BTA prezidenti Azərbaycan Yazıçılar Birliyinin sədri ilə görüşüb
Tarix: 03.09.2019 | Saat: 16:42:00 | E-mail | Çapa göndər


Beynəlxalq Türk Akademiyasının (BTA) prezidenti Darxan Kıdırali Azərbaycan Yazıçılar Birliyinin sədri, xalq yazıçısı Anar Rzayevlə bir araya gəlib. Qazaxıstanın paytaxtı Nur-Sultan şəhərində, BTA-nın qərargahında baş tutan görüşdə D.Kıdırali BTA-nın fəaliyyəti, həyata keçirilən və davam edən layihələr, eyni zamanda gələcək planlar barədə məlumat verib. Türk Akademiyasının tərəfindən son bir ildə “Türk ədəbiyyatı antologiyaları” seriyasından ilk olaraq “Azərbaycan ədəbiyyatı antologiyası”nın nəfis tərtibatla çap edildiyi qeyd olunub. Kitabda 20 Azərbaycan klassikinin seçilmiş əsərləri yer alıb.
Bununla yanaşı, böyük mütəfəkir İmadəddin Nəsiminin 650 illik yubiley tədbirləri çərçivəsində şairin şeirləri ilk dəfə Akademiya tərəfindən qazax dilinə çap edilərək nəşr olunub.
Eyni zamanda, qazax milli şairi Mağjan Jumabayevin əsərləri ilk dəfə Azərbaycan dilində işıq üzü görüb.
Akademiya prezidenti təşkilatın 2020-ci ildə Azərbaycanda üç il davam edəcək çoxtərəfli tədqiqat işlərinə başlayacağını bildirib. Beynəlxalq layihə arxeologiya, toponimiya və etnoqrafiya kimi sahələri əhatə edəcək. D.Kıdırali BTA-nın Monqolustandan Macarıstana qədər geniş bir coğrafiyada bu layihəni yürütdüyünü, Azərbaycan və Qafqaz bölgəsində Türk sivilizasiyası və mədəniyyətini araşdırmağın isə xüsusilə əhəmiyyətli olduğunu qeyd edib.
Həmçinin, Azərbaycan, Qazaxıstan, Qırğızıstan və Türkiyə prezidentlərinin təlimatı əsasında Akademiya tərəfindən çapa hazırlanan "Ortaq Türk tarixi" dərsliyinin üzv ölkələrdə tədris proqramına salındığı, ortaq ədəbiyyat və ortaq coğrafiya dərslikləri ilə bağlı işlərin davam etdiyi vurğulanıb.
Həyata keçirilən layihələrin ortaq tarix şüuru və düşüncəsinin formalaşdırılmasına xidmət etdiyi bildirilib.
Azərbaycan Yazıçılar Birliyinin sədri Anar Rzayev isə qeyd edib ki, Beynəlxalq Türk Akademiyasının fəaliyyətini yaxından izləyir və onun fəaliyyətini yüksək qiymətləndirir. O, qardaş xalqların birliyi yolunda ədəbi əlaqələri möhkəmləndirmək, şair və yazıçıların əməkdaşlıq bağlarını gücləndirmək lazım olduğunu diqqətə çatdırıb. Xalq yazıçısı bu baxımdan ziyalı təbəqəyə mühüm vəzifə düşdüyünü, bu səbəbdən BTA ilə əməkdaşlıq üzərində xüsusi dayandıqlarını vurğulayıb.
O, Qazaxıstanın Latın əlifbasına keçidinə böyük ümid bəslədiklərini və bunun xalqlarımızın yaxınlaşmasına müsbət təsirləri olacağına da inamını bildirib.
Görüşdə Azərbaycanın Qazaxıstandakı fövqəladə və səlahiyyətli səfiri Rəşad Məmmədov da iştirak edib. Görüşün yekununda Beynəlxalq Türk Akademiyası ilə Azərbaycan Yazıçılar Birliyi arasında əməkdaşlığı möhkəmləndirmək barədə razılıq əldə edilib. Yazıçıya Akademiyanın Azərbaycanla bağlı nəşr etdiyi bəzi kitablar hədiyyə olunub.

Fuad




 
Bölməyə aid digər xəbərlər
22.09.2019
Amerika istehsalı olan “Möcüzə” filmi “Artım”da nümayiş ediləcək
22.09.2019
Milli Dram Teatrı mövsümü “Qarabağnamə” ilə açıb
22.09.2019
Tunc-İlk Dəmir dövrünə aid yeni kurqanlar aşkarlanıb
22.09.2019
Bakıda Beynəlxalq Sülh Günü ilə bağlı kitab sərgisi təşkil olunub
21.09.2019
Budapeştdə Macarıstan-Türkiyə Gülbaba Festivalı açılıb

Şərh əlavə olunmayıb

    ,    
Namiq Əliyev
Ağasəf Babayev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10896

1 Müəllimlərin təkmilləşdirilməsi üçün təlimlər keçiriləcək
2 В Великобритании перешли на систему образования СССР
3 Vilayət Eyvazov sərəncamda olan rəisə vəzifə verdi
4 “Bəzi belarus tələbə qızlar artıq Azərbaycana gəlin köçməyə hazırlaşırlar”
5 “Siyasi partiyaların bir araya gəlməsi müsbət qiymətləndiriləsi hadisədir”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info