Əliqismət Lalayev Mədəniyyət kanalında “Premyera” verilişini aparacaq
Tarix: 04.11.2019 | Saat: 12:30:00 | E-mail | Çapa göndər


Teleməkanda tamaşaçıların bədii-estetik zövqünün formalaşmasına, onlarda teatra, incəsənətə olan maraqlarının daha da artırılmasına təkan verə biləcək “Premyera” verilişi efirə vəsiqə alıb.
Akademik Musiqili Teatrın mətbuat xidmətindən bildirilib ki, tanınmış rejissor, Əməkdar incəsənət xadimi, sənətşünaslıq üzrə fəlsəfə doktoru Əliqismət Lalayev Mədəniyyət kanalında start götürən “Premyera”nin ilk sayına aparıcılıq edib və bu verilişdə rəhbəri olduğu teatrın son və uğurlu yaradıcılıq işi olan dünya şöhrətli Antuan De - Sent Ekzüperi və bəstəkar, Amerikada yaşayan soydaşımız Ruslan Ağababayevin “Balaca Şahzadə” tamaşası barədə ətraflı söhbət açıb və yaradıcı heyətin üzvləri ilə geniş müzakirələr apararaq tamaşa haqqında izləyicilərə ətraflı məlumatlar verib. Əsərin quruluşçu rejissoru, Azərbaycan teatrlarında ən yaxşı əsərlərin müəllifi kimi tanınan Xalq artistimiz, “Şöhrət” ordenli rejissor Cənnət Səlimova, libretto müəllifi Azərbaycan Yazıçılar Birliyinin katibi, şair, yazıçı-publisist İlqar Fəhmi, bu tamaşada müxtəlif rolların ifaçıları - istedadlı aktyor Əmrah Dadaşov, beynəlxalq müsabiqələr laureatı Aydan Həsənova, tamaşanın “Balaca Şahzadə”si, adı gənc istedadların “Qızıl kitab”ına düşən Prezident təqaüdçüsü Atilla Məmmədov verilişin qonaqları olublar. Onlar bu tamaşanın ərsəyə gəlməsində əməyi olan yaradıcı heyətin digər üzvlərindən və onların qarşılaşdığı çətinliklərdən, tamaşa öncəsi yaddaqalan pərdəarxası maraqlı və unudulmaz məqamlardan danışıblar. Veriliş boyu tamaşadan maraqlı parçalar göstərilib.
Qeyd edək ki, Heydər Əliyev Fondunun layihəsi və fondun Vitse- prezidenti Leyla Əliyevanın rəhbərliyi ilə hazırlanan bu tamaşa noyabr ayının 29 və 30-da saat 19:00-da Akademik Musiqili Teatrın səhnəsində yenidən göstəriləcək. Biletləri şəhərin bütün teatr-konsert kassalarından, “ASAN xidmət” mərkəzlərindən və “iticket.az” saytından əldə etmək olar.
Azərbaycanda teatr sənəti ilə bağlı lazımi təbliğatın aparılmasında “Premyera”nın rolunun çox böyük olacağına ümid etdiyini bildirən Əliqismət Lalayev bu verilişin növbəti buraxılışlarında təkcə paytaxt teatrlarından deyil, ölkədə fəaliyyət göstərən digər teatrlarda hazırlanan yeni tamaşaların premyeralarından ətraflı söhbət açacaqları barədə də danışıb.
“Biz teatrlarımızın ən yaxşı tamaşalarını elan etməklə Azərbaycan teatrında, Azərbaycan səhnəsində hazırlanan ən yaxşı sənət nümunələrini televiziya tamaşaçılarına təqdim edəcəyik. "Premyera" verilişində eyni zamanda bölgələrdə fəaliyyət göstərən teatrlarımıza gedəcəyik və o səhnələrdə yaranan yeni əsərləri geniş ictimaiyyətə təqdim edəcəyik. Bilirsiniz ki, son vaxtlar ölkəmizin teatr aləmi çox zənginləşib. Teatrlarımızın əksəriyyəti təmirdən çıxıb və çox gözəl şəraitdə çalışırlar… Aktyorlar, rejissorlar, eləcə də bölgələrdə yaşayan insanlar üçün də teatr sənəti - yeni tamaşalar çox maraqlıdır...
Teatr və səhnə müqəddəsdir. Səhnə bir məbəddir və burada çalışanlar sizi hər zaman gözləyirlər”, - deyə Əliqismət Lalayev üzünü televiziya izləyicilərinə tutaraq, onlara teatrı həyat tərzlərinə çevirmələrini arzulayıb.

Tural





 
Bölməyə aid digər xəbərlər
13.11.2019
Urgənc şəhərində Azərbaycan milli rəqslərinin təqdimatı keçirilib
13.11.2019
“Variety“ jurnalı “Oskar“ mükafatına mümkün namizədləri açıqlayıb
12.11.2019
“Nasimi passion” vokal-xoreoqrafik tamaşası nümayiş olunacaq
12.11.2019
Bakıda rusiyalı şairə Yekaterina Xlebnikovanın ilk dəfə yaradıcılıq gecəsi keçirilib
12.11.2019
“Dünyaya üç baxış”

Şərh əlavə olunmayıb

    ,    
Namiq Əliyev
Anar MİRİYEV
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10942

1 Prezident icra başçılarını qəbul edib: “Elə işləməlisiniz ki, xalq sizdən razı olsun”
2 Prezidentdən Bayraq Günü paylaşımı - Video
3 Dövlət Departamenti “erməni soyqırımı”nın tanınmasına qarşıdır
4 “Türkiyə qəzetlərində və xəbərlərdə Azərbaycan alimləri təriflənir”
5 “Cəlil Məmmədquluzadə 150 il - məqalələr, esselər, müsahibələr, şeirlər” kitabının təqdimatı olub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info