Ərdoğan Afrika səfərilə bağlı ətraflı məlumat verdi
Tarix: 26.01.2020 | Saat: 19:21:00 | E-mail | Çapa göndər



Türkiyə prezidenti Rəcəb Tayyib Ərdoğan Əlcəzairə hərəkət etməzdən əvvəl İstanbul Atatürk Havalımanında təşkil edilən mətbuat konfransında çıxış edib.


Türkiyə prezidenti Rəcəb Tayyib Ərdoğan Əlcəzairə hərəkət etməzdən əvvəl İstanbul Atatürk Havalımanında təşkil edilən mətbuat konfransında çıxış edib.
Həmkarlarının dəvətləri ilə 26-28 yanvar tarixlərində sıra ilə Əlcəzair, Qambiya və Seneqalda olacaq Ərdoğan bu Afrika səfərinə ölkənin nazir, millət vəkili, müxtəlif dövlət və özəl sektor nümayəndələrilə birgə gedir.
Afrika dövrünün ilk dayanacağı olan Əlcəzairin son bir ilin çətinliyini müvəffəqiyyətlə sovuşdurduğunu dilə gətirən Ərdoğan mediaya açıqlamasında bunları söyləyib:
“Əbdülməcid Tebbun vəzifəyə gəldikdən sonra Əlcəzairə ilk dəfə prezident kimi yollanmaq bu səfərə ayrı bir əhəmiyyət qazandırır.
Hörmətli Tebbunla biz Berlin zirvə toplantısında bir araya gəldik. Orada ikili söhbətimiz oldu. Bu səfərimizdə onunla və ölkənin digər səlahiyyətlilərilə keçirəcəyimiz görüşlər ikitərəfli əlaqələrimizi ətraflı müzakirə etməyə imkan verəcək. Əlcəzairdə ortaq iş forumu təşkil edəcəyik. Söhbətlərimizdə, eyni zamanda, başda Liviya olmaqla, bölgəmizdə gedən aktual proseslər haqqında da fikir mübadiləsi olacaq.
Əlcəzairdən sonra yanvarın 27-də Qambiyaya səfər edəcəyik. Bu da ölkəmizdən Qambiyaya ilk prezident səfəri olacaq. Qambiya Afrikada Fətullahçı Terror Təşkilatı (FETÖ) məktəbini ilk bağlayan ölkə olduğu üçün bizə görə xüsusi yeri vardır. Bu ölkə ilə əlaqələrimizi, ticarət və turizm başda olmaqla, hər sahədə inkişaf etdirmək istəyirik.

Qambiya səfərinin axşamı Seneqala keçəcəyik. Məqsədimiz bölgəsində sabitlik abidəsi olan Seneqalla əlaqələrimizi daha da gücləndirməkdir. Seneqalın respublika başçısı Makki Sal (Macky Sall) ilə çox yaxın dostluğumuz var. Bu səfərdə həm investisiya, həm də gündəmdəki digər məsələlərdən danışacağıq.
Afrika qitəsi ilə kökü 10-cu əsrə dayanan əlaqələrimiz var. Səylərimiz nəticəsində son 17 ildə Afrika ölkələriylə Türkiyə arasındakı ticarət həcmi 381 faiz artaraq 26 milyard dollara çatıb. Bu da onu göstərir ki, 2003-cü ildən bu yana icra etdiyimiz “Afrika açılımı” siyasəti çox istiqamətli şəkildə inkişaf edir.
Türkiyə - Afrika ortaq zirvə toplatısının üçüncüsünü bu ilin aprelində ölkəmizdə təşkil etmək istəyirik. Bununla əlaqədar görüşlərimiz davam edir, fevral ayının ikinci həftəsi qəti qərar bəlli olacaq.”




 
Bölməyə aid digər xəbərlər
25.02.2020
Haburq əyalət parlamentinə13 Türk mənşəli siyasətçi deputat seçildi
25.02.2020
Misirin sabiq prezidenti Hüsnü Mübarək vəfat edib
25.02.2020
Çində koronavirus qurbanlarının sayı 2663 nəfərə çatıb
25.02.2020
İranda koronavirusdan ölənlərin sayı artdı - 61 nəfər...
24.02.2020
Böyük Britaniyada son 20 ilin ən güclü daşqınları baş verir

Şərh əlavə olunmayıb

    ,    
Anar MİRİYEV
Ağasəf Babayev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11454

1 “Qarabağda Ermənistanin heç biri tarixi irsi yoxdur” mövzusunda konfrans keçirilib
2 Tural İsmayılov: “İtaliya Azərbaycanın ərazi bütövlüyünü, münaqişənin ədalətli və beynəlxalq hüquq əsasında həllini dəstəkləyir”
3 Altı il ərzində Ermənistanın dövlət borcu iki dəfə artıb
4 “Gənclərin vətənpərvər, savadlı, yüksək mənəvi dəyərlərə, tərbiyəyə malik olması dövlətin gələcəyi üçün önəmlidir”
5 Ağstafada Xocalı soyqırımının 28-ci ildönümü qeyd olunub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info