Dövlət tələbələrin yataqxana problemini təcili həll etməlidir – Taleh Şahsuvarlı
Tarix: 03.09.2019 | Saat: 17:33:00 | E-mail | Çapa göndər


“Təhsil naziri, rektorlar və millət vəkillərinə müraciət edirəm”


“Hər il avqust-sentyabr aylarında kütləvi informasiya vasitələrində qarşımıza eyni məzmunlu bir xəbər çıxır: "Bakıda kirayə evlərin qiyməti kəskin bahalaşdı". Əgər bazar iqtisadiyyatından danışırıqsa, təbiidir. Dövlət heç kimə deyə bilməz ki, sən öz mülkiyyətini bir az ucuz, yaxud bu qiymət aralığında kirayə ver. Ancaq hamımız yaxşı bilirik ki, Bakıda yeni tədris ilinin başlanmasından öncə kirayə ev bazarında qiymətlərin qalxması paytaxtımıza tələbə axını ilə bağlıdır. O tələbələr ki, rayondan Bakıya oxumağa gəlir və qalmağa yeri olmur, məcburən kirayə ev bazarına üz tuturlar”.
Bu sözləri AzNews.az xəbər saytının baş redaktoru Taleh Şahsuvarlı özünün “Facebook” sosial şəbəkəsindəki profilində yazıb. Onun qaldırdığı məsələnin aktuallığını nəzərə alaraq, paylaşdığı statusu olduğu kimi təqdim edirik:
“Sovet dövründə bu məsələ xeyli dərəcədə həll olunmuşdu, ali məktəblər və hətta texnikumlar ev ehtiyacı olan tələbələrini yataqxanalara yerləşdirirdi. Sonra SSRİ dağıldı, ölkəmiz müstəqil oldu, Dağlıq Qarabağ və ətraf rayonların işğalı nəticəsində məcburi köçkünlər yataqxanalarda məskunlaşdı. Artıq neçə ildir ki, Azərbaycan Prezidenti İlham Əliyevin və birinci vitse prezident Mehriban xanım Əliyevanın təşəbbüsü ilə məcburi köçkünlər evlə təmin olunur və nəticədə vaxtı ilə universitet, institut və texnikumların balansında olmuş yataqxanalar boşalıb. Onların yerində və yaxud ali məktəblərə yaxın başqa ərazilərdə yeni tələbə şəhərcikləri salmaq olar.
Fikrimcə, dövlət və ali məktəblər artıq ehtiyacı olan tələbələri yataqxanalarla təmin etmək üçün ciddi layihələr icra etməlidirlər. Bildiyim qədər bu yöndə müəyyən addımlar atılıb. Amma fakt budur ki, hazırda Bakıda qalacaq yeri olmayan tələbələrin böyük əksəriyyəti kirayədə qalmağa məcburdurlar və bu məcburiyyət onların ailə büdcəsinə ciddi zərbə vurur. Aşağı və orta gəlirli ailələr bilmir övladlarının ərzağına, geyiminə, dərs vəsaitlərinə, nəqliyyat və digər gündəlik xərclərinə pul çatdırsınlar, yoxsa kirayə pulu dərdi çəksinlər.
İctimai fəallarımız da qəribədir, bu qədər ciddi məsələni, yüzminlərlə tələbənin güzəranına, gələcəyinə təsir edən bir məsələni kənarda qoyub, Məmməd Əmin Rəsulzadənin heykəli məsələsini müzakirə edirlər. Mən Məmməd Əmin Rəsulzadəyə heykəl qoyulmasının əleyhinə deyiləm, təbii. Nəinki onun, Azərbaycan Xalq Cümhuriyyətinin Nazirlər Kabinetinin bütün üzvlərinin adının əbədiləşdirilməsinin tərəfdarıyam. Ancaq adım kimi əminəm ki, Məmməd Əmin Rəsulzadəyə "sənə BDU-nun qarşısında heykəl qoyaq, yoxsa BDU-nun tələbələrinə yataqxana tikək" sualı verilsəydi, o, tərəddüd etmədən gələcək ziyalı kontingentinin maraqlarına üstünlük verərdi. Bu misalı çəkməklə onu vurğulamaq istəyirəm ki, tələbə yataqxanalarının inşası tərəqqi və inkişaf üçün ən önəmli sosial layihələrdəndir. Elə bu səbəbdən də təhsil nazirinə, rektorlara və millət vəkillərinə müraciət edir, təxirəsalınmaz şəkildə bu məsələ ilə bağlı dövlət başçımıza təkliflər hazırlayıb vermələrini xahiş edirəm.




 
Bölməyə aid digər xəbərlər
22.09.2019
“Əsrin müqaviləsi” Azərbaycan üçün ən vacib strateji layihələrdən biridir
21.09.2019
Torpağını döyüş meydanına çevirmək istəyən buyursun
21.09.2019
Azərbaycan bu gün xarici ölkələrə milyardlarla sərmayələr yatırır, bununla da əlavə gəlir mənbələri yaradır
20.09.2019
“Bunu belə zənn edənlərin qarşısında Türkiyə və Şimali Kıbrıs Türk Cümhuriyyəti olacaq“
20.09.2019
“Təhlükəsiz bölgə yaradılması barədə ləngimə olsa, ABŞ ilə fəaliyyətlərə son qoyular“

Şərh əlavə olunmayıb

    ,    
Namiq Əliyev
Ağasəf Babayev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10895

1 Müəllimlərin təkmilləşdirilməsi üçün təlimlər keçiriləcək
2 В Великобритании перешли на систему образования СССР
3 Vilayət Eyvazov sərəncamda olan rəisə vəzifə verdi
4 “Bəzi belarus tələbə qızlar artıq Azərbaycana gəlin köçməyə hazırlaşırlar”
5 “Siyasi partiyaların bir araya gəlməsi müsbət qiymətləndiriləsi hadisədir”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info