artır: fermerlərin kütləvi mitinqi bütün ölkəyə yayılır
4 ABŞ “doğum turizmi”nə qarşı mübarizə aparmaq qərarına gəlib
5 Ehsan Zahidov: “Salyanda polisin qıza təcavüz etməsi barədə məlumat tamamilə əsassız və uydurmadır“


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info