Paşinyanın sərsəm bəyanatının qurbanı: xarici işlər naziri işdən qovulur
Tarix: 09.10.2019 | Saat: 15:52:00 | E-mail | Çapa göndər


Paşinyanı xarici siyasətdəki uğursuzluqlar, Qarabağ məsələsi ilə bağlı danışıqlarda zəifləyən mövqe və Rusiyanın Ermənistana qarşı mövqeyindəki dəyişiklik narahat edir


Ermənistanın “Past” nəşri öz mənbələrinə istinadən yazır ki, baş nazir Nikol Paşinyan ölkənin xarici işlər naziri Zohrab Mnatsakanyanın istefası məsələsini bir neçə dəfə gündəmə gətirməyə çalışıb.

Bu, Mnatsakanyanın beynəlxalq tərəfdaşlarla münasibətdə yaratdığı ciddi nöqsanlarla əlaqələndirilir. Erməni nəşrin yazdığına görə, xarici işlər naziri ilə bağlı məsələ bu gün yenə də qabardılaraq gündəmə gətirilib. Paşinyanı daha çox xarici siyasətdəki uğursuzluqlar, Qarabağ məsələsi ilə bağlı danışıqlarda zəifləyən mövqe və Rusiyanın Ermənistana qarşı mövqeyindəki dəyişiklik narahat edir.
Xatırladaq ki, bir neçə gün əvvəl “Valday” Beynəlxalq Müzakirə Klubunun illik toplantısında çıxış edən Rusiya Xarici İşlər naziri Sergey Lavrov Ermənistanın baş naziri Nikol Paşinyanın “Qarabağ Ermənistandır” bəyanatını tənqid etmişdi. Bölgədə vəziyyətin sakit olduğunu vurğulayan Lavrov onu da bildirmidi ki, buna baxmayaraq, siyasi proses dayanıb: “Bu prosesi yerindən tərpətmək alınmır. Əlaqələr var, amma nizamlama ilə bağlı dialoq hələlik bərpa olunmayıb. Albaniyanın Baş naziri “Kosova Albaniyadır” elan etməsi kimi, “Qarabağ da Ermənistandır” demək siyasi prosesin yenidən başlaması üçün şəraitin yaradılmasına kömək etmir. Amma biz həmsədrlər sülh üzərində işləyirik. Biz istəyirik ki, dəfələrlə müzakirə olunan əsas prinsiplər əsasında həll yolunu tapaq”. İrəvan Lavrovun bu bəyanatını gözlənilməz və sərt bir bəyanat kimi dəyərləndirirlər. Naşı dövlət rəsmisi kimi Paşinyanın səsləndirdiyi sərsəm ifadəsinə görə Rusiyanın xarici işlər naziri Ermənistanı tənqid edib. Erməni nəşri öz qaynaqlarına istinadən yazır ki, Paşinyan bundan qəzəblənib və Mnatsakanyanı Rusiya ilə lazımi iş görə bilməməkdə, verdiyi «sərsəm bəyanatın” mənasını və ümumiyyətlə indiki Ermənistan hökumətinin mövqeyini tam təqdim edə bilməməkdə ittiham edib. Ona görə də Paşinyan Zohrab Mnatsakanyanı xarici işlər naziri vəzifəsindən azad etmək niyyətindədir.

Ağasəf Babayev




 
Bölməyə aid digər xəbərlər
13.02.2020
“Azərbaycanın gələcəyi müasir, vətənpərvər və bilikli gənclərin əlindədir”
11.02.2020
Demokratı Hikmət Hacızadə olan müxalifət...
10.02.2020
“Paşinyan dövləti idarə etmək iqtidarında deyil”
07.02.2020
Paşinyanın “turizm arzusu”: Ermənistan Fransanı da üstələyir?!!
06.02.2020
“Könüllülər ili“nin elan olunması gənclər üçün yeni bir şansdır”

Şərh əlavə olunmayıb

    ,    
Anar MİRİYEV
Ağasəf Babayev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11451

1 Azərbaycan sağlamlıq turizmi Estoniyada təqdim olunub
2 Professor Rauf Sultanov: “Ölkədə ekoloji vəziyyətlə bağlı geniş layihələr həyata keçirilir”
3 Demokratı Hikmət Hacızadə olan müxalifət...
4 “Azərbaycanın gələcəyi müasir, vətənpərvər və bilikli gənclərin əlindədir”
5 Sarayın ləzzətləri: mutancana


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info