Vüsal Qasımlı Türkiyənin Azərbaycandakı səfiri Erkan Özoralı qəbul edib
Tarix: 17.01.2020 | Saat: 14:33:00 | E-mail | Çapa göndər


İqtisadi İslahatların Təhlili və Kommunikasiya Mərkəzinin (İİTKM) icraçı direktoru Vüsal Qasımlı Türkiyə Respublikasının Azərbaycandakı səfiri Erkan Özoralı qəbul edib. Görüş zamanı V.Qasımlı iki qardaş ölkə arasında siyasi, iqtisadi, ticarət, enerji və mədəni sahədəki əlaqələrinin daima yüksələn xətlə inkişafından məmnunluğunu ifadə edib.
Müzakirələrdə bildirilib ki, Azərbaycan və Türkiyənin birlikdə gerçəkləşdirdikləri meqalayihələr regionun geoiqtisadi şəkillənməsində, habelə bölgədə iqtisadi təhlükəsizliyin, sabitliyin və rifahın təmin olunmasında əhəmiyyətli rol oynayır. İcraçı direktor Azərbaycanda 2019-cu ildə iqtisadi sahədə qarşıda duran bütün vəzifələrin uğurla icra edildiyini vurğulayıb. Onun sözlərinə görə, makroiqtisadi vəziyyətin sabitliyi təmin olunub, inflyasiya cəmi 2,6 faiz təşkil edib.
Bundan başqa 2019-cu ildə bütün qonşu ölkələrlə ticarət dövriyyəsi artıb, Türkiyə ilə ticarət dövriyyəsi isə 4,5 milyard dollara çatıb. Azərbaycanın ixracının 15 faizi, idxalının isə 12 faizi Türkiyənin payına düşüb. Azərbaycanın və Türkiyənin sabit inkişafı ölkələrimizin qarşılıqlı sərmayə qoyuluşu, ticarət dövriyyəsinin artması, habelə birgə layihələrinin gerçəkləşdirilməsi üçün əlavə imkanlar açır.
Vüsal Qasımlı İqtisadi İslahatların Təhlili və Kommunikasiya Mərkəzinin fəaliyyəti barədə də Türkiyə səfirinə ətraflı məlumat verib. Bildirib ki, İİTKM-in güclü analitik aparatı və monitorinq institutu birlikdə islahatların “həyat tsikli” boyunca öz töhfəsini verir. İqtisadi islahatların idarəedilməsi üçün Azranking.az və Monitoring.az kimi rəqəmsal və innovativ platformalardan istifadə olunur. Səfir Erkan Özorala innovativ iqtisadi inkişafı dəstəkləyən Azərbaycan Rəqəmsal Ticarət Qovşağı, EnterpriseAzerbaijan, Azexport və Azerp.az layihələri barədə məlumatlar təqdim olunub. Türkiyə Respublikasının Azərbaycandakı səfiri Erkan Özoral öz növbəsində ölkələr arasında əlaqələrin daha da inkişafı üçün mümkün layihələrə dəstək olacağını bildirib. Səfir həmçinin “Bir pəncərə” İxraca Dəstək Mərkəzinin fəaliyyəti ilə tanış olub. Burada sahibkarlara göstərilən xidmətlər barədə E.Özorala məlumat verilib.

Anar




 
Bölməyə aid digər xəbərlər
24.02.2020
Azərbaycan nefti həftə ərzində 1,45% bahalaşıb
24.02.2020
“Brent“ markalı neftin qiyməti 57 dollardan aşağı düşüb
23.02.2020
Prezident İlham Əliyev və birinci xanım Mehriban Əliyeva Vatikanda Sikstin Kapellası və Müqəddəs Pyotr Kilsəsi ilə tanış olublar
22.02.2020
22 fevral - Avtomobil yolları işçilərinin peşə bayramı günüdür
22.02.2020
“Azeri Light”ın bir barrelinin qiyməti 60,21 dollara düşüb

Şərh əlavə olunmayıb

    ,    
Anar MİRİYEV
Ağasəf Babayev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11453

1 “Qarabağda Ermənistanin heç biri tarixi irsi yoxdur” mövzusunda konfrans keçirilib
2 Tural İsmayılov: “İtaliya Azərbaycanın ərazi bütövlüyünü, münaqişənin ədalətli və beynəlxalq hüquq əsasında həllini dəstəkləyir”
3 “Bu ilin “Könüllü ili” elan olunması gənclərin inkişafı üçün böyük təkandır”
4 Münhen dərsi: Prezident bütün dünyaya sübut etdi ki, Qarabağ Azərbaycandır!
5 Altı il ərzində Ermənistanın dövlət borcu iki dəfə artıb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info