Bakıda AVRASİYA-2019 beynəlxalq meyvə və tərəvəz istehsalçılarının forumu keçirilib
Tarix: 01.11.2019 | Saat: 11:36:00 | E-mail | Çapa göndər



Yerli meyvə və tərəvəz istehsalçılarının beynəlxalq bazara çıxışını dəstəkləmək məqsədilə Azərbaycanda Amerika Ticarət Palatası (AmCham Azərbaycan) və USAİD-in birgə təşkilatçılığı, “Coca-Cola” şirkətinin dəstəyi ilə SGF International e.V. (SGF) və Beynəlxalq Meyvə və Tərəvəz Şirələri Birliyinin (IFU) AVRASİYA Forumu keçirildi. Sayca dördüncü dəfə keçirilən forum bundan əvvəl 2016-cı ildə Latın Amerikası, 2017-ci ildə Asiya və 2018-ci ildə Afrika qitələrində təşkil edilib. “AVRASİYA 2019” Forumunun iştirakçılarını Azərbaycan Respublikası İqtisadiyyat Nazirinin Müavini Rüfət Məmmədov və USAİD Azərbaycan Missiyasının rəhbəri Cey Sinqx salamlayaraq tədbirin meyvə və tərəvəz istehsalı sahəsində fəaliyyət göstərən sahibkarlar üçün beynəlxalq bazara çıxış əldə etməsi, xarici tərəfdaşlarla əməkdaşlıq əlaqələrinin qurulması üçün çox önəmli bir platforma olduğunu vurğuladılar.
““AVRASİYA 2019” Forumunun Azərbaycanda keçirilməsi ölkənin aqrar sektoru üçün önəmli hadisədir. Forum öz məhsullarını ixrac etmək üçün beynəlxalq bazara, xüsusilə də Avropa bazarını hədəfləyənlərə beynəlxalq meyvə və tərəvəz istehsalı standartları haqqında məlumat əldə etmək üçün unikal bir fürsətdir. Ümid edirik ki, bu tədbirdən sonra ölkəmizin meyvə şirələri istehsalçıları, kənd təsərrüfatı sahəsində fəaliyyət göstərən sahibkarlar üçün xarici bazarlara çıxış üçün yeni imkanlar açılacaq.”-deyə AmCham Azərbaycan təşkilatının İcraçı Direktoru Natavan Məmmədova vurğuladı.
SGF təşkilatının Baş Katibi Aleksandra Heinerman və Beynəlxalq Meyvə və Tərəvəz Şirələri Birliyinin (İFU) Prezidenti Dirk Lansbergen “AVRASİYA Forumu”nun Azərbaycanda keçirilməsindən çox məmnun olduqlarını bildirdilər. 1974-cü ildə yaranan SGF təşkilatının meyvə şirələri istehsalçıları üzvlərinin könüllü nəzarət funksiyasını yerinə yetirdiyi qeyd edildi. 1949-cu ildə əsası qoyulmuş İFU isə dünya meyvə şirələri istehsalçıları, milli istehsalçılar assosiasiyalarından ibarət beynəlxalq təşkilat olmaqla üzvlərini Codex Alimentarius və digər beynəlxalq qurumlarda təmsil edir. SGF və İFU təşkilatları Azərbaycan istehsalçıları üçün də açıq olduqlarını vurğulayaraq, yerli istehsalçıları təşkilata üzv olmağa dəvət etdilər.
50-yədək yerli istehsalçı və sahibkarın qatıldığı Forum beynəlxalq məruzəçilərin təqdimatları, Kənd Təsərrüfatı Nazirliyinin Aqrar Tədarük və Təchizat birliyinin sədrinin çıxışları ilə yekunlaşdı.




 
Bölməyə aid digər xəbərlər
13.12.2019
Biznes inkubatorlara iştirakçıların seçilməsinə başlanılıb
13.12.2019
Fermerlərə əkinlə yanaşı, məhsul subsidiyası da veriləcək
13.12.2019
“Bakcell”in stendi “Ən yaxşı korporativ üslub” sertifikatına layiq görülüb
13.12.2019
AFB Bank beynəlxalq yarışın sponsoru oldu
13.12.2019
Azərbaycanın investisiya imkanları Səudiyyə Ərəbistanında təqdim olunub

Şərh əlavə olunmayıb

    ,    
Namiq Əliyev
Namiq Əliyev
Anar MİRİYEV
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11403

1 Azərbaycan Prezidenti İlham Əliyev zəmanəmizin ən uğurlu liderlərindən biridir
2 Erməni deputat: “Ermənistana böyük sərmayə cəlb etmək mümkün deyil”
3 AZSIĞORTA Mərkəzi Bank əməkdaşlarını sığortalayacaq
4 “Gəncliyimiz Prezidentin onlara etibar və həvalə etdiyi məsuliyyətin yükünü çiyinlərində daşımağa qadirdir”
5 “Azərbaycanın sığorta bazarında hələ görüləcək işlər çoxdur”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info