Mələk Səfərova “Caspi art 9” Uluslararası Sanat Yarışmasında “Grand Pri“ qazandı
Tarix: 14.01.2020 | Saat: 19:04:00 | E-mail | Çapa göndər


Azərbaycan Dövlət Akademik Musiqili Teatrının balet artisti Mələk Səfərova dünyanın müxtəlif ölkələrinin iştirak etdiyi Türkiyənin “Caspi art 9” Uluslararası Sanat Yarışmasında "Grand Pri" diplomuna və pul mükafatına layiq görülüb.
O, bu müsabiqəyə qatılmaq üçün hazırladığı “Vəsf” balet-kompozisiyasından çəkilmiş foto və video materialları bir neçə ay öncə həmin təşkilatın ünvanına göndərib və bu yaxınlarda aldığı nəticələr isə onu çox sevindirib.
“Mükafata layiq görüldüyüm üçün özümü çox xoşbəxt sayıram. Bu, təkcə mənim uğurum deyil. Məşq prosesinə yaradılan şəraitə görə teatrın rəhbərliyinə, baş dirijorumuz, Əməkdar incəsət xadimi Fəxrəddin Atayevə, quruluşçu baletmeysterimiz, Əməkdar artist Yelena Ağayevaya, çəkilişdə göstərdiyi köməyə görə rejissor Samir Qulamova, teatrın geyim sexinin əməkdaşlarından tutmuş səhnə maşinistlərinə qədər, əziyyəti olan hər bir kəsə dərin minnətdarlığımı bildirirəm”, – deyə Mələk Səfərova sevincini sənət dostları ilə bölüşüb.
Qeyd edək ki, Mələk Səfərova Bakı Xoreoqrafiya Akademiyasının məzunudur. İndiyə qədər bir çox musabiqələrdə iştirak edib.
2014-2018-ci illərdə Azərbaycan Dillər Universitetinin "Fransız dili üzrə filologiya" fakültəsində təhsil alıb. Bir müddət Azərbaycan Fransa İnstitutunda (İFA) çalışıb. 2014-cü ildən Azərbaycan Dövlət Akademik Musiqili Teatrında balet artisti kimi fəaliyyətə başlayıb. Teatrda işlədiyi qısa müddət ərzində “Baladadaşın toy hamamı” (“Qəribə gülüş”), “Qızıl toy” (“Ukrayna rəqsi”), “Fərzəlikefcom” (“Yuxu” səhnəsi), “Fransızsayağı qarnir” (duet) “Paris Notr-Dama ithaf”(duet), “Mənim günahım” (solo) və demək olar ki, teatrın repertuarında olan bir çox tamaşalarda fəal iştirak edib, tamaşaçılar tərəfindən rəğbətlə qarşılanıb.
Mələk Səfərova ötən il Akademik Musiqili Teatrın 109-cu mövsümünün “Ən yaxşı balet artisti” mükafatına layiq görülüb.




 
Bölməyə aid digər xəbərlər
28.01.2020
“Grammy” musiqi mükafatları təqdim olundu
27.01.2020
Mirtəqəvi Hüseyn fenomeni
27.01.2020
“Bu dəvət Beynəlxalq “Fəcr” Teatr Festivalı rəhbərliyinin Azərbaycan teatrına olan hörmətidir”
26.01.2020
İrəvan xanlığının bölgə mətbəxi haqqında kitab
26.01.2020
“Anladım ki, artıq bu ölkədə müsəlman olaraq qala bilməyəcəyəm“

Şərh əlavə olunmayıb

    ,    
Fuad HÜSEYNZADƏ
Tural Tağıyev
Ağasəf Babayev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11440

1 Çalışacağıq ki, futbol pərəstişkarları məmnun qalsınlar
2 Turizm şirkətlərinə mülki məsuliyyət sığortası tətbiq ediləcək
3 Ermənistanda sosial narazılıq artır: fermerlərin kütləvi mitinqi bütün ölkəyə yayılır
4 ABŞ “doğum turizmi”nə qarşı mübarizə aparmaq qərarına gəlib
5 Ehsan Zahidov: “Salyanda polisin qıza təcavüz etməsi barədə məlumat tamamilə əsassız və uydurmadır“


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info