“Məni Tanrı adlandıranlar çox şişirdirlər“
Tarix: 09.10.2019 | Saat: 17:11:00 | E-mail | Çapa göndər


“Barselona”nın kapitanı Lionel Messi İspaniyanın “RAC1” radiosuna geniş müsahibə verib.
Qol.az xəbər verir ki, argentinalı hücumçu bir çox məsələlərdən danışıb.

Ronaldo haqqında: “Ronaldonun “Real”da qalıb oynamasını istəyərdim. O, “El Klassikol”lara rəqabət qatır. Bununla belə, “Real” mübarizəni davam edəcək. Çünki onlar yaxşı oyunçulara sahibdirlər. Amma artıq komandanın itkisini hiss edəcəyini söylədim. Ancaq onların hər bir titul uğrunda mübarizə aparmalarına imkan verən çox sayda oyunçulara və zəngin tarixə malikdirlər ".

Ən yaddaqalan qolu barədə:
“Bunu dəfələrlər demişəm, Çempionlar Liqasında “Roma”ya qarşı və finalda “Mançester Yunayted”ə qarşı vurduğum qollar”.

Neymar və Qrizmann haqda: “Həqiqətən fikirləşirdim ki, Neymar yay transfer pəncərəsində komandaya qayıdacaq. Ən azından hesab edirdim ki, buraya gəlmədiyi halda, “Real”a transfer olunacaq. O, PSJ-ni tərk etmək ərəfəsində idi. Düşünürəm ki, Florentino Perez onu "Real"a gətirmək üçün nəsə edə bilərdi. Ancaq PSJ ilə danışıq aparmaq olduqca mürəkkəbdir. "Barselona"da oynamaq asan deyil. "Barsa" fəlsəfəsini başa düşməyən digər klubdan gələn hər oyunçu üçün uyğunlaşmaq çətindir. Amma Qrizmannla bağlı heç bir şübhəmiz yoxdur. O, ağıllı və səviyyəli futbolçudur. Get-gedə o da fəlsəfəmizə uyğunlaşacaq. Qrizmannın "Barselona"ya gəlməsini istəməməyim barədə deyilənlər dəqiq yalandır. Güclü futbolçular üçün bu klubun qapıları hər zaman açıqdır".

“Barselona”dan getmək istədiyi barədə: “Bu fikir mənim ağlımda çoxdan var idi. Mən nəinki Barselonanı, hətta İspaniyanı tərk etmək istəyirdim. Hiss edirdim ki, məni burada incidirlər və daha klubda qalmaq istəmirdim. Mənə bir çox klubdan təklif var idi, amma heç vaxt rəsmi təklifim olmadı. Çünki hamı mənim "Barselona"da davam etmək istəyimi bilirdi. 2013 və 2014-cü illərdə maliyyə məsələləriylə bağlı problemlər ortaya çıxdı. Bu, mən və ailəm üçün çətin idi. Bir çox insan mənim hansı hisslər keçirdiyimi bilmir. Burada çox məmnunam və fikrim "Barselona"da qalmaqdır. Heç nə dəyişməyib. Artıq aydın olur ki, karyeramı burada bitirəcəm. Bu, mənim və ailəmin fikri, və kluba, şəhərə aid olan hisslərimdir. Uşaqlarımın dostluğunu, onların ətraflarını dəyişdirmək və ya bunun pozulmasını istəməzdim. Mən bu klubla yaşamalıyam".

Valverde haqqında: “Yarımfinalda “Liverpul”a məğlub olmaq bizim səhvimiz idi. Bu hal “Roma” ilə oyundan sonra yenidən yaşandı. Komanda olaraq qərar verdik ki, o qalıb buradakı işini davam etdirməlidir. Biz Luis Enrike və ondan əvvəl gələn məşqçilər kimi onu da sevir və dəstəkləyirik”.

"Qızıl top" haqda: “Bu mükafatı qazanmamağım mənimçün üzücü olmaz. Belə mükafatlar çox gözəl tanıtımdır, lakin mənimçün onları qazanmaq prioritet deyil. Yeni mövsüm Çempionlar Liqasını qazana bilməmək daha üzücü olardı. Sonuncu dəfə bu titulu qazanmağımızdan 5 il keçir”.

Ona olan münasibət haqda: "Azarkeşlərin məni Tanrı adlandırmalarını xoşlamıram. Olduqca şişirdiblər. Övladlarım da bu fikirləri eşidir və təkrarlayırlar. Onlar məni "Vamos (irəli) Leo Messi" adlandırırlar".

Oğlu haqda: "Mateo nadinclik edəndə onu küncə qoyuram ki, sakitləşsin. O isə küncə doğru qaçır və qışqırır: “Künc zərbəsi tez yerinə yetirildi... Origi!”




 
Bölməyə aid digər xəbərlər
12.12.2019
“Atletiko” 1/8 finala yüksəlib, Parisdə “Qalatasaray”a “5” veriblər
11.12.2019
“Çempionlar Liqasını qazana biləcəyimizi düşünürük”
11.12.2019
Azərbaycan yığması Ermənistanla eyni qrupa düşüb
11.12.2019
“AZE Nakhchivan-Köln SK” Futbol Klubunun tərkibində akademiya yaradılıb
11.12.2019
Talesiz “Qəbələ“nin taleyi necə olacaq?-VIDEO

Şərh əlavə olunmayıb

    ,    
Namiq Əliyev
Namiq Əliyev
Anar MİRİYEV
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11401

1 Azərbaycan Prezidenti İlham Əliyev zəmanəmizin ən uğurlu liderlərindən biridir
2 Prezident parlamenti buraxdı:növbədənkənar seçkilər 2020 ci il fevralın 9-na təyin edildi
3 Avropada işsizlər ordusu yaranır
4 Nazirlər Kabineti Yeni ildə iş və istirahət günlərinin yerinin dəyişdirilməsinə aydınlıq gətirib
5 Erməni deputat: “Ermənistana böyük sərmayə cəlb etmək mümkün deyil”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info