Kooperativdə birləşmiş fermerlərin bank kreditlərinə əlçatanlığı asanlaşacaq
Tarix: 20.08.2019 | Saat: 13:55:00 | E-mail | Çapa göndər


Kənd Təsərrüfatı Nazirliyi yanında “Aqrar Tədarük və Təchizat” ASC-nin əsas fəaliyyət istiqamətlərindən biri də kənd təsərrüfatı ilə məşğul olan fermerlərin müxtəlif mövzularda maarifləndirmə işlərinin həyata keçirilməsidir. Fermer kooperativlərinin yaradılması kənd təsərrüfatı sahəsində fəaliyyət göstərən istehsalçıların bir araya gələrək daha effektiv fəaliyyət göstərə bilməsi, məhsuldarlığın artırılması, planlı təsərrüfatla məşğul olması baxımından əhəmiyyətli rol oynayır.
Nazirliyin İctimaiyyətlə əlaqələr və informasiya təminatı şöbəsindən bildiriblər ki, bu məqsədlə “Aqrar Tədarük və Təchizat” ASC tərəfindən fəaliyyət istiqamətinə uyğun olaraq fermerlərin maarifləndirilməsi təlimlərinə start verilib.
İlk təlim Ağcabədi fermerlərinin iştirakı ilə keçirilib. Əvvəlcə fermerlərə Cəmiyyətin məqsədi və fəaliyyət istiqamətləri barədə məlumat verilib, kooperativin ali idarəetmə orqanı olan ümumi yığıncağın formalaşdırılması, kooperativin üzvlüyünə qəbul və üzvlükdən çıxması, üzvlərə veriləcək ödənişlər, üzvlərin siyahısının rəsmiləşdirilməsi qaydaları izah olunub.
Bildirilib ki, kooperativlərin yaranması nəticəsində fermerlər istehsal ehtiyatlarını bir araya gətirəcək, texnikadan səmərəli istifadə edəcək, bununla da kooperasiya üzvü olan fermerlərin xərcləri azalacaq. Eyni zamanda, növbəli əkinin düzgün qurulması sayəsində daha çox və keyfiyyətli məhsul əldə etmək mümkün olacaq.
Kooperativlərin yaradılmasının üstünlüyü barədə danışan Aqrar Tədarük və Təchizat ASC-nin İdarə Heyətinin sədri Leyla Məmmədova təşkilati məsələlərdə fermerlərə bütün hüquqi dəstəyin veriləcəyini bildirib: “Kooperativdə birləşmiş fermerlər üçün subsidiyalardan yararlanmaq imkanı genişlənəcək, fermerlərin bank kreditlərinə əlçatanlığı asanlaşacaq. Çünki, artıq fermer tək bir şəxs adından yox, özündə bir neçə fermeri birləşdirən hüquqi statusa sahib bir müəssisə kimi çıxış etmiş olacaq. Bununla da fermerlərdən girov qoyuluşu sahəsində tələblər aradan qaldırılmış olacaq. Ən əsası isə fermerlərin müstəqil özünü idarəetməyə keçməsi onların fəaliyyət imkanlarını genişləndirəcək, asılılığı azaldacaq”.
Kooperativlərin müstəqil idarəetməyə əsaslandığını deyən Leyla Məmmədova bildirib ki, fermer kooperativlərinin yaradılması kəndlilərin, fermerlərin, xırda sahibkarların dövlət və ya hər hansı bir qurumun asılılığından çıxması üçün əhəmiyyətlidir: “Kooperativlərin əsasında kəndlinin, fermerin özünü toxum, kənd təsərrüfatı texnikası, gübrə və işçi qüvvəsi ilə, zəruri avadanlıqla təmin etməsi dayanır. Yaradılmış hüquqi qurumu isə fermerlər seçki yolu ilə müstəqil surətdə özləri idarə edir. Kooperativlərin ümumi əmlakı üzərində məsuliyyət də elə fermerlərin özündə olur. Bir sözlə, fermerlər bankların kreditlərinə, subsidiyalara, avanslara ehtiyac duymadan öz layihələrini müstəqil şəkildə özləri idarə edir”.

Nigar




 
Bölməyə aid digər xəbərlər
22.09.2020
Azərbaycan və İran arasında birgə sənaye parkı bölgənin inkişafına səbəb olacaq
21.09.2020
Bakıda Qazaxıstanın Ticarət Evi açılacaq
21.09.2020
Sənaye üsulu ilə əkilən kartof sahələrindən 300-350 sentner məhsul götürülür
19.09.2020
Qroznı-Bakı neft kəmərinin bir hissəsinin tikintisi başa çatıb
19.09.2020
Uğurlarımızın əldə edilməsində neftçilərin çox böyük xidməti və zəhməti var

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11601

1 “Azərbaycan öz məmləkətimizdir“
2 Ölkəmizə gələn turistlər arasında sorğu keçirilib
3 Sığorta bazarını necə inkişaf etdirmək olar?
4 Türksat 5A rabitә peyki noyabr ayında kosmosa buraxılacaq
5 Ayaqları kəsilən Rüstəm Nəbiyev inanılmazı bacardı - VİDEO


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info