Prezident təqaüdçüsü Rəşad Azadlı: “Hədəf qoymuşdum ki, Bakı Ali Neft Məktəbinin tələbəsi olum”
Tarix: 13.09.2019 | Saat: 13:04:00 | E-mail | Çapa göndər


Azərbaycan Respublikası Prezidenti İlham Əliyev tərəfindən imzalanmış Sərəncama əsasən, 2019/2020-ci tədris ilində tələbə qəbulu imtahanlarında I ixtisas qrupu üzrə ən yüksək nəticələr göstərmiş və Bakı Ali Neft Məktəbinə (BANM) daxil olmuş 23 Prezident təqaüdçüsündən biri də Rəşad Azadlıdır. Rəşad 679,3 bal toplayaraq Bakı Ali Neft Məktəbinin “Neft-qaz mühəndisliyi” ixtisasına qəbul olub.
O, 2002-ci ildə Kürdəmir rayonunda anadan olub. 2009-2017-ci illərdə Kürdəmir rayonundakı Siyavuş Paşayev adına 6 saylı orta məktəbdə təhsil alıb. Daha sonra 2017-2019-cu illərdə Bakı şəhəri, Xətai rayonunda yerləşən 147 saylı Texniki Humanitar liseyi bitirib.

- Qəbul imtahanını necə xatırlayırsız?

- İlk qəbul imtahanında çox həyəcanlı idim, çünki təcrübəsiz idim, apreldə ilk dəfə kurrikulum üzrə imtahan verirdim. Yaxşı nəticə əldə etdiyim üçün ikinci imtahan həyəcansız və rahat keçdi.

- Seçdiyiniz ixtisasa həvəs necə yaranıb?

- Atam neft-qaz sahəsində çalışır, əsas həvəsim ondan qaynaqlanıb. Uşaq vaxtından atam kimi neft-qaz sahəsi üzrə mütəxəssis olmaq istəmişəm.

- Bakı Ali Neft Məktəbi haqqında haradan məlumat əldə etmisiniz?

- Ali Məktəb barədə atamdan eşitmişdim, oxuduğum orta məktəbdə də eşidirdim. Təhsilin keyfiyyəti və tələbkarlıq haqqında çox danışırdılar. Özüm Xətai rayonunda yaşayıram, demək olar Ali Məktəbin binasını tez-tez görürdüm, məktəbli vaxtından hədəf qoymuşdum ki, Bakı Ali Neft Məktəbinin tələbəsi olum.

- Niyə məhz Bakı Ali Neft Məktəbini seçdiniz?

- Seçdiyim ixtisas qrupu üzrə ölkənin ən prestijli ali məktəbi BANM olduğu, həm də tələbələrə ingilis dilində yaxşı təhsil və təcrübə imkanları təqdim etdiyi üçün sənədlərimi məhz Bakı Ali Neft Məktəbinə verdim.

- BANM-də oxumaq hədəfinizə necə çatdınız?

- Düşünürəm ki, məsuliyyətli olmaq, mütəmadi olaraq dərslərə diqqət ayırmaq və yaxşı oxumaq yetərli deyil, həm də abituriyent gərək lazımlı formada dincəlməyi də bacarsın. Beyin dincəlməlidir ki, insan güc toplasın. Məsələn, mən dərslərdən yorulanda şahmata vaxt ayırırdım, dostlarla şahmat oynayırdıq, sonra gəlib yenidən dərslərimə davam edirdim.

- Ailənizin təhsilinizdə rolu haqqında nə demək istəyirsiz?

- Ailədə dörd nəfərik, əkiz qardaşımla bərabər neft-qaz sahəsinə qəbul olmuşuq. Qardaşın Rəşid də mənimlə birgə Bakı Ali Neft Məktəbinə “Neft-qaz mühəndisliyi” ixtisasına qəbul olub. Atamdan ixtisasıma həvəs keçib. Anam rus dili müəlliməsidir, uşaqlıqdan təhsilə ciddi fikir verməyimdə anamın xüsusi rolu var.

- Ən böyük arzunuz?

- Hazırda ən böyük arzum yoxdur, sadəcə mərhələli arzu deyərdim buna. İndi istəyirəm BANM-də təhsilimi başa vurub öz sahəmdə iş tapım. Sonrakı mərhələdə dünya turuna çıxmaq, ən çox da ixtisasımla bağlı yenilikləri öyrənmək istəyirəm.

- Hobbiləriniz nədir?

- Basketbol oynamaq, kitab oxumaq, idmanla məşğul olmaq.

- İxtisasınızdan savayı, başqa hansı sahələrə maraq göstərirsiz?

- Kompüter sahəsinə çox marağım var, ixtisasımla paralel olaraq proqramlaşdırma biliklərinə yiyələnmək istəyirəm.

- Hansı janrda kitablar oxuyursuz?

- Fantastika və detektiv janrı mənə cəlbedici gəlir, əsasən Harri Potterin müəllifi Coan Ketlin Roulinq, Çingiz Abdullayev, Aqata Kristi sevimli yazıçılarımdır.

- BANM-dəki təhsillə bağlı gələcək hədəfləriniz nədir?

- Beş illik təhsil zamanı əsas hədəfim neft-qaz sahəsi üzrə peşəkar mütəxəssis olmaqdır. Eləcə də rus və ingilis dillini daha da təkmilləşdirmək və sosial bacarıqlarımı, ünsiyyət vərdişlərimi daha da inkişaf etdirməyi planlaşdırıram. Hesab edirəm ki, Bakı Ali Neft Məktəbi mənə bu istiqamətdə kömək olacaq.




 
Bölməyə aid digər xəbərlər
25.09.2020
Məhərrəm Əliyev: Ermənistanın dövlət kimi mövcudluğu da sual altına düşəcək
24.09.2020
“Rusiyanın bu dəfə Qarabağ müharibəsinə reaksiyası fərqli olacaq”
23.09.2020
Heydər Əliyev Fondu ilk gündən dövlət tərəfindən görülən işlərə öz dəstəyini göstərir
21.09.2020
Kitabxanaçılıq-informasiya fakültəsi yeni tədris ilinə necə hazırlaşıb?
16.09.2020
“Azərbaycan öz məmləkətimizdir“

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11603

1 Təhsil müddəti ümumi pensiya stajına daxil ediləcək
2 Azərbaycan Turizm Assosiasiyası ekspertlər səviyəsində fəaliyyətini genişləndirir
3 Ac qarına bir siqaret 10 ədədə bərabərdir – Xərçəngə yaxınlaşdırır
4 BDU ölkədə təhsil islahatlarının həyata keçirilməsində önəmli rol oynayır
5 Osloda Nizami Gəncəvi adına həftəsonu məktəbi fəaliyyətə başlayıb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info