Erməni deputat: “Maaşların artacağı barədə deyilənlər mifdir”
Tarix: 04.12.2019 | Saat: 16:39:00 | E-mail | Çapa göndər


Qevork Qorqisyan: “Gələn il spirtli içkilər, benzin, dizel, təbii qaz və siqaretə tətbiq ediləcək aksiz vergisinin, ət, yağ, dərman, buğda kimi məhsulların qiymətinin artması gözlənilir”

“Son zamanlar təhrif olunmuş faktları «nailiyyət» adı ilə xalqa sırımağa çalışan Ermənistan hakimiyyəti, utanmadan xalqdan bu «uğura» görə alqış da umur”. Bu fikirləri Ermənistan parlamentində səsləndirən «İşıqlı Ermənistan» fraksiyasından olan deputat Qevork Qorqisyan hökumətin tez-tez vergilərin azaldılacağı müqabilində ölkə vətəndaşlarının maaş və gəlirlərinin artacağı barədə dediklərinə də diqqət çəkib. Verdiyi vədlərin yerinə yetirilməsi istiqamətində hökumətin heç bir addım atmadığını xatırladan fraksiya nümayəndəsi ölkədəki problemlərin rəsmilər üçün hələ də «xırda məsələ» olduğunu, xalq üçün isə böyük önəm kəsb etdiyini bildirib. Qorqisyana görə, bu gün erməni əhlinin gözləntilərindən biri maliyyələşdirilən pensiya sistemi idi ki, bununla bağlı düzəlişlər gələn ildən qüvvəyə minməlidir. Bu gün statistik məlumata görə ölkədə orta əməkhaqqının 178 min dram olduğunu xatırladan erməni deputat dövlət rəsmilərinin dediklərini əsas tutaraq, 2023-cü ilə qədər əməkhaqqının cəmi 1000 dram artacağını ehtimal edir. Onun fikrincə, bu, elə də böyük artım deyil: “Əgər, ölkədə mənfəət vergisi təqribən 20 faizə endirilərsə, bu halda 2023-cü ildə orta əməkhaqqı artımının 10 min dram olacağını ehtimal etmək olar. Bundan ölkədə yalnız 1 milyon dram alanlar faydalana biləcəklər. Nəticə etibarilə, gəlir vergisi üzrə faiz dərəcələrinin aşağı olması səbəbindən vətəndaşların maaşlarının artacağı barədə deyilənlər mifdir, çünki maliyyələşdirilən pensiya sistemində dəyişikliklər qüvvəyə minəcək. Nədənsə, ölkədə yaşanacaq inflyasiyanı unuduruq. Bu, əsasən, spirtli içkilər, benzin, dizel, təbii qaz və siqaretə tətbiq ediləcək aksiz vergisinin artması ilə əlaqədardır. Yada salaq ki, 2020-ci ildə, Avrasiya İqtisadi Birliyinin razılaşması ilə əlaqədar olaraq bəzi ərzaq məhsullarının, o cümlədən ət, yağ, dərman, buğda kimi məhsulların da qiyməti artacaq. Bütün bunların fonunda ümumi tibbi sığorta sisteminin tətbiqi təklif olunur ki, bu da vergilərin daha 6 faiz artmasına səbəb olacaq”. Erməni deputata görə, buna sığorta deyilə bilməz: “…Çünki bu vəziyyətdə inhisarçılıq geniş vüsət alacaq, bundan başqa nəzarətdən kənar dövlət fondunun da yaradılması ehtimalı böyükdür”.
Qeyd edək ki Qorqisyan ayrı-ayrı korrupsiya sxemlərinin olacağını da istisna etməyib.
Ağasəf Babayev




 
Bölməyə aid digər xəbərlər
25.09.2020
Prezident İlham Əliyevin açıqlamaları Paşinyanı küncə sıxışdırdı
14.09.2020
Prezident İlham Əliyev: Biz daxili tələbatı nə qədər mümkünsə, yerli məhsullar hesabına təmin etməliyik
24.08.2020
Prezident: Rayonlarda vəziyyət düzgün təhlil edilməli, mövcud nöqsanlar, çatışmazlıqlar araşdırılmalı, insanları narahat edən problemlər öz həllini tapmalıdır
19.08.2020
Paşinyan rejimi Ermənistanda daha bir anti-rus addım atır?
22.07.2020
Ermənistanda ilin sonuna qədər iqtisadi tənəzzül qaçılmazdır

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11799

1 Bu il övladlığa götürülən uşaqların sayı açıqlandı
2 Azərbaycanda bu gündən yaşı 65-dən yuxarı olanlara yaşayış yerini tərk etməmək tövsiyə olunur
3 Xudatda əsgər ailələrinə yardım paylanılıb
4 Kolleclərin boş qalan plan yerlərinə qəbulun nəticələri elan olunub
5 Xudafərin körpülərinin UNESCO-nun Dünya Mədəni İrs Siyahısına salınması məqsədilə tədbirlər keçiriləcək


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info