“Çərkəz toyuğu“
Tarix: 05.10.2019 | Saat: 21:13:00 | E-mail | Çapa göndər



Bu gün sizə reseptini təqdim edəcəyimiz "Çərkəz toyuğu" da Qafqaz boylarından biri olan çərkəzlərin Türk mətbəxinə qazandırdığı bir yeməkdir.

Türk mətbəxi dünyanın zəngin mətbəxlərindən biridir desək, səhv etmərik. Çünki Orta Asiyadan Balkan ölkələrinədək bir çox mətbəxin təsiri var Türk yeməklərində. Türklərin Orta Asiyadan Anadoluya üz tutması ilə başlayan mətbəx tarixi Osmanlı imperiyasının Orta Şərq və Balkan yarımadasınadək sərhədlərini genişləndirməsi ilə bir çox fərqli ləzzətin bir qazanda birləşməsinə yol açdı. Bu səbəbdən Türk mətbəxi istər istifadə edilən ərzaqlar, istərsə də bişirmə üsulları baxımından çox zəngindir. Anadolu coğrafiyasına köçən müxtəlif millətlər və tayfalar da öz yemək- içmək mədəniyyətlərini özləri ilə gətirərək, Türk mətbəxinin rəngarəngliyini artırdılar. Bu gün sizə reseptini təqdim edəcəyimiz "Çərkəz toyuğu" da bir Qafqaz boylarından biri olan çərkəzlərin Türk mətbəxinə qazandırdığı bir yeməkdir. Süfrəyə adətən soyuq şəkildə, məzə olaraq verilən bu ləzzətli toyuq yeməyinin hazırlanma qaydası belədir:

"Çərkəz toyuğu"nu bişirmək üçün lazım olan ərzaqlar:

Soyutma toyuq üçün:

1 bütöv toyuq

1 ədəd baş soğan

1 ədəd yerkökü

5-6 sap cəfəri

1 ədəd kərəviz sapı

duz

istiot

"Çərkəz toyuğu" üçün;

250 qram qoz ləpəsi

4-5 dilim boyat çörək içi

2 diş sarımsaq

1 çay qaşığı qırmızı istiot

2 su stəkanı toyuq bulyonu

Beləliklə, yeməyimizi hazırlamağa başlaya bilərik. Əvvəl soğan, yerkökü, cəfəri, kərəviz, duz və istiot əlavə etdiyiniz suda toyuğu yumşalana qədər qaynadın. Pörtlənmiş toyuğu sudan çıxarın, soyuyanda dərisindən və sümüklərindən ayırıb əllə kiçik hissələrə ayrılacaq şəkildə didin. Bu arada qoz ləpələrini həvəngdəstədə yaxşıca döyün. Bunun üçün mətbəx robotundan da istifadə edə bilərsiniz. Boyat çörək içlərini toyuğun bulyonunda yumşaltdıqdan sonra suyunu sıxıb qoza əlavə edin. Bütöv bir kütlə halına gələnədək yaxşıca qarışdırın və əzilmiş sarımsağı, duzu, 1 ¼ stəkan ilıq toyuq bulyonunu əlavə edin. Didilmiş toyuq hissələrini boşqaba qoyun və üzərinə qozlu sousu tökərək, toyuqla sousu yaxşıca qarışdırın. Bir qaşığın arxası ilə üstünü və kənarlarını düzəldin. Üzərini qırmızı istiotla bəzəyərək soyuq, və ya ilıq şəkildə süfrəyə qoyun. Nuş olsun!




 
Bölməyə aid digər xəbərlər
19.02.2020
‘Kırma tavuk’’ kababı
12.02.2020
Sarayın ləzzətləri: mutancana
11.02.2020
İlan balığından kabab- VİDEO
07.02.2020
’’Testi kebabı’’
04.02.2020
İslim kababı necə hazırlanır?

Şərh əlavə olunmayıb

    ,    
Anar MİRİYEV
Ağasəf Babayev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11453

1 “Qarabağda Ermənistanin heç biri tarixi irsi yoxdur” mövzusunda konfrans keçirilib
2 Regional peşə təhsili mərkəzləri şəbəkəsi genişləndiriləcək
3 Özbəkistanda Kuşan səltənətinə aid taxıl anbarı tapılıb
4 Son on ildə muxtar respublikada 77 min uşaq dünyaya gəlib
5 Prezident: Minsk qrupunun həmsədrləri Ermənistana izah etməlidirlər ki, Dağlıq Qarabağ Ermənistan deyil


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info