BDU ilə Ural Federal Universiteti arasında anlaşma memorandumu imzalanıb
Tarix: 11.09.2019 | Saat: 16:48:00 | E-mail | Çapa göndər


İqtisadiyyat naziri Şahin Mustafayev və Rusiyanın Sverdlovsk vilayətinin qubernatoru Yevgeni Kuyvaşevin rəhbərliyi ilə Azərbaycan-Rusiya nümayəndə heyətlərinin işgüzar görüşü olub.
Bakı Biznes Mərkəzində keçirilən görüş çərçivəsində Bakı Dövlət Universiteti (BDU) ilə Rusiyanın birinci prezidenti B.Yeltsin adına Ural Federal Universiteti (UFU) arasında əməkdaşlıq memorandumu imzalanıb.
BDU-nun rektoru Elçin Babayev və Ural Federal Universitetinin rektoru Viktor Kokşarovun imzaladığı memorandumda peqadoji və elmi işçilərin, tələbə, magistr və doktorantların mübadiləsi, BDU tələbələrinin UFU-nun doktorantura proqramlarına qəbul ediməsi, müəllimlərin ixtisaslarının artırılmasına qarşılıqlı yardım, qabaqcıl inkişaf metodları sahəsində təcrübə mübadiləsi, UFU-nun Azərbaycanşünaslıq Mərkəzi ilə əməkdaşlıq, ikitərəfli birgə elmi simpozium, seminar və konfransların təşkili, qarşılıqlı maraq doğuran proqram və layihələrdə birgə iştirak nəzərdə tutulur.
Rektor Elçin Babayev müasir dünyanın çətinliklərinə baxmayaraq, ölkələrimiz arasında ikitərəfli əməkdaşlığın yüksək səviyyədə inkişafından, Rusiya Federasiyasının bir çox universitetləri və tədqiqat mərkəzləri ilə əməkdaşlıq əlaqələrindən bəhs edib.
Bakı Dövlət Universitetinin elm, təhsil sahəsində böyük potensialının olduğunu vurğulayan rektor Ural Federal Universiteti ilə imzalanan memorandumun hər iki tərəfə böyük fayda verəcəyinə inamını ifadə edib.
Rektor Elçin Babayev Viktor Kokşarovun timsalında Ural Federal Universitetinin nümayəndə heyətini Bakı Dövlət Universitetinin noyabr ayında keçiriləcək 100 illik yubileyinə dəvət edib.
Bakı Dövlət Universitetinin şərqin aparıcı ali təhsil müəssisəsi olduğunu, universitetlər arasında əlaqələrin parlaq sabahına inandığını bildirən rektor Viktor Kokşarov imzalanan memorandumun ikitərəfli əməkdaşlığa təkan olacağına əminliyini bildirib. Təbiət, humanitar elmlər və iqtisadiyyat üzrə ixtisasların olduğu Ural Federal Universitetinin alimlərinin BDU-nun elmi jurnallarına maraq göstərdiyini bildirib.
Qeyd edək ki, işgüzar görüşdə, eyni zamanda, Azərbaycan hökuməti ilə Sverdlovsk vilayəti hökuməti arasında iqtisadi-ticari, elmi-texniki və başqa sahələrdə beynəlxalq və xarici iqtisadi əlaqələr sazişi, Azərbaycan Dillər Universiteti ilə Rusiyanın birinci prezidenti B.Yeltsin adına Ural Federal Universiteti arasında da əməkdaşlıq müqaviləsi imzalanıb.

Tural




 
Bölməyə aid digər xəbərlər
20.02.2020
Aİİ İstanbul şəhərində Xocalı soyqırımı ilə bağlı silsilə tədbirlər keçirir
20.02.2020
UNEC brendi Avropada tanındı
20.02.2020
Dövlət qulluğuna qəbul olmaq istəyənlərlə bağlı statistika açıqlandı
19.02.2020
“Dədəm Qorqudun sözü” kitabının təqdimatı olub
19.02.2020
BMU tələbələri “Əsgərə salam” aksiyasına qoşulublar

Şərh əlavə olunmayıb

    ,    
Anar MİRİYEV
Ağasəf Babayev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11453

1 “Azərbaycanın gələcəyi müasir, vətənpərvər və bilikli gənclərin əlindədir”
2 Paşinyanın referendum oyunu əks-effekt verə bilər
3 Almaniyalı diplomat: “Azərbaycan ərazi bütövlüyü təmin olunmalıdır”
4 Ukrayna televiziyalarında erməni işğalı haqqında məlumat verilib
5 Paşinyanın “tərəqqi” dediyi bank sektoru çökür


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info