“Coca-Cola” nın Azərbaycandakı ağacəkmə layihəsi “The Washington Times“da
Tarix: 10.09.2019 | Saat: 17:02:00 | E-mail | Çapa göndər


ABŞ-ın nüfuzlu “Washington Times” qəzeti bu yaxınlarda dərc elediyi məqalədə “Coca-Cola” şirkətinin Azərbaycanda həyata keçirdiyi ağacəkmə layihəsini qeyd edib. Məqalənin müəllifi Rob Sobhani Azərbaycanın birinci xanımı Mehriban Əliyevanın ölkədəki ekoloji təşəbbüslərini, xüsusən də genişmiqyaslı ağacəkmə işlərini təqdir edir. Müəllif məqalədə həmçinin “Coca-Cola” şirkətinin ADA Universiteti ilə birgə həyata keçirdiyi ağacəkmə layihəsini də vurğulayır. Məqalədə qeyd edilir ki, birinci xanımın təşəbbüsü ilə əkilmiş ağaclar parnik qazları (CO2) tullantılarının yaratdığı fəsadları aradan qaldırmağa kömək edir və bu yanaşma iqlim dəyişikliyi probleminin həllində bütün dünya üçün model ola bilər.
“Coca-Cola” şirkətinin Qafqaz və Mərkəzi Asiya üzrə baş direktoru Eser Sevinc Manav da öz növbəsində iqlim dəyişikliyinə qarşı mübarizədə birgə əməkdaşlığın əhəmiyyətini vurğulayıb. O, qeyd edib ki, “Coca-Cola” sosial məsuliyyətli şirkət olaraq, ətraf mühitin inkişafı naminə birgə əməkdaşlığın fəal tərəfdaşıdır. İqlim dəyişikliyinin fəsadları planet üçün çox dərin və genişmiqyaslı olmaqla yanaşı, həm də biomüxtəlifliyə, su resurslarına, səhiyyə və kənd təsərrufatına təsirsiz ötüşmür: ““Coca-Cola” şirkəti olaraq anlayırıq ki, iqlim dəyişikliyi ətraf mühitə təsir etməklə bərabər, həm də biznesimizə toxuna bilər. Bizim kimi şirkətlər bu qlobal problemin həllində mütləq iştirak etməlidirlər və təbii ki, “Coca-Cola” özünün iqlim dəyişikliyi strategiyasına uyğun olaraq müxtəlif tədbirlər görür. Bunun üçün biz istehsal prosesimizin enerji istifadəsi səmərəliliyini artırmaqla yanaşı, milli və qlobal səviyyələrdə təbiəti mühafizə təşəbbüslərini fəal şəkildə dəstəkləyirik. Azərbaycanda bu istiqamətdə fəxr edə biləcəyimiz işlərdən biri ADA Universiteti ilə birgə reallaşdırdığımız ağacəkmə layihəsidir. Layihə çərçivəsində Bakı və ətraf rayonlarda 50,000-dən artıq şam və zeytun ağacları əkmişik. Ağacların dayanıqlı inkişafı və suvarmanın səmərəli aparılması üçün layihədə damcı suvarma sistemindən istifadə etmişik”.
2014-cü ildən etibarən “Coca-Cola” Fondu və ADA Universiteti Azərbaycanda uzunmüddətli “Ağac ək, təbiətə töhfə ver” layihəsinin icrasına başlayıb. Yüzlərlə könüllü, həmçinin “Coca-Cola” şirkətinin əməkdaşları və ADA Universitetinin tələbələri ağacəkmə aksiyalarında iştirak edirlər. Birgə layihə Abşeron yarımadasında meşəsalma və meşələrin bərpasına yardım edir. Layihədə tətbiq olunan damcı suvarma sistemi suyun təbii resurs olaraq qənaətlə istifadəsini təmin edir. Ağacəkmə layihəsi Abşeron, Siyəzən və Ələt ərazilərini əhatə edir.

Tural




 
Bölməyə aid digər xəbərlər
12.08.2020
“Nağdsız ödənişlərə dəstək verin!” çağırışlı videoçarx hazırlanıb
12.08.2020
OPEC Azərbaycanda neft hasilatı ilə bağlı proqnozları açıqlayıb
12.08.2020
Sahibkarlığın İnkişafı Fondunun İdarə Heyətinə yeni sədr təyin edilib
12.08.2020
190 manat almaq üçün 278 min şəxsin siyahısı aidiyyatı banklara göndərilib
12.08.2020
Dünya bazarlarında ən çox bahalaşan məhsullar açıqlanıb

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11585

1 Leyla Abdullayeva: Ermənistan bəzi Yaxın Şərq ölkələrindəki erməni əsilli əhalinin Azərbaycanın beynəlxalq tanınmış Dağlıq Qarabağ və ətraf bölgələrində qanunsuz məskunlaşdırılması cəhdlərinə əl atır
2 Azərbaycan mətbəxi: Naxçıvan bozpörtü -VİDEO
3 Azərbaycan Memarlar İttifaqı öz tarixinin intibah dövrünü yaşayır
4 Azərbaycanda böyrək transplantasiyası əməliyyatlarına yenidən başlanacaq
5 Tanınmış şair Cəlal Qurbanov: “Sənin önündə əyilirəm Xanlar əmim”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info