İran “Oskar” mükafatına namizəd olan filmini təqdim edib
Tarix: 22.08.2019 | Saat: 21:00:00 | E-mail | Çapa göndər



“Fəridənin sorağında” sənədli filmi İran İslam Respublikasından “Ən yaxşı beynəlxalq film” nominasiyasında 92-ci “Oskar” mükafatına namizəd qismində seçilib. Bu nominasiya daha əvvəl “Ən yaxşı xarici film” adlanırdı.

AZƏRTAC “İslamosfera” saytına istinadla xəbər verir ki, rejissorları Azadə Musəvi və Kuroş Atai olan “Fəridənin sorağında” adlı kino lentində Niderlanddan olan iranlı qadından bəhs edilir. O, bioloji valideynləri tərəfindən tərk edilib, 40 il əvvəl hollandiyalı cütlük onu himayəyə götürüb. İndi o, ailəsi və özünün əlaqəsi barədə çoxsaylı suallara cavab tapmaq sorağında İrana qayıdır.
Bir neçə il əvvəl İran mətbuatında “Hollandiyalı qız İranda özünün doğma ailəsini axtarır” kimi maraqlı sərlövhəli materiallar dərc olunmuşdu. Bu əhvalatı əsas götürən iranlı kinematoqrafçılar qrupu “Fəridənin sorağında” sənədli filmini lentə alıblar.
Film artıq İranın, eləcə də beynəlxalq kinoforumların mükafatları ilə təltif edilib. Ekran əsəri İran Kino Sənəti Akademiyasının “Ən yaxşı sənədli film” nominasiyasında qalib olub, Montanada “Big Sky” sənədli kino festivalında, Kiyevdə insan haqları üzrə sənədli filmlər beynəlxalq festivalında, İstanbul kinofestivalında, Kazanda müsəlman kinosu beynəlxalq festivalında, həmçinin bir sıra Avropa kinofestivallarının proqramında iştirak edib.
Təqdirəlayiq haldır ki, sənədli film janrında ekran əsərini “Oskar”a ilk dəfə İran təqdim edir.
“Tehran Tayms”ın məlumatına görə, “Fəridənin sorağında” filmi onlarla namizədin daxil olduğu milli siyahıdan seçilib. İndi film Əlcəzairdən “Papiçu”, Gürcüstandan “Şindisi”, İsveçrədən “Şiksin ağuşuna Volkenbruxun ecazkar səyahəti” və bir sıra digər ekran əsərləri ilə “Oskar” uğrunda mübarizəyə qoşulacaq.
“Oskar” kinomükafatının 92-ci təqdimetmə mərasimi 2020-ci il fevralın 9-da təşkil olunacaq.




 
Bölməyə aid digər xəbərlər
22.09.2019
Amerika istehsalı olan “Möcüzə” filmi “Artım”da nümayiş ediləcək
22.09.2019
Milli Dram Teatrı mövsümü “Qarabağnamə” ilə açıb
22.09.2019
Tunc-İlk Dəmir dövrünə aid yeni kurqanlar aşkarlanıb
22.09.2019
Bakıda Beynəlxalq Sülh Günü ilə bağlı kitab sərgisi təşkil olunub
21.09.2019
Budapeştdə Macarıstan-Türkiyə Gülbaba Festivalı açılıb

Şərh əlavə olunmayıb

    ,    
Namiq Əliyev
Ağasəf Babayev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10896

1 Müəllimlərin təkmilləşdirilməsi üçün təlimlər keçiriləcək
2 В Великобритании перешли на систему образования СССР
3 Vilayət Eyvazov sərəncamda olan rəisə vəzifə verdi
4 “Bəzi belarus tələbə qızlar artıq Azərbaycana gəlin köçməyə hazırlaşırlar”
5 “Siyasi partiyaların bir araya gəlməsi müsbət qiymətləndiriləsi hadisədir”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info