Politoloq: Davos Forumu Azərbaycanın dünyada ciddi, etibarlı bir dövlət kimi qəbul olunduğunu bir daha sübut etdi
Tarix: 24.01.2020 | Saat: 17:30:00 | E-mail | Çapa göndər


Azərbaycan Prezidentinin Davos İqtisadi Forumunda keçirdiyi bütün görüşlər əhəmiyyətlidir. Bununla yanaşı, Davos Forumu bir çox cəhətdən, həm qlobal, həm də regional müstəvidə, eyni zamanda, Azərbaycanın maraqları baxımından ciddi müzakirələr və qərarlarla tarixə düşür. Forumda Azərbaycanın dünya iqtisadiyyatının ən sürətlə inkişaf edən tərkib hissəsi olaraq təqdim edilməsi və nümunə göstərilməsi xüsusilə qürurverici hadisə kimi qiymətləndirilməlidir. Bu da onu göstərir ki, Azərbaycan dünyada ciddi, etibarlı və qüdrətli bir dövlət kimi qəbul edilir. Hər bir görüş barədə ətraflı danışmaq olar. Mən xüsusilə diqqəti yanvarın 22-də forum çərçivəsində keçirilmiş “Strateji baxış: Avrasiya” mövzusunda keçirilən panel iclasına yönəltmək istərdim.
Bu fikirləri AZƏRTAC-a açıqlamasında politoloq Fuad Babayev bildirib.
Politoloq qeyd edib ki, Azərbaycan Prezidenti panelin moderatorunun ona ünvanladığı ilk sualı cavablandırarkən Azərbaycanın qonşularımızla münasibətdə siyasətinin mehriban olduğunu vurğulamaqla yanaşı, milli maraqlarımızın həmişə birinci yerdə olduğunu qeyd etdi. “Mən, həmçinin Azərbaycan Prezidentinin moderatorun “Sizin region üçün ən parlaq ümidiniz və ən pis kabusunuz nədir?” sualını cavablandırarkən səsləndirdiyi fikirlərə də diqqət çəkərdim. Prezident İlham Əliyev qeyd etdi ki, xüsusən regional vəziyyəti və yeni yaranmaqda olan münaqişə zonalarını nəzərə alaraq hazırda ən vacib olan məsələ regional sabitlikdir. Prezident ölkədə bizim daxili risklərimizin olmadığını, ölkənin sabit, inkişafın davamlı olduğunu vurğuladı”, - deyə F.Babayev bildirib. Onun sözlərinə görə, Azərbaycan Prezidenti, həmçinin çox geniş islahatlar gündəliyimizin mövcudluğundan danışaraq qeyd etdi ki, ən böyük narahatlıq və əsas potensial kabus sərhədlərimizin xaricində gərginliyin artması olardı. Prezident bunun üçün Azərbaycanın məsuliyyət daşımadığını, bu prosesə tam olaraq təsir edə bilmədiyimizi vurğuladı. Eyni zamanda, qeyd etdi ki, məsuliyyəti bu kövrək sabitliyin daha da sarsılmaması üçün öz aralarında müəyyən məsələlərlə bağlı razılığa gəlməli olan super qüvvələr, meqa güclər daşıyacaq. “Yuxarıda qeyd etdiyim kimi, Davos İqtisadi Forumu çərçivəsində keçirilən bütün görüşlər əhəmiyyətlidir. Ən əsas mesajlardan biri isə, zənnimcə, Azərbaycanın sabitlik vadisi kimi regionda cərəyan edən neqativ proseslərdən özünü qoruya bilməsi ilə bağlıdır. Sabitliyin iqtisadi uğurların rəhni olması isə hamı tərəfindən bütün dünyada qəbul olunan həqiqətdir”, - deyə Fuad Babayev əlavə edib.




 
Bölməyə aid digər xəbərlər
22.02.2020
Xocalı soyqırımı insanlığa qarşı törədilən qanlı cinayətdir
22.02.2020
“Azərbaycanın hər sahədə Türkiyəyə göstərdiyi maraq göz önündədir”
22.02.2020
Amerikalı politoloq: Rəsmi Bakıya etimad yüksək səviyyədədir
21.02.2020
Amerikalı alim: Ətrafda qiyamət qopur, Azərbaycanda isə sakitlikdir
21.02.2020
“Rusiya ilə qarşıdurma yaratmaq niyyətimiz yoxdur”

Şərh əlavə olunmayıb

    ,    
Anar MİRİYEV
Ağasəf Babayev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11453

1 “Qarabağda Ermənistanin heç biri tarixi irsi yoxdur” mövzusunda konfrans keçirilib
2 Tural İsmayılov: “İtaliya Azərbaycanın ərazi bütövlüyünü, münaqişənin ədalətli və beynəlxalq hüquq əsasında həllini dəstəkləyir”
3 “Bu ilin “Könüllü ili” elan olunması gənclərin inkişafı üçün böyük təkandır”
4 Münhen dərsi: Prezident bütün dünyaya sübut etdi ki, Qarabağ Azərbaycandır!
5 Altı il ərzində Ermənistanın dövlət borcu iki dəfə artıb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info